ଦୁଇ ଥର ଭୁଲ୍ କରିଦେଲି। ମାନୁଛି। ଏବେ ଆଉ କୁଆଡ଼େ ବି ଏପଟସେପଟ ହେବିନି। ପାଟନାରେ ଆରଜେଡି ସହ ଯାଇ କେମିତି ଭୁଲ୍ କରିଥିଲି, ସେ କଥାକୁ ସ୍ମରଣ କରାଇଦେଇଛନ୍ତି ନୀତିଶ କୁମାର। ବିଜେପି ସହ ଆରମ୍ଭରୁ ଥିଲି, ରହିବି ବୋଲି କଥା ଦେଇଛନ୍ତି ବିହାର ମୁଖ୍ୟମନ୍ତ୍ରୀ ନୀତିଶ। ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ନୀତିଶଙ୍କୁ ତାଙ୍କ ବାସଭବନରେ ଭେଟିବା ସମୟରେ ନୀତିଶଙ୍କ ଏଭଳି ବୟାନ ଆସିବାରୁ ବେଶ୍ ଭାଇରାଲ ହେଉଛି। ଏନଡିଏ ସରକାରରେ ବୃହତ ସହଯୋଗୀ ଦଳ ଭାବେ ନୀତିଶଙ୍କ ଜେଡିୟୁ ଉଭା ହୋଇଛି। ଏବେ ଏନଡିଏ ସରକାରରେ ବିହାରକୁ ଯାହା ମିଳୁଛି,ତାହା ଅତୀତରେ କେବେ ମିଳିନଥିଲା। କାମ ନ କରି ପ୍ରଚାରରେ ମାତିଥିଲେ। ନିଜେ କାମ ନ କରି ଆମ କାମର ହିସାବ କେଉଁ ମୁହଁରେ ମାଗୁଛନ୍ତି ବୋଲି ଆରଜେଡିକୁ ଟାର୍ଗେଟ କରିଛନ୍ତି ନୀତିଶ।
Naxatra News is now on Whatsapp
Join and get latest news update delivered to you via whatsapp
Join Now
