ନୂଆପଡା: ଗାଧଉଥିବା ବେଳେ ପୋଖରୀରେ ବୁଡି ଦୁଇ ନାବାଳକଙ୍କ ଚାଲିଯାଇଛି ଜୀବନ । ଏପରି ଏକ ଦୃଶ୍ୟ ଦେଖିବାକୁ ମିଳିଛି ନୂଆପଡା ଜିଲ୍ଲା ସିନାପାଲି ଥାନା ଅନ୍ତର୍ଗତ ଚୌରା ଗ୍ରାମରେ। ସୂଚନା ମୁତାବକ, ଦୁଇ ସାଙ୍ଗ ସ୍କୁଲ ସାରି ଫେରି ଗାଧେଇବାକୁ ଦିନ 4 ଟା ବେଳେ ପୋଖରୀକୁ ଯାଇଥିଲେ । ସେଠାରେ କୌଣସି କାରଣବଶତଃ ସେମାନେ ପୋଖରୀରେ ବୁଡିଯାଇଥିଲେ। ସ୍ଥାନୀୟ ଲୋକେ ସେମାନଙ୍କୁ ପୋଖରୀରୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଥିଲେ । ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ତେବେ ମୃତକ ଦୁଇ ଜଣ ହେଉଛନ୍ତି ବୃଷଭ ବନ୍ଦଛୋର (9) ଓ ହମିତ ବନ୍ଦଛୋର (7)। ଘଟଣା ପରେ ପରିବାର ଓ ଚୌରା ଗ୍ରାମରେ ଶୋକର ଛାୟା ଖେଳିଯାଇଛି । ତେବେ ଆଜି ଉଭୟ ନାବାଳକଙ୍କ ମୃତ ଶରୀରକୁ ବ୍ୟବଛେଦ ପାଇଁ ପଠାଯାଇଛି ।
![](https://naxatranews.com/wp-content/uploads/2024/08/Whatsapp-Logo.png)
Naxatra News is now on Whatsapp
Join and get latest news update delivered to you via whatsapp
Join Now