ନୂଆଦିଲ୍ଲୀ: ସତେନ୍ଦ୍ର ଜୈନ ମାମଲାରେ ଇଡିକୁ ଦିଲ୍ଲୀ ରାଉଜ ଏଭେନ୍ୟୁ କୋର୍ଟଙ୍କ ଭର୍ତ୍ସନା। ଇଡିର ଚାର୍ଜସିଟ ଉପରେ କୋର୍ଟ ଶୁଣାଣି କାଳରେ କହିଛନ୍ତି, ଯେଉଁ କମ୍ପାନୀ ସହ ସତେନ୍ଦ୍ରଙ୍କୁ ଦୋଷୀ କରାଯାଇଛି, ସେହି କମ୍ପାନୀ ସହ ସତେନ୍ଦ୍ରଙ୍କର କୌଣସି ସମ୍ପର୍କ ବା ଭାଗିଦାରୀ ନାହିଁ। ତ କଣ ତୁମ ଲେଖିବା ଦ୍ବାରା କମ୍ପାନୀ ସତେନ୍ଦ୍ରଙ୍କର ହୋଇଯିବ ବୋଲି କୋର୍ଟ ପ୍ରଶ୍ନକରିଛନ୍ତି।
ମନିଲଣ୍ଡରିଂ ମାମଲାରେ ଇଡି ଦିଲ୍ଲୀର ସ୍ବାସ୍ଥ୍ୟମନ୍ତ୍ରୀ ସତେନ୍ଦ୍ର ଜୈନ, ତାଙ୍କ ପତ୍ନୀ, ୮ ଅନ୍ୟଙ୍କ ବିରୋଧରେ ଚାର୍ଜସିଟ ଦାଖଲ କରିଛି। ଶୁଣାଣି କାଳରେ ଇଡିର ଚାର୍ଜସିଟ ଉପରେ କୋର୍ଟ ଏକାଧିକ ପ୍ରଶ୍ନ କରିବା ସହ ସଂସ୍ଥାକୁ ଭର୍ତ୍ସନା କରିଛନ୍ତି। ଜଷ୍ଟିସ ଗୀତାଞ୍ଜଳି ଗୋଏଲଙ୍କ ଖଣ୍ଡପୀଠ ଏହି ମାମଲାରେ ସମସ୍ତ ଅଭିଯୁକ୍ତଙ୍କୁ ସମନ କରିଛନ୍ତି, ଯେଉଁମାନଙ୍କୁ ଏଯାବତ୍ ଗିରଫ କରାଯାଇ ନାହିଁ। ଏଥିରେ ୪ କମ୍ପାନୀଙ୍କୁ ମଧ୍ୟ ସାମିଲ କରାଯାଇଛି। ଏହି ମାମଲାର ପରବର୍ତ୍ତୀ ଶୁଣାଣି ଅଗଷ୍ଟ ୬ରେ ହେବ। ଏଥିସହ କୋର୍ଟ ଅଭିଯୁକ୍ତ ଅଜୀତ କୁମାର ଓ ସୁନିଲ କୁମାର ଜୈନଙ୍କୁ ଏକ ଲକ୍ଷ ବ୍ୟକ୍ତିଗତ ମୁଚାଲିକାରେ ଜାମିନ ପ୍ରଦାନ କରିଛନ୍ତି।
- ଶିଳା ରାୟଙ୍କ ରିପୋର୍ଟ
