ଅନ୍ତର୍ଜାତୀୟ ବାଲୁକା କଳା ଉତ୍ସବର ଚତୁର୍ଥ ଦିବସ। ଲକ୍ଷାଧିକ ଲୋକଙ୍କ ସମାଗମକୁ ନେଇ ନାହିଁ ନଥିବା ଭିଡ଼। ବୁଧବାର କୋଣାର୍କ ଚନ୍ଦ୍ରଭାଗା ବେଳାମାର୍ଗରେ ଓଡିଶା ପର୍ଯ୍ୟଟନ ବିଭାଗ ପକ୍ଷରୁ ଅନୁଷ୍ଠିତ ହେଉଥିବା ୧୪ ତମ ଅନ୍ତର୍ଜାତୀୟ ବାଲୁକା କଳା ଉତ୍ସବ ର ତୃତୀୟ ଦିବସରେ ଜର୍ମାନୀ, ସ୍ପେନ, ରୁଷିଆ ,ପର୍ତ୍ତୃଗାଲ, ଜାପାନ, ମେକ୍ସିକୋ,ୟୁଇନାଇଟେଡ କିଙ୍ଗଡ଼ମ, ଶ୍ରୀଲଙ୍କା ପରି ୮ ଟି ଦେଶର ୮ ଜଣ ବିଦେଶୀ ବାଲୁକା ଶିଳ୍ପୀ ସମେତ ଓଡିଶା ସହ ୧୦ ରାଜ୍ୟରୁ ୧୦୦ ଜଣ ବାଲୁକା ଶିଳ୍ପୀ ଭାଗ ନେଇଛନ୍ତି। ସେମାନଙ୍କ ମଧ୍ୟରୁ ଆଜି ମହିଳା ବାଲୁକା ଶିଳ୍ପୀ “ସାମୁଦ୍ରିକ ଜୀବ” “ପରିବେଶ ଓ ବନ୍ୟଜନ୍ତୁ” କୁ ନେଇ ବିଭିନ୍ନ ବାଲୁକା କଳା ଅତିସୂକ୍ଷ୍ମ ଭାବେ ନିର୍ମାଣ କରିଥିଲେ। ଅନୁରୁପ ଭାବେ ପୁରୁଷ ବାଲୁକା ଶିଳ୍ପୀ ମାନେ “ସ୍ୱଚ୍ଛତା ସେବା” ଓ “ପ୍ଲାଷ୍ଟିକ ମୁକ୍ତ ଐତିହ୍ୟ ସ୍ଥଳ”କୁ ନେଇ ବାଲୁକା କଳାକୃତି ପଦର୍ଶନ କରିଥିଲେ । ଆଜିର ଅନୁଷ୍ଠିତ ହୋଇଥିବା ଅନ୍ତର୍ଜାତୀୟ ବାଲୁକା କଳା ପ୍ରଦର୍ଶନ କଳାକୃତି ଗୁଡିକ ବାଲୁକା କଳା ଶିଳ୍ପୀଙ୍କ କଳାକୃତି ଅତ୍ୟନ୍ତ ଉଚ୍ଚ କୋଟିର ଥିଲା। ବାଲୁକା କଳା ନିକଟରେ ଲକ୍ଷାଧିକ ପର୍ଯ୍ୟଟକଙ୍କ ଭିଡ଼କୁ ନେଇ ନାହିଁ ନଥିବା ସମସ୍ୟା ଦେଖିବାକୁ ମିଳିଥିଲା ।
Naxatra News is now on Whatsapp
Join and get latest news update delivered to you via whatsapp
Join Now
