ନୂଆଦିଲ୍ଲୀ: ଦେଶର ଆଗାମୀ ମୁଖ୍ୟ ବିଚାରପତି ଜଷ୍ଟିସ ଡି ୱାଇ ଚନ୍ଦ୍ରଚୂଡ ଓ ଜଷ୍ଟିସ ହିମା କୋହଲିଙ୍କ ଖଣ୍ଡପୀଠ ଶୁକ୍ରବାର ସୁପ୍ରିମକୋର୍ଟର ସମସ୍ତ ରେକର୍ଡ ଭାଙ୍ଗି ଦେଇଛନ୍ତି। ପୀଠ ଶୁକ୍ରବାର ରାତି ପ୍ରାୟ ୯ଟା ଯାଏଁ ଶୁଣାଣି କରିଛନ୍ତି। ଗୋଟିଏ ଦିନରେ ୭୫ଟି ମାମଲାର ଶୁଣାଣି କରିଛନ୍ତି ଏହି ଖଣ୍ଡପୀଠ।
ସାଧାରଣତଃ ସୁପ୍ରିମ କୋର୍ଟ ସଂଧ୍ୟା ଚାରିଟା କି ପାଞ୍ଚଟା ଯାଏ ଚାଲିଥାଏ। କିନ୍ତୁ ଆଗକୁ ବିଜୟା ଦଶମୀ ଓ ଦୁର୍ଗାପୂଜା ଛୁଟି ଥିବାରୁ ଛୁଟି ପୂର୍ବରୁ ଜଷ୍ଟିସ ଚନ୍ଦ୍ରଚୂଡ ଓ ଜଷ୍ଟିସ କୋହଲିଙ୍କ ଖଣ୍ଡପୀଠ କୋର୍ଟର ଦେଶ ଦିନ ଶୁକ୍ରବାର ଥିବାରୁ ରାତି ୯.୧୦ ପର୍ଯ୍ୟନ୍ତ ଶୁଣାଣି କରିଛନ୍ତି। ମୋଟ ୧୦ ଘଣ୍ଟା ଓ ୪୦ ମିନିଟ ଧରି ଖଣ୍ଡପୀଂ ଶୁଣାଣି କରିଛନ୍ତି।
ଶୁଣାଣି ପରେ ଜଷ୍ଟିସ ଚନ୍ଦ୍ରଚୂଡ ସମସ୍ତ କର୍ମଚାରୀଙ୍କୁ ଧନ୍ୟବାଦ ଦେଇଛନ୍ତି। ଆଗକୁ ଛୁଟି ଥିବାରୁ ମାମଲା ଅନ୍ୟ ତାରିଖକୁ ଘୁଞ୍ଚି ଥାନ୍ତା, ଯାହା ପାଇଁ ଲୋକଙ୍କୁ ଏକ ଲମ୍ବା ସମୟ ପର୍ଯ୍ୟନ୍ତ ଅପେକ୍ଷା କରିବାକୁ ହେବ। କୋର୍ଟରେ ପଡି ରହିଥିବା ମାମଲାର ତ୍ବରିତ ସମାଧାନ ଦିଗରେ ମୁଖ୍ୟ ବିଚାର ପତି ଜଷ୍ଟିସ ୟୁ ୟୁ ଲଲିତଙ୍କ ଆହ୍ବାନ ପରେ ଜଷ୍ଟିସ ଚନ୍ଦ୍ରଚୂଡ ମଧ୍ୟ ବିଳମ୍ବିତ ସମୟ ପର୍ଯ୍ୟନ୍ତ ଶୁଣାଣି କରିଛନ୍ତି।
ଜଷ୍ଟିସ ଲଲିତ ଜୁଲାଇରେ କୋର୍ଟ କାର୍ଯ୍ୟ ସକାଳୁ ଆରମ୍ଭ କରିବାକୁ ଯୁକ୍ତି ବାଢିଥିଲେ। ଲଲିତ ସେତେବେଳେ କହିଥିଲେ, ଯଦି ପିଲାମାନେ ସ୍କୁଲ ଯିବାକୁ ସକାଳୁ ଉଠିପାରିବେ ତେବେ ଆମେ କୋର୍ଟକୁ କାହିଁ ଶୀଘ୍ର ଆସି ପାରିବା ନାହିଁ।
Naxatra News is now on Whatsapp
Join and get latest news update delivered to you via whatsapp
Join Now
