ବନ୍ୟାପାଣି ଘେରରେ ଧାମନଗର ବ୍ଲକର ଅନେକ ପଞ୍ଚାୟତ

ଭଦ୍ରକ: ବୈତରଣୀରେ ବନ୍ୟା ଜଳ ଏବେ ହ୍ରାସ ପାଇବାରେ ଲାଗିଛି।  କିନ୍ତୁ ତଳ ମୁଣ୍ଡରେ ବନ୍ୟା ଜଳ ବଢ଼ିଥିବାରୁ, ଜଳ ଘେରରେ ରହୁଛନ୍ତି ଲୋକେ। ଗୋଟିଏ ସପ୍ତାହରେ ବୈତରଣୀରେ ୨ ଥର ବନ୍ୟା ଆସିବା ଯୋଗୁଁ ଲୋକ ମାନେ ବହୁ ଅସୁବିଧାର ସମ୍ମୁଖୀନ ହୋଇଛନ୍ତି । ଲୋକଙ୍କ ଘରେ ପାଣି ପଶିଯାଇଥିବା ବେଳେ ଗାଁ ଦାଣ୍ଡରେ ଆଣ୍ଠୁଏ ବନ୍ୟା ଜଳ ଲହଡି ମାରୁଛି। ଜଳଘେରରେ ରହିଛି ଧାମନଗର ବ୍ଲକର ଅନେକ ପଞ୍ଚାୟତ । ଏଥିସହ ବଢୁଛି ବନ୍ୟା ବିପନ୍ନଙ୍କ ସମସ୍ୟା । କିଛି  ପଞ୍ଚାୟତ ତରଫରୁ ଶୁଖିଲା ଖାଦ୍ୟର ବ୍ୟବସ୍ଥା କରାଯାଇଥିଲେ ସୁଧା ଅନେକ ପରିବାର ଏଵେବି ଜଳବନ୍ଦୀ ଜୀବନ କଟୁଛନ୍ତି । ଏଥିସହ ଚାରିଦିନ ହେବ ଭୋକ ଉପାସରେ ଦିନ କାଟୁଛନ୍ତି କାଇଥାଡିହ ଗାଁର ୧୫୦ରୁ ଉର୍ଦ୍ଧ୍ବ ଲୋକ ।  ପ୍ରଶାସନ ପକ୍ଷରୁ ବନ୍ୟା ବିପନ୍ନକୁ କୈଣସି ସୁବିଧା ମିଳିନଥିବା ଅଭିଯୋଗ କରିଛନ୍ତି ଗ୍ରାମବାସୀ।