Greater Noida Bus Fire Tragedy: ମଝି ରାସ୍ତାରେ ଜଳିଗଲା ସ୍ଲିପର ବସ୍‌, ୯ଯାତ୍ରୀ ଜୀବନ୍ତ ଦଗ୍ଧ

ଉତ୍ତରପ୍ରଦେଶର ଗ୍ରେଟର ନୋଏଡା ବଡ ଖବର ସାମ୍ନାକୁ ଆସିଛି | ଯମୁନା ଏକ୍ସପ୍ରେସୱେରେ ଯାଉଥିବା ସ୍ଲିପର ବସ୍ ରେ ହଠାତ୍ ଭୟାବହ ଅଗ୍ନିକାଣ୍ଡ ଘଟିଗଲା | ଏହି ଘଟଣା ଯମୁନା ଏକ୍ସପ୍ରେସୱେରେ ଜିରୋ ପଏଣ୍ଟରୁ ପାଖାପାଖି ୩୨କିଲୋମିଟର ଆଗରେ ହୋଇଥିଲା , ଯାହା ଜେବର ଥାନା କ୍ଷେତ୍ରରେ ଆସୁଛି | ଦୁର୍ଘଟଣାରେ ୯ଟି ଯାତ୍ରୀଙ୍କ ମୃତ୍ୟୁ ହୋଇଛି | ଜଏଣ୍ଟ ସିପି ରାଜୀବ ନାରାୟଣଙ୍କ ଅନୁସାରେ ନିଆଁ ଲାଗିବା ବସ୍ ରେ ବସିଥିବା ଯାତ୍ରୀଙ୍କ ମଧ୍ୟରେ ହଇଚଇ ଆରମ୍ଭ ହୋଇଥିଲା ଏବଂ ଲୋକମାନେ ନିଜ ଜୀବନ ବଞ୍ଚାଇବା ପାଇଁ ବସ୍ ରୁ ଡେଇଁବା ଆରମ୍ଭ କରିଦେଇଥିଲେ | ଦୁର୍ଘଟଣାରେ ୯ଜଣ ଯାତ୍ରୀଙ୍କ ଜୀବନ ଚାଲିଗଲା | ବସ୍ ରେ ପାଖାପାଖି ୪୦ ରୁ ୫୦ ଯାତ୍ରୀ ଯାତ୍ରା କରୁଥିଲେ | ଏହା ବୁଧବାର - ଗୁରୁବାରର ଦୀର୍ଘ ରାତି ୧୧.୩୦ରେ ଦୁର୍ଘଟଣାଟି ଘଟିଥିଲା | ଦେଖୁ ଦେଖୁ ନିଆଁ ସମ୍ପୂର୍ଣ୍ଣ ବସ୍ କୁ ବ୍ୟାପି ଯାଇଥିଲା | ଅଗ୍ନିକାଣ୍ଡର ସୂଚନା ମିଳିବାପରେ ଅଗ୍ନିଶମ ବାହିନୀ ଟିମ ତୁରନ୍ତ ଘଟଣା ସ୍ଥଳରେ ପହଞ୍ଚି ,ନିଆଁକୁ ବୁଝାଇବା ଆରମ୍ଭ କରିଥିଲା | ଦୀର୍ଘ ସମୟ ଚେଷ୍ଟା ପରେ ଅଗ୍ନିଶମ ବାହିନୀ ନିଆଁକୁ ନିୟନ୍ତ୍ରଣକୁ ଆଣିଛି | ତେବେ ବସ୍ ଟି ସମ୍ପୂର୍ଣ୍ଣ ଥଣ୍ଡା କରିବା ପାଇଁ ଏବେ ମଧ୍ୟ କୁଲଡାଉନ ପ୍ରକ୍ରିୟା ଜାରି ରହିଛି | ସବୁଠୁ ଚିନ୍ତା ଜଣକ କଥା ଏହା କି କିଛି ଲୋକ ଏବେବି ବସ୍ ରେ ଫସି ରହିଥିବା ଆଶଙ୍କା କରାଯାଉଛି | ଅଗ୍ନିଶମ ବାହିନୀ ଟିମଙ୍କ ଅନୁସାରେ ଉଦ୍ଧାର କାର୍ଯ୍ୟ ପରେ ଏହା କୁହାଯାଇପାରିବ କି ଭିତରେ ଫସି ରହିଥିବା ଲୋକଙ୍କ ସ୍ଥିତି କେମିତି ଅଛି | ଏହି ଦୁର୍ଘଟଣାରେ କେତେ ଜଣ ଲୋକ ପ୍ରଭାବିତ ହୋଇଛନ୍ତି | ଗ୍ରେଟର ନୋଇଡା ବସ୍ ଦୁର୍ଘଟଣାରେ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି ଘଟଣାର ସଜ୍ଞାନ ନେଇଛନ୍ତି | ସେ ଦୁର୍ଘଟଣାରେ ଜୀବନ ହରାଇଥିବା ପରିବାର ପ୍ରତି ଶୋକ ଜତାଇବା ସହ ଆହତଙ୍କ ଭଲ ଚିକିତ୍ସା ପାଇଁ ଆଦେଶ ଦେଇଛନ୍ତି | ମୁଖ୍ୟମନ୍ତ୍ରୀ ଅଧିକାରୀଙ୍କୁ କହିଛନ୍ତି ଆହତମାନଙ୍କୁ ଉଚିତ ଚିକତ୍ସା ସୁବିଧା ଯୋଗାଇ ଦିଆଯାଉ | ସେ ମୃତକ ପରିବାରବର୍ଗଙ୍କ ସହ ମଧ୍ୟ କଥା ହୋଇଥିଲେ ଏବଂ ସମସ୍ତ ପ୍ରକାରର ସମ୍ଭାବ୍ୟ ସହାୟତା ଯୋଗାଇଦେବାକୁ ନିର୍ଦ୍ଧେଶ ଦେଇଥିଲେ | ମୁଖ୍ୟମନ୍ତ୍ରୀ ଆହତମାନଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି | ମୁଖ୍ୟମନ୍ତ୍ରୀ ଏହି ମାମଲାରେ ମୁଆବଜା ଘୋଷଣା କରାଯାଇଛି | ମୃତକଙ୍କ ପରିବାରଙ୍କୁ ୨ଲକ୍ଷ ଟଙ୍କା ଓ ଆହତଙ୍କୁ ୫୦ ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରିବେ | ରାଜ କଳ୍ପନା ଟ୍ରାଭେଲସ ର ବସ୍ ନମ୍ବର BR32 PA8647 ଦିଲ୍ଲୀ ରୁ ମହୋବା ଯାଉଥିଲା | ଏହି ଟ୍ରାଭେଲର ଅଧିକ ସର୍ଭିସ ୟୁପି ,ଏମପି ଅଛି | ଗ୍ରେଟର ନୋଏଡାର ଯମୁନା ଏକ୍ସପ୍ରେସୱେରେ ବସ୍‌ରେ ନିଆଁ ଲାଗିବା ଘଟଣାରେ ଦାଖଲ ହୋଇଥିବା FIRରେ ଯାତ୍ରୀ ସୁନୀଲ କୁମାର ଚାଳକ ଏବଂ କଣ୍ଡକ୍ଟରଙ୍କ ଉପରେ ଗୁରୁତର ଅବହେଳାର ଅଭିଯୋଗ ଆଣିଛନ୍ତି | ଅଭିଯୋଗ ଅନୁସାରେ, ନିଆଁ ଲାଗିବା ପୂର୍ବରୁ ଡ୍ରାଇଭର କ୍ୟାବିନ୍‌ ଦିଗରୁ ପୋଡ଼ା ଗନ୍ଧ ଆସୁଥିଲା | ଯାତ୍ରୀମାନେ ଏ ସମ୍ପର୍କରେ ଚାଳକ ଓ କଣ୍ଡକ୍ଟରଙ୍କୁ ଜଣାଇଥିଲେ | ଅଭିଯୋଗ ହୋଇଛି ଯେ, ଚାଳକ ଏହାକୁ ଅଣଦେଖା କରି ବସ୍‌କୁ ଅଟକାଇନଥିଲେ | ପରେ ଡ୍ରାଇଭର ସିଟ୍‌ ନିକଟରୁ ନିଆଁର ଶିଖା ବାହାରିବାକୁ ଲାଗିଥିଲା | ଅଭିଯୋଗକାରୀଙ୍କ କହିବା ଅନୁସାରେ, ଅନେକ ଯାତ୍ରୀ ବସ୍‌ରୁ ବାହାରି ଯାଇଥିଲେ, ଯେତେବେଳେ କିଛି ଯାତ୍ରୀ ଭିତରେ ଫସି ରହିଥିଲେ | FIRରେ ଚିକିତ୍ସାଧୀନ ଅବସ୍ଥାରେ ୯ ଜଣଙ୍କ ମୃତ୍ୟୁ ଘଟିଥିବା ସୂଚନାର ଉଲ୍ଲେଖ ରହିଛି | ପୋଲିସ ନିଆଁର କାରଣର ତଦନ୍ତ କରୁଛି ଓ ଯାତ୍ରୀଙ୍କୁ ପଚରାଉଚରା କରୁଛି | ସ୍ଥାନୀୟ ପ୍ରଶାସନ ଏବଂ ପୋଲିସ ଉଭୟ ଘଟଣା ସ୍ଥଳରେ ଉପସ୍ଥିତ ଅଛନ୍ତି ଓ ପରିସ୍ଥିତି ଉପରେ ନଜର ରଖିଛନ୍ତି |