ବିଳମ୍ବିତ ରାତିରେ ବସ ଟ୍ରକ ମୁହାଁ ମୁହିଁ ଧକ୍କା

ବୌଦ୍ଧ: ଯାତ୍ରୀବାହୀ ବସକୁ ସାମ୍ନାପଟୁ ଧକ୍କାଦେଲା ଟ୍ରକ । ଦୁର୍ଘଟଣାରେ 15 ଜଣ ଯାତ୍ରୀ ଆହତ । ଏହି ବଡଧରଣର ସଡକ ଦୁର୍ଘଟଣାଟି ଘଟିଛି ବୌଦ୍ଧ ଜିଲ୍ଲା ପୁରଣା କଟକ ନିକଟରେ । ଦୁର୍ଘଟଣାରେ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।

ସମୋବାର ବିଳମ୍ବିତ ରାତିରେ ଘଟିଛି ସଡକ ଦୁର୍ଘଟଣା । ମିଳିଥିବା ସୂଚନା ଅନୁଯାୟୀ ସାହିଲ ନାମକ ଏକ ବସ 40 ଯାତ୍ରୀଙ୍କୁ ନେଇ ବଡମ୍ବାରୁ ବଲାଙ୍ଗୀର ଅଭିମୁଖେ ବାହାରିଥିଲା କିନ୍ତୁ ହଠାତ୍ ବୌଦ୍ଧ ର ପୁରୁଣା କଟକ ଥାନା ଅଧୀନ ଚାରିଛକ ନିକଟରେ ଏକ ଟ୍ରକ ସହ ଧକ୍କା ହୋଇଥିଲା । ବସର ବିପରିତ ଦିଗରୁ ଆସୁଥିବା ଏକ ଟ୍ରକ ସାମ୍ନାପଟୁ ଧକ୍କା ଦେଇଥିବାରୁ ଦୁର୍ଘଟଣାରେ ବସଟି ଓଲୋଟି ଯାଇଥିଲା, ଯେଉଁଥିରେ ବସରେ ଥିବା 40 ଯାତ୍ରୀଙ୍କ ମଧ୍ୟରୁ 15 ଯାତ୍ରୀ ଆହତ ହୋଇଥିଲେ ଏବଂ 5 ଜଣଙ୍କ ଅବସ୍ଥା ଗୁରୁତର ହୋଇଯାଇଥିଲା ।

ଘଟଣା ସ୍ଥଳରେ ପୋଲିସ ପହଞ୍ଚି ଆହତ ଯାତ୍ରୀ ମାନଙ୍କୁ ପରୁଣା କଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା । ତେବେ ଦୁର୍ଘଟଣାରେ ଡ୍ରାଇଭର ଓ ହେଲଫରଙ୍କର କିଛି ହୋଇନଥିବା ସ୍ପଷ୍ଟ ହୋଇଛି । ପୋଲିସ ଦୁର୍ଘଟଣା ଗ୍ରସ୍ତ ବସ ଓ ଟ୍ରକକୁ ଜବତ କରି ତଦନ୍ତ ଆରମ୍ଭ କରିଛି ।