ନୂଆଦିଲ୍ଲୀ: ଉନ୍ନାବ ଦୁଷ୍କର୍ମ ପୀଡିତାଙ୍କୁ ସୁପ୍ରିମ କୋର୍ଟରୁ ବଡ ଆଶ୍ବସ୍ତି। ମାମଲାକୁ ସୁପ୍ରିମ କୋର୍ଟ ଦିଲ୍ଲୀ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଛନ୍ତି। ଶୁକ୍ରବାର ମାମଲାର ଶୁଣାଣି କରି ସୁପ୍ରିମ କୋର୍ଟ ଏହାକୁ ଦିଲ୍ଲୀ ସ୍ଥାନାନ୍ତର କରିଛନ୍ତି। ମାମଲାରେ ଅଭିଯୁକ୍ତ ପକ୍ଷର ଓକିଲ ଯୁକ୍ତି ବାଢିଥିଲେ କି, ତାଙ୍କ ମହକିଲଙ୍କୁ ଫସାଇବା ପାଇଁ ମିଛ ମାମଲା ଦାୟର କରାଯିବା ସହ ମିଛ ଦସ୍ତାବିଜ ପ୍ରସ୍ତୁତ କରାଯାଇଛି। ସେପଟେ ପୀଡିତା ମାମଲାର ଶୁଣାଣି ଉତ୍ତର ପ୍ରଦେଶରୁ ଦିଲ୍ଲୀ ଟ୍ରାନ୍ସଫର କରିବାକୁ ଅନୁରୋଧ କରିଥିଲେ।
ଜୁଲାଇ ୩ ତାରିଖରେ କୋର୍ଟଙ୍କ ନିକଟରେ ହାଜର ନ ହେବାରୁ ପୀଡିତାଙ୍କ ବିରୋଧରେ ଏକ ନନ ବେଲେବଲ ୱାରେଣ୍ଟ ଜାରି କରାଯାଇଥିଲା। ଏହାକୁ ଚ୍ୟାଲେଞ୍ଜ କରି ସୁପ୍ରିମ କୋର୍ଟରେ ପୀଡିତାଙ୍କ ପକ୍ଷରୁ ଯାଚିକା ଦାୟର ହୋଇଥିଲା। ଯାଚିକାରେ କୁହାଯାଇଥିଲା କି, ସେ ଦିଲ୍ଲୀରେ କୋର୍ଟଙ୍କ ନିକଟରେ ଉପସ୍ଥିତ ଥିଲେ। ତଥାପି ତାଙ୍କ ବିରୋଧରେ ନନ ବେଲେବଲ ୱାରେଣ୍ଟ ଜାରି କରାଯାଇଛି। ୱାରେଣ୍ଟ ଉପରେ ରୋକ ଲଗାଇବାକୁ ପୀଡିତା ସୁପ୍ରିମ କୋର୍ଟରେ ଅପିଲ କରିଥିଲେ।
ସୂଚନାଯୋଗ୍ୟ, ୨୦୧୭ ମସିହାରେ କୁଲଦୀପ ସିଂହ ସେଙ୍ଗରଙ୍କ ବିରୋଧରେ ଅପହରଣ ଓ ଦୁଷ୍କର୍ମ ଅଭିଯୋଗ ହୋଇଥିଲା। ଦୁଷ୍କର୍ମ ସମୟରେ ପୀଡିତା ନାବାଳିକା ଥିଲା। ନିଜ ବୟସର ପ୍ରମାଣ ଦେବାକୁ ସେ ସ୍କୁଲର ଟିସି କୋର୍ଟରେ ଦାଖଲ କରିଥିଲେ। କିନ୍ତୁ ଅଭିଯୁକ୍ତ ପକ୍ଷର ଓକିଲ ଅଭିଯୋଗ କରିଥିଲେ କି, ଟିସିରେ ହେରଫେର କରାଯାଇଛି।
ଅନ୍ୟପଟେ ମାଖି ଦୁଷ୍କର୍ମ କାଣ୍ଡରେ ଜଡିତ ହରପାଲ ସିଂହଙ୍କ ଦ୍ବାରା ଦୁଷ୍କର୍ମ ପୀଡିତା, ତାଙ୍କ ମା ଓ ଦାଦାଙ୍କ ବିରୋଧରେ ହେରଫେରକୁ ନେଇ ମାମଲା ଦାୟର ହୋଇଥିଲା। ଏହା ପରେ କୋର୍ଟ ପୀଡିତାଙ୍କ ବିରୋଧରେ ନନ ବେଲେବୁଲ ୱାରେଣ୍ଟ ଜାରି କରିଥିଲେ।
![](https://naxatranews.com/wp-content/uploads/2024/08/Whatsapp-Logo.png)
Naxatra News is now on Whatsapp
Join and get latest news update delivered to you via whatsapp
Join Now