ବଲାଙ୍ଗୀର: ନିଜ ପୁଅକୁ ଜେଲ ପଠାଇଲା ବାପା । ଘଟଣାଟି ହେଉଛି ବଲାଙ୍ଗୀର ଜିଲ୍ଲା ରାଜୀବନଗର ଗ୍ରାମର । ପୁଅର ଅପରାଧୀକ ବ୍ୟବହାରରୁ ବିରକ୍ତହୋଇ ଥାନାରେ କଲେ ଅଭିଯୋଗ । ଅଭିଯୋଗକୁ ଆଧାର କରି ପୁଅକୁ ଜେଲ କୁ ନେଇ କୋର୍ଟ ଚାଲାଣ କରିଛି ପୋଲିସ । ଗିରଫ ବ୍ୟକ୍ତି ହେଉଛନ୍ତି ନୀଳକଣ୍ଠ ପଟ୍ଟନାୟକ ।
ସୂଚନା ଅନୁଯାୟୀ ପୁଅ ନୀଳକଣ୍ଠ ଓରୋଫ (ଆଲୋକ) ନାଁରେ ହତ୍ୟା ଓ ଲୁଟ ଭଳି ଅପରାଧିକ ମାମଲା ଥିଲା । ଯେଉଁଥିପାଇଁ ସେ ଜେଲ ଯାଇ ଜାମିନରେ ବାହାରିଥିଲେ । କିନ୍ତୁ ପରେ ଘରେ ମଧ୍ୟ ସେହିପରି ବ୍ୟବହାର କରି ଘରର ଆସବାବପତ୍ର ତଥା ଜରୁରୀ କାଳୀନ ସାମଗ୍ରୀକୁ ଭଙ୍ଗାରୁଜା କରିଥିଲେ । ବାପା ଲକ୍ଷୀକାନ୍ତ ଏଥିରେ ଅତିଶ ହୋଇ ଶେଷରେ ଥାନାର ଲିଖିତ ଅଭିଯୋଗ କରିଥିଲେ ।
ବାପାର ଅଭିଯୋଗକୁ ଆଧାର କରି ପୁଅ ଆଲୋକକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ପରେ ଲକ୍ଷୀକାନ୍ତଙ୍କ ପାଖରୁ ଗୋଟେ ଦେଶୀ ବନ୍ଧୁକ ସହ ଭୁଜାଲି ଜବତ କରିଛି ପୋଲିସ । ତବେ ଏ ବାବଦରେ ଲକ୍ଷୀକାନ୍ତ ପଟ୍ଟନାୟକ ଓ ପୋଲିସଙ୍କ ଠାରୁ କୌଣସି ପ୍ରତିକ୍ରାୟା ମିଳିପାରିନାହିଁ ।
