ନ୍ୟାୟପାଳିକାର ଡାର୍ଟି ସିକ୍ରେଟ- ଆଇଟମ ଡ୍ୟାନ୍ସ ନ କରିବାରୁ ଚାଲିଗଲା ମହିଳା ଜଜଙ୍କ ଚାକିରୀ!

ଜୁଡିସିଆରିର ଡାର୍ଟି ସିକ୍ରେଟ। ଯୌନ ଉତ୍ପୀଡ଼ନ। ବହୁ ମହିଳା ବିଚାରପତି ପୁରୁଷ ବିଚାରପତିଙ୍କ ଦ୍ୱାରା ଯୌନଶୋଷଣ ହେଉଛନ୍ତି। ବରିଷ୍ଠ ଆଇନଜୀବି ଇନ୍ଦିରା ଜୟସିଂ ଏକ କାର୍ଯ୍ୟକ୍ରମରେ ଏଭଳି ବିସ୍ଫୋରକ ବୟାନ ଦେଇଛନ୍ତି। ବହୁ ମହିଳା ବିଚାରପତି ଯୌନ ଅସଦାଚରଣର ସମ୍ମୁଖୀନ ହୋଇଥିବାର ସେ ଏମିତି ଅନେକ ଅଭିଯୋଗ ପାଇଥିବା କହିଛନ୍ତି ଇନ୍ଦିରା ଜୟସିଂ। ଏକ ମାମଲାର ନଜିର ଦେଇ କହିଥିଲେ ଯେ, ଜଣେ ମହିଳା ଅତିରିକ୍ତ ଜିଲ୍ଲା ଜଜଙ୍କୁ ପୁରୁଷ ଜଜ୍ ନିଜର ୨୫ତମ ବିବାହ ବାର୍ଷିକିରେ ଆଇଟମ ନମ୍ୱର ଉପରେ ନାଚିବାକୁ କହିଥିଲେ। ବିରୋଧ କରିବାରୁ ସଂପୃକ୍ତ ବିଚାରପତିଙ୍କୁ ତଥାକଥିତ ଭାବେ ନିଜ ଚାକିରୀ ହରାଇବାକୁ ପଡ଼ିଲା। ଜିଲ୍ଲା ଅଦାଲତରେ ମହିଳା ଜଜଙ୍କ ପୀଡ଼ାର ଅବତାରଣା କରିଥିଲେ। ନ୍ୟାୟପାଳିକାରେ ମହିଳା ବିଚାରପତିଙ୍କ ଯୌନ ଉତ୍ପୀଡ଼ନକୁ ଏକ କଳା ରହସ୍ୟ ବୋଲି କହିଛନ୍ତି ଇନ୍ଦିରା। ଅନେକ ମହିଳା ଜଜ୍ ଏଥିରେ ପୀଡ଼ିତ। ଏ ସ୍ଥିତି ଲାଗି ସିଧା ସୁପ୍ରିମକୋର୍ଟ ଓ ହାଇକୋର୍ଟ ଉପରେ ଅଙ୍ଗୁଳି ଉଠାଇଛନ୍ତି ଇନ୍ଦିରା। ସେ ଏହା ତାଙ୍କ ଅନୁଭବରୁ ଏଭଳି ଅନେକ ମହିଳା ବିଚାରପତିଙ୍କୁ ସାମ୍ନା କରିଛନ୍ତି। କାରଣ ସେ ଅନେକ ମହିଳା ବିଚାରପତିଙ୍କ ପ୍ରତିନିଧିତ୍ୱ କରିଛନ୍ତି।  ନ୍ୟାୟପାଳିକାରେ ଯୌନ ଉତ୍ପୀଡ଼ନର କଥା କେହି କହିବାକୁ ଚାହୁଁନାହାନ୍ତି। ସେଥିଲାଗି ସେ ନିଜ ପୁସ୍ତକରେ ଭାରତୀୟ ନ୍ୟାୟପାଳିକାରେ ଯୌନ ଉତ୍ପୀଡ଼ନ କେମିତି ଡାର୍ଟି ସିକ୍ରେଟ ବୋଲି ଉଲ୍ଲେଖ କରିଛନ୍ତି। ଇନ୍ଦିରା ଜୟସିଂ ମାଇ ଭିଜନ ଅଫ ଇଣ୍ଡିଆ- ୨୦୪୭ ଏଡି ବିଷୟରେ ୨୯ତମ ଡିଏସ ବ୍ରୋକର ମେମୋରିଆଲ ଲେକଚର ବେଳେ ନିଜ ସମ୍ୱୋଧନରେ ଏଭଳି ସମ୍ୱେଦନଶୀଳ ଖୁଲାସା କରିଛନ୍ତି। ଜୟସିଂଙ୍କ କହିବା କଥା, ଏଭଳି ଯୌନ ଉତ୍ପୀଡ଼ନ ନ୍ୟାୟ ବ୍ୟବସ୍ଥାରେ ହାଇରାରକି କାରଣରୁ ଘଟୁଛି।  ଇନ୍ଦିରାଙ୍କ ପୂର୍ବରୁ ବରିଷ୍ଠ ଓକିଲ ଏସ ମୁରଲୀଧର ବି କହିଥିଲେ, ବରିଷ୍ଠ ପୁରୁଷ ସହଯୋଗୀଙ୍କ ଦ୍ୱାରା ମହିଳା ଜଜ୍ ଙ୍କ ଯୌନ ଉତ୍ପୀଡ଼ନ ଘଟଣା ବଢ଼ିଚାଲିଛି।