BJD

  • ପଦ୍ମପୁର: ସରୁନି ବିଜେଡିର ଅଙ୍କକସା

    ପଦ୍ମପୁର:  ପାଖେଇ ଆସୁଛି ପଦ୍ମପୁର ଉପନିର୍ବାଚନ l ଜୋରଦାର ପ୍ରସ୍ତୁତ ହେଉଛନ୍ତି ୩ ପ୍ରମୁଖ ରାଜନୈତିକ ଦଳ l ଆସନ୍ତା କାଲି ବିଜେପି ପ୍ରାର୍ଥୀ ନାମାଙ୍କନ ଭରିବା କାର୍ଯ୍ୟକ୍ରମ ଥିବା ବେଳେ ଆସନ୍ତା ୧୭ ତାରିଖ ଦିନ ନାମାଙ୍କନ ଭରିବ କଂଗ୍ରେସ l ସେପଟେ ବିଜେଡି କାହାକୁ ପ୍ରାର୍ଥୀ କରିବ ସେ ନେଇ ଏପର୍ଯ୍ୟନ୍ତ ଅଙ୍କକସା ସରିନାହିଁ l କିନ୍ତୁ ସେପଟେ ବିଜୟ ରଞ୍ଜନ ସିଂ ବରିହାଙ୍କ ପତ୍ନୀ ତିଳୋତ୍ତମା ବାରିହାଙ୍କୁ କିମ୍ବା ତାଙ୍କ ପରିବାରରେ କାହାକୁ ପାର୍ଥୀ କରିବାକୁ ନବୀନ ନିବାସ ଆସି ଦାବି କରିଛି ବିଂଝାଲ ସମାଜ l

    ସରଗରମ ହେଉଛି ପଦ୍ମପୁର ଉପନିର୍ବାଚନୀ ମାହୋଲ l ଆରମ୍ଭ ହୋଇଛି ନାମାଙ୍କନ ପ୍ରକ୍ରିୟା l ଆସନ୍ତା କାଲି ବିଜେପି ପ୍ରାର୍ଥୀ ପ୍ରଦୀପ ପୁରୋହିତ ଭରିବେ ନାମାଙ୍କନ l  ସାଂସଦ,ବିଧାୟକ ଓ କେନ୍ଦ୍ରମନ୍ତ୍ରୀଙ୍କ ଉପସ୍ଥିତ ରେ ନାମାଙ୍କନ ଭରିବେ ବିଜେପି ପ୍ରାର୍ଥୀ ପ୍ରଦୀପ ପୁରୋହିତ l ଭାରତୀୟ ଜନତା ପାର୍ଟି ସାଂଗଠନିକ ଦୃଷ୍ଟି ରୁ ପୂରା ପ୍ରସ୍ତୁତ ଥିବା ବେଳେ ଦଳର ପ୍ରାର୍ଥୀ ମଧ୍ୟ ନିଜ ସ୍ତରରୁ ପ୍ରଚାର ଏକପ୍ରକାର ଆରମ୍ଭ କରି ସାରିଛନ୍ତି । ପ୍ରତିପକ୍ଷଙ୍କ ପ୍ରାର୍ଥୀ ଚୟନର ସ୍ପଷ୍ଟତା ନାହିଁ କହି ବିଜେଡି କୁ କାଉଣ୍ଟର କରିଛି ବିଜେପି l ସେପଟେ ପଦ୍ମପୁର ଲମ୍ବା ସମୟ ଧରି ଅଣଦେଖା ଓ ଅବହେଳା ର ଶିକାର ହୋଇଛି l ଲୋକଙ୍କ ମଧ୍ୟରେ ଆକ୍ରୋଶ ରହିଛି l

    ତେଣୁ ତାର ପରିଣାମ ବିଜେପି ସପକ୍ଷରେ ଯିବ ବୋଲି ଦଳ ଆଶାବାଦୀ l ଅନ୍ୟପଟେ କଂଗ୍ରେସ ଆସନ୍ତା ୧୭ ତାରିଖ ଦିନ ନାମାଙ୍କନ ଭରିବାକୁ ପ୍ରସ୍ତୁତ ହୋଇଛି l ସଭାପତି ଶରତ ପଟ୍ଟନାୟକ, ନିରଞ୍ଜନ ପଟ୍ଟନାୟକ ଙ୍କ ସମେତ ସୁର ରାଉତରାୟ ଓ ବରିଷ୍ଠ କଂଗ୍ରେସ ନେତା ନାମାଙ୍କନ ଦିନ ଉପସ୍ଥିତ ରହିବାର କାର୍ଯ୍ୟକ୍ରମ ରହିଛି l ଯୁବ କଂଗ୍ରେସ ସଭାପତି, ଛାତ୍ର କଂଗ୍ରେସ ସଭାପତି ମଧ୍ୟ ଉପସ୍ଥିତ ରହିବେ l ଯେହେତୁ ସତ୍ୟଭୂଷଣ ସାହୁଙ୍କ କ୍ରେଜ ରହିଛି ଓ ସାଂଗଠନିକ ଦକ୍ଷତା ଦୃଷ୍ଟିରୁ ସ୍ଥିତି ଭଲ l ତେଣୁ କଂଗ୍ରେସ ଭଲ କରିବ ବୋଲି ଆଶା ରଖିଛି ଦଳ।

    ସେପଟେ କିଏ ହେବ ବିଜେଡ଼ି ପ୍ରାର୍ଥୀ ଚାପ ବଢୁଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି ପଦ୍ମପୁର ବିଂଝାଲ ସମାଜ। ନବୀନ ନିବାସରେ ପହଞ୍ଚି, ପଦ୍ମପୁର ଉପନିର୍ବାଚନରେ ବିଜୟ ରଞ୍ଜନ ସିଂ ବରିହାଙ୍କ ପତ୍ନୀ ତିଳୋତ୍ତମା ବାରିହାଙ୍କୁ କିମ୍ବା ତାଙ୍କ ପରିବାରରୁ ଆଉ କାହାକୁ ପ୍ରାର୍ଥୀ କରିବାକୁ ଦାବି କରିଛି ବିଂଝାଲ ସମାଜ l ସେମାନଙ୍କୁ ମୁଖ୍ୟମନ୍ତ୍ରୀ ପ୍ରତିଶ୍ରୁତି ଦେଇଥିବା ମଧ୍ୟ ଜଣାପଡିଛି ।  ତେବେ ସବୁ ଦୃଷ୍ଟି କୋଣରୁ ଚିନ୍ତା କରି ସଠିକ ସମୟରେ ଦଳ ସୁପ୍ରିମୋ ନବୀନ ପଟ୍ଟନାୟକ ଖୁବ ଶିଘ୍ର ପ୍ରାର୍ଥୀ ଘୋଷଣା କରିବେ ବୋଲି କହିଛନ୍ତି ବିଜେଡି ବିଧାୟକ ପ୍ରତାପ ଜେନା ।

    ନିଜ ନିଜ ଦଳର ଷ୍ଟ୍ରାଟେଜିକୁ ନେଇ ଉପନିର୍ବାଚନ ମଇଦାନରେ ପ୍ରସ୍ତୁତ ହେଉଛନ୍ତି ୩ ପ୍ରମୁଖ ରାଜନୈତିକ ଦଳ l ତଥାପି କାହାର କ୍ରେଜ କେମିତି ଓ ପଦ୍ମପୁର ବାସୀ କାହାକୁ ବିଶ୍ୱାସ କରୁଛନ୍ତି ତାହା ଦେଖିବାର କଥା….

    ସିମ୍ପୁଲ ନାୟକଙ୍କ ରିପୋର୍ଟ

  • ଜନ ସମ୍ପର୍କ ପଦଯାତ୍ରା

    ଭୁବନେଶ୍ୱର: ଆଜିଠୁ ବିଜେଡିର ଜନ ସମ୍ପର୍କ ପଦଯାତ୍ରା। ମାସେ ବ୍ୟାପୀ ଚାଲିବ ଏହି ପଦଯାତ୍ରା। ଏକାମ୍ର ନିର୍ବାଚନ ମଣ୍ଡଳୀର କାରଗିଲ ରୋଡ ସ୍ଥିତ ପଡିଆରୁ ଏହାର ଶୁଭରାମ୍ଭ କଲେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟମନ୍ତ୍ରୀ ନିଜେ କାର୍ଗିଲ ବସ୍ତିରେ ପଦ ଯାତ୍ରା କରି ଏହାର ଆନୁଷ୍ଠାନିକ ଭାବେ ଶୁଭାରମ୍ଭ କରିଛନ୍ତି। ରାଜ୍ୟ ସରକାରଙ୍କ ସଫଳତା ଓ କେନ୍ଦ୍ର ସରକାରଙ୍କ ଅବହେଳାକୁ ନେଇ ଲୋକଙ୍କ ପାଖରେ ପହଂଚିବ ଦଳ।

  • ଲୋକଙ୍କ ପାଖକୁ ଯାଅ: ନବୀନ

    ଭୁବନେଶ୍ୱର: ବିଜେଡି କର୍ମଶାଳାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉଦବୋଧନ। ସବୁ ବର୍ଷ ପରି ଚଳିତ ବର୍ଷ ଗାନ୍ଧୀ ଜୟନ୍ତୀରୁ ପଦଯାତ୍ରା ଆରମ୍ଭ ହେଉଛି। ପଦଯାତ୍ରାକୁ ସଫଳ କରିବାକୁ ପ୍ରସ୍ତୁତି ବୈଠକରେ ସମସ୍ତ ନେତା ଓ କର୍ମକର୍ତ୍ତାଙ୍କୁ ଆହ୍ୱାନ କରିଛନ୍ତି ନବୀନ। ବିଜେଡି ଲୋକଙ୍କ ସହ ଅଛି ଓ ଲୋକଙ୍କ ପାଇଁ କାମ କରୁଛି। ସରକାରୀ ଯୋଜନା ଲୋକଙ୍କ ପାଖରେ ପହଞ୍ଚାଇବାକୁ କାମ କରିବାକୁ ମୁଖ୍ୟମନ୍ତ୍ରୀ କର୍ମକର୍ତ୍ତାଙ୍କୁ ଆହ୍ୱାନ କରିଛନ୍ତି।  ଚଳିତ ବର୍ଷ ସ୍ୱାଧୀନତାର 75 ବର୍ଷ ପୂର୍ତ୍ତି ପାଳନ କରୁଛି ଦେଶ। ସ୍ୱାଧୀନତାରେ ଓଡ଼ିଶାର ଗୁରୁତ୍ୱପୂର୍ଣ୍ଣ ଭୂମିକା ଥିଲା। ପଦଯାତ୍ରା ସମୟରେ ଏ ପ୍ରତି ଉପଯୁକ୍ତ ଫୋକଶ କରାଯିବ ଆବଶ୍ୟକ ବୋଲି କହିଛନ୍ତି ମୁଖ୍ୟମନ୍ତ୍ରୀ।  ସେପଟେ ବିଜେଡି ଉପସଭାପତି ଦେବୀ ମିଶ୍ର କହିଛନ୍ତି ବିଜୁ ଜନତା ଦଳ ତିଆରି ସମୟରେ ଶୂନ୍ୟତା ଥିଲା। ନବୀନଙ୍କ ନେତୃତ୍ୱରେ ଦଳ ଆଗକୁ ବଢ଼ିଛି ପଛକୁ ଫେରିନି। ଆର୍ଥିକ ସମସ୍ୟା, ସାଧନ ଭିତରେ ଦଳ ଆଗକୁ ବଢ଼ିଛି। ମିଶନଶକ୍ତି ଆନ୍ଦୋଳନର ପରି କଳ୍ପନା କରାଯାଇଛି। ବିଭିନ୍ନ ସମୟରେ ସ୍ଵତନ୍ତ୍ର ଫୋକାସ ପାଇଁ ଦାବି ଉଠିଛି। ସଂଘୀୟ ବ୍ୟବସ୍ଥାରେ ଆବଶ୍ୟକତା ଠିକ୍ ସମୟରେ ଉପଲବ୍ଧ ହେବା ଆବଶ୍ୟକ। ଚାଷୀର ଆୟ ୩ ଗୁଣା ପାଇଁ ଆହ୍ୱାନ କରିଛନ୍ତି। 5T  ଷ୍ଟାର୍ଟ ଆପ, ସ୍ୱାସ୍ଥ୍ୟ ଯୋଜନା, ପ୍ରାକୃତିକ ବିପର୍ଯ୍ୟୟ, ଶିଳ୍ପ ପ୍ରତିଷ୍ଠା  ଆଦି କ୍ଷେତ୍ରରେ ସରକାର ସଫଳ ହୋଇଛନ୍ତି। ବିଭିନ୍ନ କେନ୍ଦ୍ରୀୟ ଯୋଜନା ବନ୍ଦ ହେବା ଯୋଗୁଁ ରାଜ୍ୟ କ୍ଷତି ସହୁଛି। କେନ୍ଦ୍ରୀୟ ଅନୁଦାନ କମିଛି। ରାଜ୍ୟ ସରକାର ବିକାଶ ପାଇ ଆଗକୁ ବଢୁଥିବା ବେଳେ ସଠିକ୍ ସମୟରେ କେନ୍ଦ୍ରୀୟ ସହଯୋଗ ମିଳୁନି।  45 ପ୍ରତିଶତ ଭୋଟରୁ ବର୍ତ୍ତମାନ 52 ପ୍ରତିଶତ ଭୋଟର  ପହଞ୍ଚିଛି। ଏହାକୁ  କାୟମ ରଖିବାକୁ ଆହ୍ବାନ କରିଛନ୍ତି ଦେବୀ ମିଶ୍ର। ବିଜୁ ଜନତା ଦଳ କିପରି ସାମାଜିକ ଆନ୍ଦୋଳନରେ ପରିଣତ ହୋଇଛି ତାହାର ତଥ୍ୟ ରଖିଛନ୍ତି ମନ୍ତ୍ରୀ ଅତନୁ ସବ୍ୟସାଚୀ ନାୟକ। ରାଜନୈତିକ କ୍ଷେତରେ ମହିଳାଙ୍କୁ ଅଗ୍ରାଧିକାର ଦିଆଯାଇଛି। 55 ପ୍ରତିଶତରୁ ଅଧିକ ମହିଳା ନିର୍ବାଚିତ ହୋଇଛନ୍ତି। ସେପଟେ ଗାନ୍ଧୀ ଜୟନ୍ତୀରୁ ମାସେ ବ୍ୟାପି ଚାଲିବ ବିଜେଡିର ଜନ ସମ୍ପର୍କ ପଦଯାତ୍ରା। ଏଥିପାଇଁ ଭୁବନେଶ୍ୱର ସ୍ଥିତ ବରମୁଣ୍ଡା ପଡିଆରେ ରଣନୀତି ପ୍ରସ୍ତୁତ କରିବ ଦଳ। ଏଥିପାଇଁ ଆଜି ଓ 30 ତାରିଖ ରେ ବରମୁଣ୍ଡା ପଡିଆରେ ସମ୍ମିଳନୀ ବିଜେଡିର ସମ୍ମିଳନୀ ଚାଲିବ। ସକାଳ 9 ରୁ କାର୍ଯ୍ୟକ୍ରମ ଆରମ୍ଭ ହେବ।

  • ବିଜେଡି କରିବ ଶକ୍ତି ପ୍ରଦର୍ଶନ

    ଭୁବନେଶ୍ୱର : ପଦଯାତ୍ରା ପ୍ରସ୍ତୁତି ଆଳରେ ବିଜେଡି କରିବ ଶକ୍ତି ପ୍ରଦର୍ଶନ। ବିଜେପିର ନଡ୍ଡାଙ୍କ ଗସ୍ତ କାର୍ଯ୍ୟକ୍ରମକୁ କାଉଣ୍ଟର କରିବାକୁ ବିଜେଡି ୨୯ ଓ ୩୦ରେ ପ୍ରତିନିଧି ସମ୍ମିଳନୀ କରିବ। ବରମୁଣ୍ଡା ପଡିଆରେ ଆୟୋଜନ ହେବ ଏହି ସମ୍ମିଳନୀ। ୨୯ ରେ ଯୁବ, ଛାତ୍ର, ମହିଳାର ରାଜ୍ୟ ସ୍ତରୀୟ ଓ ଜିଲ୍ଲା ସ୍ତରୀୟ ସଙ୍ଗଠନର ପ୍ରତିନିଧି ଓ ଗଠିତ ହୋଇଥିବା କ୍ୟାମ୍ପସ କମିଟି ର ପ୍ରତିନିଧିଙ୍କୁ ନେଇ ବୈଠକ ହେବ। ଯେଉଁଥିରେ ୨ ହଜାର ରୁ ଉର୍ଦ୍ଧ୍ବ ପ୍ରତିନିଧି ଯୋଗ ଦେବେ। ୩୦ ତାରିଖରେ ବିଧାୟକ, ସାଂସଦ ଓ ଜିଲ୍ଲା ସଭାପତି, ଜିଲ୍ଲା ପରିଷଦ ସଦସ୍ୟ, ବ୍ଲକ ଚେୟାରମ୍ୟାନ, ଭାଇସ ଚେୟାରମ୍ୟାନ, ଏହା ବ୍ରହ୍ମପୁର, କଟକ ଓ ଭୁବନେଶ୍ୱର ର ମେୟର ଓ କର୍ପୋରେଟର ମାନେ ଉପସ୍ଥିତ ରହିବେ। ପଦଯାତ୍ରା ର ପ୍ରସ୍ତୁତି ଏବଂ ପଦଯାତ୍ରା ସମୟରେ କେଉଁ କେଉଁ ପ୍ରସଙ୍ଗ ଲୋକଙ୍କ ନିକଟରେ ପହଂଚାଯିବ ସେ ନେଇ ଦୁଇ ଦିନ ଆଲୋଚନା ହେବ। ସେହିପରି ଗାନ୍ଧୀ ଜୟନ୍ତୀରୁ ମାସେ ବ୍ୟାପୀ ପଦଯାତ୍ରା ହେବ।

  • ସାର ସଙ୍କଟକୁ ନେଇ କାଦୁଅ ଫିଙ୍ଗା ଫୋପଡା

    ଭୁବନେଶ୍ବର: ରାଜ୍ୟରେ ଦେଖାଯାଇଛି ସାର ସଙ୍କଟ । କେନ୍ଦ୍ର ସରକାର ଠିକଣା ସମୟରେ ସାର ଯୋଗାଇ ନାହାନ୍ତି। ଆବଶ୍ୟକତା  ଓ ପର୍ଯ୍ୟାପ୍ତ ପରିମାଣରେ ସାର ଦେଉନାହାନ୍ତି କେନ୍ଦ୍ର ସରକାର। ମୁଖ୍ୟମନ୍ତ୍ରୀ ଚିଠି ଲେଖିବା ପରେ କେନ୍ଦ୍ରମନ୍ତ୍ରୀ ଏହାର ଗୁରୁତ୍ଵ ଅନୁଭବ କରିବା ଉଚିତ।

    ରାଜ୍ୟରେ ସାର ଅଭାବ ଉପରେ ରାଜ୍ୟ ସରକାର ପକ୍ଷରୁ ପକ୍ଷ ରଖାଯାଇଛି। ରାଜ୍ୟର ଆବଶ୍ୟକତା ଅନୁଯାୟୀ ପର୍ଯ୍ୟାପ୍ତ ପରିମାଣରେ ସାର ଦେଉନାହାନ୍ତି କେନ୍ଦ୍ର ସରକାର। କେନ୍ଦ୍ର ରାଷ୍ଟ୍ରମନ୍ତ୍ରୀ ଏହାକୁ ହାଲକା ଭାବେ ନେଉଛନ୍ତି। କେନ୍ଦ୍ରମନ୍ତ୍ରୀ ଖାଲି ପର୍ଯ୍ୟାପ୍ତ ଅଛି ବୋଲି କହିଲେ ରାଜ୍ୟର କେତେ ଦାବି ଅଛି, କେତେ ଆବଶ୍ୟକ ଅଛି, କେତେ ମଗାଯାଇଥିଲା ତାହା କେନ୍ଦ୍ର ସରକାର ପ୍ରକାଶ କରିବା ଉଚିତ୍। ଚାଷୀଙ୍କ ଆବଶ୍ୟକତା ପୂରଣ ନ କରି ଦୋଷ ଏଡାଇବା ଠିକ୍ ହେବ ନାହିଁ। ଏହା ଚାଷୀଙ୍କ ପାଇଁ ପ୍ରତାରଣା ସଦୃଶ।

    ସମୟ ଅନୁସାରେ ପର୍ଯ୍ୟାପ୍ତ ପରିମାଣର ସାର ଯୋଗାଇବା ଆବଶ୍ୟକ। ପରବର୍ତ୍ତୀ ଅବସ୍ଥାରେ ଦେଲେ କାମରେ ଲାଗିବନି। ରାଜ୍ୟସରକାରଙ୍କ ସଠିକ୍ ପରିଚାଳନା ଓ ଚାଷୀଙ୍କୁ ସଠିକ୍ ସମୟରେ ସହାୟତା ଯୋଗୁଁ ରାଜ୍ୟ ସରକାର କେନ୍ଦ୍ର ଠାରୁ ପ୍ରଶଂସିତ ହେଉଛନ୍ତି ଓ କୃଷି କର୍ମଣ ପୁରସ୍କାର ପାଇଛନ୍ତି। ସରକାରୀ ସ୍ତରରେ ଏ ନେଇ ଉଦ୍ୟମ  ହୋଇଛି ତାହା କାର୍ଯ୍ୟକାରୀ ନ ହେବାରୁ ମୁଖ୍ୟମନ୍ତ୍ରୀ ଚିଠି ଲେଖିଥିବା ସୂଚନା ଦେଇଛନ୍ତି ବିଧାୟକ ଅମର ଶତପଥୀ।

    ସେପଟେ ସାର ଅଭାବ ନେଇ ମୁଖ୍ୟମନ୍ତ୍ରୀଙ୍କ ଚିଠି ଉପରେ ବିଜେପି ବିଧାୟକ ନାଉରୀ ନାୟକ କହିଛନ୍ତି, ମୁଖ୍ୟମନ୍ତ୍ରୀଙ୍କ ଚିଠି ଉପରେ କେନ୍ଦ୍ର ସାର ଓ ରସାୟନ ମନ୍ତ୍ରୀ ଉତ୍ତର ରଖି ସାରିଛନ୍ତି । ରାଜ୍ୟର ଆବଶକତା ଅନୁସାରେ କେନ୍ଦ୍ର ସବୁବେଳେ ସବୁ କିଛି ଯୋଗାଇ ଦେଇ ଆସୁଛନ୍ତି । ରାଜ୍ୟ ସରକାର ସବୁବେଳେ ଚାଷୀଙ୍କୁ ଭୁଆଁ ବୁଲାଉଛନ୍ତି। କେନ୍ଦ୍ରର କାମ ସାର ଯୋଗାଇ ଦେବା । ହେଲେ ଚାଷୀ କେମିତି ପାଇବେ ତାହା ତଦାରଖ କରିବା ରାଜ୍ୟ ସରକାରଙ୍କର ଦାୟିତ୍ବ।

    ଏମାନେ ଠିକରେ  ବଣ୍ଟନ କରିପାରୁନଥିବା ଯୋଗୁ କଳାବଜାରୀ ବଢୁଛି। ଚାଷୀଙ୍କୁ  ସାର ମିଳୁନି ।  ଅଧିକ ଦାମରେ ସାର ବିକ୍ରି ହେଉଛି।  ନିଜ ମୁଣ୍ଡରୁ ଦୋଷ ଖସାଇଦେବାକୁ ରାଜ୍ୟ ସରକାର କେନ୍ଦ୍ର ଉପରେ ଦୋଷ ଲଦୁଥିବା ଅଭିଯୋଗ କରିଛନ୍ତି ବିଜେପି ବିଧାୟକ।

  • ପ୍ରଣବ ପ୍ରକାଶ ଦାସଙ୍କୁ ସମ୍ୱର୍ଦ୍ଧନା

    ଭୁବନେଶ୍ୱର: ବିଜୁ ଛାତ୍ର ଜନତା ଦଳର ନୂତନ କର୍ମକର୍ତ୍ତା ଘୋଷଣା ହୋଇଛି। ଏହି ପରିପ୍ରେକ୍ଷୀରେ ବୁଧବାର ବିଜୁ ଜନତା ଦଳର ସାଙ୍ଗଠନିକ ସଂପାଦକ ପ୍ରଣବ ପ୍ରକାଶ ଦାସଙ୍କୁ ବିଜୁ ଛାତ୍ର ଜନତା ଦଳ ପକ୍ଷରୁ ସମ୍ବର୍ଦ୍ଧିତ କରାଯାଇଛି। ଏହାସହ  ଆଗାମୀ ଦିନର କାର୍ଯ୍ୟଧାରା ଦିଗରେ ଆଲୋଚନା କରାଯାଇଥିଲା । ଏହି କାର୍ଯ୍ୟକ୍ରମରେ ବିଜୁ ଛାତ୍ର ଜନତା ଦଳର ବରିଷ୍ଠ ଉପସଭାପତି ପ୍ରଦୋଷ ପରିଡ଼ା, ରାଜ୍ୟ ଉପସଭାପତି ସୁଜିତ୍ ପାଲଟା ସିଂ , ବିଜୁ ଛାତ୍ର ଜନତା ଦଳର ରାଜ୍ୟ ସମ୍ପାଦକ ସୁମନ ସାହୁଙ୍କ ସମେତ ବହୁ ଛାତ୍ର ନେତା ଉପସ୍ଥିତ ଥିଲେ।

  • ବିଜେଡିରେ ନୂଆ ବରିଷ୍ଠ ପର୍ଯ୍ୟବେକ୍ଷକ ତାଲିକା ଜାରି

    ବିଜେଡିରେ ନୂଆ ବରିଷ୍ଠ ପର୍ଯ୍ୟବେକ୍ଷକ ତାଲିକା ଜାରି ହୋଇଛି। ଦଳ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୂର୍ବଭଳି ୬ ଜଣ ବରିଷ୍ଠ ନେତାଙ୍କ ହାତରେ ୩୦ ଜିଲ୍ଲା ଦାୟିତ୍ୱ ନ୍ୟସ୍ତ କରିଛନ୍ତି । ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଏହି ତାଲିକା ପ୍ରକାଶ କରିଛନ୍ତି। ପୂର୍ବ ତାଲିକାରୁ ସୌମ୍ୟରଂଜନ ପଟ୍ଟନାୟକ ଏବଂ ବିକ୍ରମ କେଶରୀ ଆରୁଖ ବାଦ୍ ପଡ଼ିଛନ୍ତି । ବିକ୍ରମ କେଶରୀ ଆରୁଖ ବାଚସ୍ପତି ଭାବେ ନିର୍ବାଚିତ ହେବା ପରିପ୍ରେକ୍ଷୀରେ ସଂଗଠନ ଦାୟିତ୍ୱରୁ ହଟିଥିବା ବେଳେ ସୌମ୍ୟ କିନ୍ତୁ ସାଂଗଠନିକ କାର୍ଯ୍ୟରେ ନବୀନଙ୍କ ଆସ୍ଥାଭାଜନ ହୋଇପାରିନାହାନ୍ତି। ସୌମ୍ୟଙ୍କ ଦାୟିତ୍ୱରେ ଥିବା ୭ ଟି ଜିଲ୍ଲାକୁ ପ୍ରତାପ ଜେନାଙ୍କୁ ନ୍ୟସ୍ତ କରାଯାଇଛି । ସେହିଭଳି ବିକ୍ରମ ଆରୁଖଙ୍କ ପାଖରେ ଥିବା ୫ଟି ଜିଲ୍ଲାକୁ ମନ୍ତ୍ରୀ ପ୍ରମିଳା ମଲ୍ଲିକଙ୍କ ଦାୟିତ୍ୱରେ ଛଡ଼ାଯାଇଛି। ପୁରୁଣା ତାଲିକାରେ ଥିବା ନିରଞ୍ଜନ ପୂଜାରୀ, ପ୍ରସନ୍ନ ଆଚାର୍ଯ୍ୟ, ଦେବୀପ୍ରସାଦ ମିଶ୍ର, ମହେଶ୍ୱର ମହାନ୍ତିଙ୍କୁ ନୂଆ ତାଲିକାରେ ସେମାନଙ୍କ ପୂର୍ବ ଜିଲ୍ଲାର ଦାୟିତ୍ୱ ସହ ସ୍ଥାନ ମିଳିଛି।

  • ବିଜୁ ଅନୁଗାମୀଙ୍କୁ କରାଯାଉଛିକି ପାୱାରଲେସ ?

    ବିଜେଡି ରେ ଶେଷ ହେଉଛି କି ବିଜୁଇଜିମ୍ ? ବିଜୁ ଅନୁଗାମୀ କୁ ଦଳରୁ ଦୁରେଇ ରଖିବା ପ୍ରକିୟା ଏବେ ଚୁଡାନ୍ତ ପର୍ଯ୍ୟାୟରେ ଥିଲା ଭଳି ଲାଗୁଛି । ୯୦ ଦଶକରେ ରାଜନୀତି ଆରମ୍ଭ କରିଥିବା ନେତା ଓ ବିଜେଡି ଗଠନ ସମୟରେ ପ୍ରତିଷ୍ଠାତା ସଦସ୍ୟ ଥିବା ପ୍ରାୟ କେହି ନାହାଁନ୍ତି କହିଲେ ଚଳେ। କିଛି ହାତ ଗଣିତ ବାକି ରହିଥିବା ବେଳେ ସେମାନଙ୍କ ପାଇଁ ବାଜିଲାଣି ସତର୍କ ଘଣ୍ଟି । ଖାଲି ପୁରୁଖା ନୁହଁନ୍ତି ୨୦୦୦ ମସିହାରୁ ବିଜେଡି ରାଜନୀତିରେ କାୟା ବିସ୍ତାର କରିଥିବା ନେତା ଙ୍କୁ ମଧ୍ୟ୍ୟ ପାୱାରଲେସ କରିବାର ମୁଳଦୁଆ ପଡିଲାଣି । ରାଜ୍ୟସଭା ନିର୍ବାଚନ ବିଭିନ୍ନ ନିଗମ ପଦ୍ଦ ରଦ୍ଦ ଓ ପରେ ପରେ ମନ୍ତ୍ରୀମଣ୍ଡଳ ଅଦଳବଦଳ ରୁ ଏକଥା ଅବୁଝା ନାହିଁ । ମନ୍ତ୍ରୀ ହୋଇଥିବା କିଛି ପୁରୁଖା ଙ୍କ ପାଇଁ ଏହା ଶେଷ ସୁଯୋଗ ବୋଲି ଇସାରା ଦିଆଯାଇଛି ।


    ବିଜୁ ଙ୍କ ଅମଳରେ ରାଜନୀତି ଆରମ୍ଭ କରିଥିବା ନେତାଙ୍କ ମଧ୍ୟରେ ରାଜା ସ୍ୱାଇଁ ଓ ପ୍ରମିଳା ମଲ୍ଲିକ ଏବେ ମନ୍ତ୍ରୀ। ସୂର୍ଯ୍ୟ ନାରାୟଣ ପାତ୍ର , ଅମର ଶତପଥୀ , ଦେବୀ ମିଶ୍ର , ପ୍ରଫୁଲ ସାମଲ, ପଦ୍ମନାଭ ବେହେରା ପ୍ରମୁଖ ବିଧାୟକ ଅଛନ୍ତି । ଏହି ନେତା ମାନେ ବିଜୁ ପଟ୍ଟନାୟକଙ୍କ ସମୟରୁ ରାଜନୀତି ଆରମ୍ଭ କରିଥିଲେ ମଧ୍ୟ୍ୟ ବର୍ତ୍ତମାନ ଏମାନେ ରାଜନୈତିକ ଭବିଷ୍ୟତ ନେଇ ସନ୍ଦିହାନ କି । ବିଜେଡିରେ ବାପା ପରେ ପୁଅ ଉତ୍ତରାଧିକାରୀ ରାଜନୀତି ବେଶ ସୁହାଉଛି । ତେଣୁ ଆଶଙ୍କା କରିବାର କିଛି ନାହିଁ । ମଙ୍ଗୁଆଳ ଖୁସି ହେଲେ କ୍ଷମତା ପରିବାର ବାହାରକୁ ଯିବାର ନାହିଁ ।

    ପ୍ରଫୁଲ ସାମଲ , ସୂର୍ଯ୍ୟ ପାତ୍ର ଓ ଦେବୀ ମିଶ୍ର ନିଜ ପୁଅ ପାଇଁ କ୍ଷେତ୍ର ସଜାଡୁଥିବା ବେଳେ ସମସ୍ତ ଙ୍କ ଠାରୁ ଆଗରେ ଅଛନ୍ତି ପ୍ରଫୁଲ ସାମଲ ଙ୍କ ପୁଅ ଲୁଲୁ ସାମଲ । ଲୁଲୁ ଏକାଧିକ ଦାମି ଗାଡି ଚଢିବା ସୌକ ପାଇଁ ବିଜେଡି ରାଜନୀତିରେ ବେଶ ଚର୍ଚ୍ଚିତ। ୨୦୦୦ ମସିହାରୁ ସକ୍ରିୟ ରାଜନୀତିରେ ଅଛନ୍ତି। କିନ୍ତୁ ତାଙ୍କ ସହ ବରପଦା ଇଞ୍ଜିନିୟରିଂ କଲେଜ ବିବାଦ ମଧ୍ୟ୍ୟ ରହିଛି । ସଞ୍ଜୟ ଦାସବର୍ମା ମନ୍ତ୍ରୀ ଥିବା ସମୟରେ ଲୁଲୁ ସାମଲ ଙ୍କ ଦାମୀ ଗାଡି ନେଇ ବ୍ରହ୍ମଗିରି ଯାଉଥିବା ନେଇ ସେତେବେଳେ ପ୍ରଶ୍ନ ଉଠାଇଥିଲେ ଲୁଲୁ ମହାପାତ୍ର । ଦେବୀ ମିଶ୍ର ଙ୍କ କଥା ଯଦି ଦେଖିବେ ତାଙ୍କ ନିର୍ବାଚନ ମଣ୍ଡଳୀ ବଡ଼ମ୍ୱାରେ ବିଜେଡି ବିକଳ୍ପ ନେତା ସୃଷ୍ଟି କରିନାହାଁନ୍ତି ଦେବୀ । ଅମର ଶତପଥୀ ପୁଅ ପାଇଁ ଲାଇନ କ୍ଲିଅର କରୁଛନ୍ତି ସେଥିପାଇଁ ତ ଆଜି କାଲି ଗଣମାଧ୍ୟ୍ୟମ ବାଇଟ ଠାରୁ ଦୁରେଇ ରହୁଛନ୍ତି ।

    ମୁହଁ ଖୋଲିଲେ ପୁଅ ପାଇଁ ବିପଦ ହେବନି ତ । ପ୍ରଫୁଲ୍ଲ ଘଡ଼େଇ ପୁଅ ପ୍ରୀତିରଞ୍ଜନଙ୍କ ବାଟ କେବେଠୁ ସୁଗମ କରିସାରିଥିଲେ। ବିଜୟଶ୍ରୀ ରାଉତରାୟ ସାନ ପୁଅ ବିଷ୍ଣୁଙ୍କୁ ପ୍ରତ୍ୟକ୍ଷ ନିର୍ବାଚନରେ ଓହ୍ଲାଇବାକୁ ୨୦୧୯ରୁ ଆପେ ଆପେ ଦୂରେଇ ଯାଇଥିଲେ। କଳ୍ପତରୁ ଦାସ ପୁଅ ପ୍ରଣବ ବଳବନ୍ତରାୟଙ୍କ ଆସନ ସୁରକ୍ଷିତ କରିବାରେ ସଫଳ ହୋଇଥିଲେ। ବିଜୟଶ୍ରୀ ଓ କଳ୍ପତରୁ ଆରପାରିରେ। ପ୍ରସନ୍ନ ପାଟ୍ଟଶାଣୀଙ୍କ ଉପରେ କିନ୍ତୁ ନବୀନଙ୍କ ସଦୟ ଦୃଷ୍ଟି ପଡ଼ୁନି। ପାଟ୍ଟଶାଣୀ ଅବଶ୍ୟ ବିଜୁ ଗୁଣଗାନ କରୁଛନ୍ତି। କିନ୍ତୁ ଫରକ ପକାଉନି କ୍ଷମତା କେନ୍ଦ୍ରକୁ।
    ୨୦୦୦ ମସିହାରୁ ବିଜେଡି ରେ ଯେଉଁ ହାଇଭୋଲଟେଜ ଯୁବ ନେତା ମାନେ ରାଜନୀତିରେ ପ୍ରବେଶ କରି କ୍ଷମତାଶାଳୀ ହୋଇଥିଲେ ଆଜି ସେମାନଙ୍କୁ ଦୂରେଇ ଦିଆଯାଉଛି ।

    ସଞ୍ଜୟଦାସ ବର୍ମା ଙ୍କୁ ଯୋଜନା ବୋର୍ଡ ଉପାଧ୍ୟକ୍ଷ ପଦ ଦିଆଯିବା ସମୟରୁ ଜିରୋ କରାଯାଇଥିଲା ଆଉ ଏବେ ଆଉଟ୍‌ । ପ୍ରତାପ ଜେନା , ଅରୁଣ ସାହୁ , ପଦ୍ମନାଭ ବେହେରା ,ସୁଦାମ ମାର୍ଣ୍ଡିଂ ଙ୍କୁ ମନ୍ତ୍ରୀ ପଦରୁ ବାଦ୍‌ ଦିଆଯାଇଥିବା ବେଳେ ଆଗକୁ କଣ ହେଉଛି ତାହା କହିବା କଷ୍ଟ । କାରଣ ମାଇନସ୍ ନବୀନ ସମସ୍ତେ ଜିରୋ। ଆଉ ବିରୋଧୀ ବି ସବଳ ନୁହଁନ୍ତି ।
    ଜିରୋ କୁ ହିରୋ ଓ ହିରୋ କୁ ଜିରୋ କରିବାରେ ନବୀନ ସରପ୍ରାଇଜ ମାଷ୍ଟର । ମିଡିଆର ସ୍ପେକୁଲେସନ ଓ ପଲିଟିକାଲ କାଲ୍‌କୁଲେସନରୁ ବହୁ ଉର୍ଦ୍ଧ୍ୱରେ ନବୀନଙ୍କ ଷ୍ଟ୍ରାଇକ୍‌ ଓ ଷ୍ଟାଟେଜି ।

    • ସ୍ମରଜିତ୍ ଆର୍ଯ୍ୟ ଙ୍କ ରିପୋର୍ଟ
  • ପୁରୀ ରେ ପାଣ୍ଡିଆନ୍

    ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି.କେ ପାଣ୍ଡିଆନ୍ ଓ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନେଇ ସୁପ୍ରିମକୋର୍ଟର ରାୟ ପରେ ମହାପ୍ରଭୁଙ୍କ ଦର୍ଶନ କରିଛନ୍ତି l ଭି. କେ ପାଣ୍ଡିଆନ୍ ଓ ପ୍ରଣବ ପ୍ରକାଶ ଦାସ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିବା ସହ ଆଶିଷ ଭିକ୍ଷା କରିଥିଲେ ।‌ଆଜି ସିଂହଦ୍ଵାର ଠାରେ ପହଞ୍ଚିବା ପରେ ତାଙ୍କୁ ଜିଲ୍ଲାପାଳ, ଏସପି ଓ ଶ୍ରୀମନ୍ଦିର ପରିଚାଳନା କମିଟିର ସଦସ୍ୟ ଓ ସେବାୟତ ପ୍ରତିନିଧି ମାନେ ସ୍ବାଗତ କରିଥିଲେ ।ସୁପ୍ରିମକୋର୍ଟଙ୍କ ରାୟ ସରକାରଙ୍କ ସପକ୍ଷରେ ଯାଇଥିବାରୁ ସମସ୍ତେ ଖୁସି ବ୍ୟକ୍ତ କରିଥିଲେ ।

    ମହାପ୍ରଭୁଙ୍କ ମାର୍ଗ ଦର୍ଶକରେ ହିଁ ସମସ୍ତ କାର୍ଯ୍ୟ ହେଉଛି। ଭକ୍ତର ହେଉଛନ୍ତି ଭଗବାନ। ଭକ୍ତଙ୍କ ପାଇଁ ପରିକ୍ରମା ପ୍ରକଳ୍ପ ନିର୍ମାଣ କାର୍ଯ୍ୟ କରାଯାଉଛି ଓ ଖୁବଶୀଘ୍ର ଏହା ସମ୍ପୂର୍ଣ୍ଣ ହେବ ବୋଲି ବିଜେଡି ରାଜ୍ୟ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ମହାପ୍ରଭୁଙ୍କ ଦର୍ଶନ ପରେ କହିଛନ୍ତି ।

Back to top button