ପତ୍ନୀଙ୍କୁ ଟିକଟ ଦେଲେ ହନୁମାନ

ଖିମ୍ୱସର  ବିଧାନସଭା ଉପନିର୍ବାଚନରେ ପ୍ରାର୍ଥୀ ହେଲେ କନିକା ବେନିଓ୍ୱାଲ। କନିକା ହେଉଛନ୍ତି ହନୁମାନ ବେନିଓ୍ୱାଲଙ୍କ ପତ୍ନୀ। ରାଷ୍ଟ୍ରୀୟ ଲୋକତାନ୍ତ୍ରିକ ଦଳରୁ କନିକା ଉପନିର୍ବାଚନରେ ପ୍ରାର୍ଥୀ ହେବେ ବୋଲି ଦଳ ଘୋଷଣା କରିଛି। ଆରଏଲଡିର ସୁପ୍ରିମୋ ହେଉଛନ୍ତି ହନୁମାନ ବେନିଓ୍ୱାଲ। ରାଜସ୍ଥାନରେ ଖିମ୍ୱସରରୁ ନିଜ ଭାଇ ପୂର୍ବତନ ବିଧାୟକ ନାରାୟଣ ବେନିଓ୍ୱାଲଙ୍କ ବଦଳରେ ନିଜ ପତ୍ନୀଙ୍କୁ ଟିକଟ ଦେଲେ ହନୁମାନ। ନାଗୌର ଜିଲ୍ଲାର ଖିମ୍ୱସରରେ ଏଥର ତ୍ରିମୁଖୀ ପ୍ରତିଦ୍ୱନ୍ଦିତା ଦେଖିବାକୁ ମିଳିବ। ଲୋକସଭା ନିର୍ବାଚନରେ ଇଣ୍ଡିଆ ଗଠବନ୍ଧନରେ ସାମିଲ୍ ଥିବା ଆରଏଲଡି ଓ ଭାରତୀୟ ଆଦିବାସୀ ପାର୍ଟି ଏଥର ଅଲଗା ଅଲଗା ନିର୍ବାଚନ ଲଢ଼ୁଛନ୍ତି। ଆଞ୍ଚଳିକ ଦଳ ସତ୍ତ୍ୱେ ସବା ଶେଷରେ ଆରଏଲଡି ପ୍ରାର୍ଥୀ ଘୋଷଣା କଲା। ଶେଷ ପର୍ଯ୍ୟନ୍ତ ମେଣ୍ଟ ହେବ ବୋଲି ଆଶାରେ ଥିଲେ ହନୁମାନ। ହନୁମାନ ବେନିଓ୍ୱାଲ ଏହି ଆସନରୁ ଇସ୍ତଫା ଦେଇ ଲୋକସଭା ଲଢ଼ିଥିଲେ ବୋଲି ଏହି ଆସନ ଖାଲି ପଡ଼ିଥିଲା। ରାଜସ୍ଥାନର ୭ଟି ଆସନରେ ହେବାକୁ ଥିବା ଉପନିର୍ବାଚନରେ ସବୁଠୁ ଏହି ଆସନରେ ଫାଇଟ୍ ରୋଚକ ହେବ ବୋଲି ଆଶା କରାଯାଉଛି।

Naxatra News is now on Whatsapp

Join and get latest news update delivered to you via whatsapp

Join Now