Supreme Court may visit NTA office:ନିଟ୍ ପରୀକ୍ଷାରେ ସ୍ୱଚ୍ଛତା ଆଣିବା ପ୍ରୟାସ : ସୁପ୍ରିମ୍ କୋର୍ଟ ନିଜେ ବୁଲି ଦେଖିବେ NTA କାର୍ଯ୍ୟାଳୟ

ନିଟ୍-ୟୁଜି (NEET-UG) ୨୦୨୬ ପ୍ରଶ୍ନପତ୍ର ଲିକ୍ ଘଟଣା ପରେ ବାରମ୍ବାର ହେଉଥିବା ଏହିଭଳି ଘଟଣାକୁ ରୋକିବାପାଇଁ ସୁପ୍ରିମ୍ କୋର୍ଟ କଡା ପଦକ୍ଷେପ ନେବାକୁ ନିଷ୍ପତି ନେଇଛି | ଏହାସହିତ ନ୍ୟାସନାଲ ଟେଷ୍ଟିଂ ଏଜେନ୍ସି (NTA)ର ନୂଆ ସୁବିଧା ଓ କାର୍ଯ୍ୟ ବ୍ୟବସ୍ଥା ଯାଞ୍ଚ କରିବା ପାଇଁ ଓ କାର୍ଯ୍ୟଶୈଳୀରେ ସଂସ୍କାର ଆଣିବା ପାଇଁ ପୀଠର ବିଚାରପତିମାନେ ନିଜେ NTA କାର୍ଯ୍ୟାଳୟ ପରିଦର୍ଶନ କରିବେ ବୋଲି କହିଛନ୍ତି। ବିଚାରପତି ପି.ଏସ. ନରସିଂହା ଏବଂ ବିଚାରପତି ଅଲୋକ ଅରାଧେଙ୍କ ପୀଠ ସୂଚନା ଦେଇଛନ୍ତି ଯେ, ନୂଆଦିଲ୍ଲୀର ମିଣ୍ଟୋ ରୋଡ୍‌ସ୍ଥିତ NTAର ସ୍ଥାୟୀ କାର୍ଯ୍ୟାଳୟକୁ ସେମାନେ ନିଜେ ଯାଇ ପରିଦର୍ଶନ କରିପାରନ୍ତି। ଏହାଦ୍ୱାରା ସଂସ୍ଥା କେତେ କାର୍ଯ୍ୟକ୍ଷମ, ସ୍ଥାୟୀ କର୍ମଚାରୀଙ୍କ କେତେ ଅଛନ୍ତି ଏବଂ ସୁରକ୍ଷା ବ୍ୟବସ୍ଥାର ପ୍ରତ୍ୟକ୍ଷ ସମୀକ୍ଷା କରାଯାଇପାରିବ। ଶୁଣାଣି ସମୟରେ ସରକାରଙ୍କ ପକ୍ଷରୁ ସୋଲିସିଟର ଜେନେରାଲ ତୁଷାର ମେହେଟ୍ଟା କୋର୍ଟଙ୍କୁ ଜଣାଇଥିଲେ ଯେ, ନନ୍ଦନ ନିଲେକାଣୀଙ୍କ ଅଧ୍ୟକ୍ଷତାରେ ଗଠିତ ଏକ ଉଚ୍ଚସ୍ତରୀୟ ଟାସ୍କଫୋର୍ସ ଏହି ସଂସ୍କାର ପ୍ରକ୍ରିୟା ଉପରେ କାର୍ଯ୍ୟ କରୁଛି। NTA ରେ ଏବେ IAS,IPS ଓ ଭାରତୀୟ ବରିଷ୍ଠ ଅଧିକାରୀ ମାନଙ୍କୁ ସାମିଲ କରାଯାଉଛି | ସୁପ୍ରିମ୍ କୋର୍ଟ ଟାସ୍କଫୋର୍ସର ସଦସ୍ୟ ତଥା କେନ୍ଦ୍ର ସରକାରଙ୍କ ଯୁଗ୍ମ ସଚିବଙ୍କୁ ୨ ସପ୍ତାହ ମଧ୍ୟରେ ଅଗ୍ରଗତି ସମ୍ପର୍କିତ ଆଫିଡେଭିଟ୍ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ଏହାସହ, ଛାତ୍ର,ଡାକ୍ତର ,ବିଶେଷଜ୍ଞ ସାଧାରଣ ଲୋକ ଓ ସମ୍ପୃକ୍ତ ପକ୍ଷଙ୍କ ନିଜସ୍ୱ ପରାମର୍ଶ ପଠାଇବା ପାଇଁ ଏକ ନିର୍ଦ୍ଦିଷ୍ଟ ଇମେଲ୍ ଆଇଡି ତିଆରି କରିବାକୁ ମଧ୍ୟ ଅଦାଲତ କହିଛନ୍ତି।