କଟକ: ହାଇକୋର୍ଟରେ ହାତୀ ମୃତ୍ୟୁ ମାମଲାର ଶୁଣାଣି ହୋଇଛି। ଗତ ଜାନୁଆରୀ 18 ରୁ ଆଜି ପର୍ଯ୍ୟନ୍ତ ଅର୍ଥାତ ଦୁଇ ମାସରୁ କମ ସମୟ ମଧ୍ୟରେ ରାଜ୍ୟରେ ମୋଟ 14 ଟି ହାତୀଙ୍କ ମୃତ୍ୟୁ ଘଟିଥିବା କୋର୍ଟଙ୍କୁ ଅବଗତ କଲେ ଜଏଣ୍ଟ ଟାସ୍କ ଫୋର୍ସ। ମୃତ୍ୟୁ ବରଣ କରିଥିବା 14 ଟି ହାତୀଙ୍କ ମଧ୍ୟରୁ 2 ଟି ହାତୀ ଶିକାରୀଙ୍କ ଦ୍ୱାରା ମରି ଥିବା ବେଳେ 4 ଟି ବିଦ୍ୟୁତ ଆଘାତରେ ଓ 3 ଟିଙ୍କର ମୃତ୍ୟୁ ରୋଗଗସ୍ତ ଜନିତ ବୋଲି ଅବଗତ କଲେ ଜେଟିଏଫ।
ସେହିପରି ସେହି ସମୟ ମଧ୍ୟରେ ହାତୀ ମୃତ୍ୟୁ ନେଇ ମୋଟ 6 ଟି ମାମଲା ରୁଜୁ ହୋଇ ଥିବା ମଧ୍ୟରେ କୋର୍ଟଙ୍କୁ ଅବଗତ କରାଯାଇଛି। ବନ କର୍ମଚାରୀ ତୁରାମ ପୂର୍ତ୍ତି ମୃତ୍ୟୁ ମାମଲାରେ IPC ର ଧାରା 306 ଆଧାରରେ ମାମଲା ରୁଜୁ ପାଇଁ କୋର୍ଟ ନିର୍ଦେଶ ଦେବା ସହ ଏହି ପ୍ରସଙ୍ଗରେ ଯଶିପୁର ଥାନାଧିକାରୀଙ୍କୁ ପରବର୍ତୀ ଶୁଣାଣିରେ ହଜାର ହେବାକୁ ମଧ୍ୟ ନିର୍ଦେଶ ଦେଇଛନ୍ତି। ଏହି ମାମଲାର ପରବର୍ତୀ ଶୁଣାଣି ଆସନ୍ତା 28 ଏପ୍ରିଲକୁ ଧାର୍ଯ୍ୟ। ପରବର୍ତୀ ଶୁଣାଣି ସମୟରେ ହାତୀ ଆକ୍ରମଣରେ କେତେ ଲୋକ ମୃତାହତ ଓ କ୍ଷତିଗ୍ରସ୍ତ ହୋଇଛନ୍ତି ଏବଂ ସେମାନଙ୍କୁ କ୍ଷତିପୂରଣ ପ୍ରଦାନ ବାବଦରେ ଏକ ସତ୍ୟପାଠ ଦାଖଲ କରିବା ପାଇଁ ମଧ୍ୟ ଜେଟିଏଫକୁ ନିର୍ଦେଶ ଦେଇଛନ୍ତି ହାଇକୋର୍ଟ।
