ରାୟଗଡ଼ା: ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଡିମିରିଗୁଡା ପଞ୍ଚାୟତର ଗୁରୁଟୁ ମାସ୍କା ନାଳ ନିକଟ ଜଙ୍ଗଲରୁ ଜଣେ ଯୁବତୀଙ୍କ ଗଲିତ ଶବ ଝୁଲନ୍ତା ଅବସ୍ଥାରେ ଉଦ୍ଧାର କରିଛି ଅମ୍ବାଦଳା ପୁଲିସ। ମୃତ ମହିଳା ଜଣଙ୍କ ହେଉଛନ୍ତି ଡିମିରିଗୁଡ଼ା ପଞ୍ଚାୟତ କାମାରୀ ଗ୍ରାମର ଆସ୍କୁଲି ମାଝୀ। ସେ ଗତ ୨୪ ତାରିଖ ଦିନ ଠାରୁ ନିଖୋଜ ଥିବା ନେଇ ଅକ୍ଟୋବର ୧ ତାରିଖ ଦିନ ପରିବାର ପକ୍ଷରୁ ଅମ୍ବାଦଳା ଥାନାରେ ଏକ ଲିଖିତ ଅଭିଯୋଗ କରିଥିଲେ। ଅଭିଯୋଗ ଅଧାର କରି ଅମ୍ବାଦଳା ପୁଲିସ ଖୋଜା ଖୋଜି ଜାରି ରଖିଥିବା ବେଳେ ଜଙ୍ଗଲରୁ ତାଙ୍କର ମୃତଦେହ ଉଦ୍ଧାର କରିଛି। ଶବ ବ୍ୟବଚ୍ଛେଦ ପାଇଁ ବ୍ରହ୍ମପୁର ସରକାରି ମୂଖ୍ୟ ଡ଼ାକ୍ତରଖାନା କୁ ପଠା ଯାଇଛି। ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ତଦନ୍ତ ଜାରି ରଖିଛି।
Naxatra News is now on Whatsapp
Join and get latest news update delivered to you via whatsapp
Join Now
