ପୁଣି ଥରେ ନିଜର ହକ୍ ପାଇଁ ଦାଣ୍ଡ ବାରଣ୍ଡାରେ ଦୁଇ ବୋହୂ । ନ୍ୟାୟ ପାଇଁ ନିଜ ଶାଶୁଙ୍କ ଘର ଆଗରେ ଧାରଣା ଦେଇଛନ୍ତି ଦୁଇ ବୋହୂ । ତେବେ ଏହି ଦୁଇ ବୋହୂ ଦୁଇ ଭଉଣୀ ବୋଲି ଜଣାପଡୁଛି । ବଡ଼ ଭଉଣୀ ରଶ୍ମିତା ବେହେରା ଓ ସାନ ଭଉଣୀ ସସ୍ମିତା ବେହେରା । ଦୁଇ ବୋହୂଙ୍କ ଅଭିଯୋଗ ଅନୁସାରେ, ତାଙ୍କ ଶାଶୁ ଘର ଲୋକେ ସେମାନଙ୍କୁ ନିର୍ଯ୍ୟାତନା ଦେଇ ଘରୁ ବାହାର କରିଦେଇଛନ୍ତି । ଦୁଇ ବୋହୁଙ୍କ ଘର ଆଙ୍କଶପୁର । ଦୁହେଁ ଗୋଟିଏ ପରିବାରରେ ବିବାହ ହୋଇ ଦୁଇ ଯା ହୋଇଛନ୍ତି ।
ରଶ୍ମି ବେହେରା ୨୦୧୮ଫେବୃୟାରୀ ୨ ତାରିଖରେ ବିବାହ ହୋଇଥିଲେ। ତାଙ୍କର ୨ ବର୍ଷର ଝିଅ ଅଛି। ସସ୍ମିତା ବେହେରା ୨୦୧୯ ଫେବୃୟାରୀ ୨ ତାରିଖରେ ବିବାହ କରିଥିଲେ । ତାଙ୍କର ୩ ବର୍ଷର ପୁଅ ଅଛି। ଉଭୟଙ୍କୁ ଶ୍ୱଶୁର ଘର ଲୋକେ ବାହାର କରିଦେଇଛନ୍ତି। ଗତକାଲି ରାତିରେ କିଛି କଥାକୁ ନେଇ ଘରେ ଗଣ୍ଡଗୋଳ ହୋଇଥିବା ବେଳେ ଦୁଇ ବୋହୂଙ୍କୁ ଶାଶୁ ଘର ପରିବାର ଲୋକେ ମାଡ ମାରିଥିବା ନେଇ ଅଭିଯୋଗ କରିଛନ୍ତି ।
ପୂର୍ବରୁ ମଧ୍ୟ ଏ ନେଇ ପୋଲିସ ର ଦ୍ୱାରସ୍ତ ହୋଇଥିବାବେଳେ କୌଣସି ସୁଫଳ ମିଳିନାହିଁ । ପୋଲିସ କୁ ତଦନ୍ତ କରି ଉପଯୁକ୍ତ ପଦକ୍ଷେପ ନେଉ ବୋଲି ଦାବି କରିଛନ୍ତି । ଅନ୍ୟ ପଟେ ସ୍ୱାମୀମାନେ ବି ତାଙ୍କ ମା କଥାରେ ଉଠବସ୍ ହେଉଛନ୍ତି । ଆମ ପିଲାମାନଙ୍କର ମୁହଁକୁ ବି ଦେଖୁ ନାହାନ୍ତି, କି ଆମ ସହ ଠିକ୍ ରେ କଥା ହେଉ ନାହାନ୍ତି । ଆମେ ଛୋଟ ପିଲାକୁ ଧରି କୁଆଡେ଼ ଯିବୁ । ଏହାର ସମାଧାନ ନ ହେଲା ଯାଇଁ ଆମେ ଏଇଠି ହିଁ ରହିବୁ ଏଇଠେ ହିଁ ମରିବୁ ବୋଲି କହିଛନ୍ତି ଦୁହେଁ ଭଉଣୀ । ସେପଟେ ଦୁଇ ବୋହୂଙ୍କ ଏଭଳି ଧାରଣା ପରେ ଶାଶୁ ବି ବାହାରକୁ ବାହାରି ନ୍ୟାୟ ଦାବି କରିଛନ୍ତି । ବୋହୁ ମାନେ ନାହିଁ ନଥିବା ହଇରାଣ କରୁଛନ୍ତି ପୁଅ ମାନଙ୍କ କଥା କୁ ଶାଶୁ ଶ୍ୱଶୁର କଥା ଶୁଣୁନାହାନ୍ତି । ଏ ନେଇ ପୁଅମାନେ ବଡବଜାର ଥାନା ଦ୍ୱାରାସ୍ତ ହୋଇଥିବାବେଳେ, ପୋଲିସ ହିଁ ଉପଯୁକ୍ତ ପଦକ୍ଷେପ ନେବବୋଲି କହିଛନ୍ତି ଶାଶୁ ।
ତପସ୍ୱିନୀ ପାରିବାରିକ ବିବାଦ ମାମଲାର ଅନ୍ତ ଘଟିନଥିବାବେଳେ, ଏବେ ପୁଣି ଥରେ ବ୍ରହ୍ମପୁର ସହରରେ ଏହି ଦୁଇ ବୋହୁଙ୍କ ମାମଲା ଉପରକୁ ବଢିବା ପୂର୍ବରୁ ପୋଲିସ ସହ ଆପୋଷ ଆଲୋଚନା ମାଧ୍ୟମରେ ସମାଧାନ କରିବାକୁ ବିଭିନ୍ନ ମହଲରେ ଚର୍ଚ୍ଚା ଜୋରଧରିଛି।
Naxatra News is now on Whatsapp
Join and get latest news update delivered to you via whatsapp
Join Now
