ଗାଁ ଖେତରେ କାମ କରିବା ସହ ଇନ୍ଷ୍ଟାଗ୍ରାମ ରିଲରେ ଇଂରାଜୀ ଶିଖାଇବାକୁ ପସନ୍ଦ କରନ୍ତି ଯଶୋଦା | ସବୁଦିନ ଭଳି ଦିନଟି ସାଧାରଣ ଭାବେ ଆରମ୍ଭ ହେଇଥିଲା ଉତ୍ତରପ୍ରଦେଶର ଯଶୋଦା ଲୋଧିଙ୍କ ପାଇଁ । ଖେତରେ କାମ କରୁଥିବା ବେଳେ ମନକୁ ଆସିଲା,ଏକ ଇଂରାଜୀ ଭିଡିଓ କରିବେ। ମୋବାଇଲ୍ ବାହାର କରି ଭିଡିଓ ରେକର୍ଡ କରୁଥିବା ବେଳେ ସ୍ୱାମୀଙ୍କଠାରୁ ତାଙ୍କୁ ଶୁଣିବାକୁ ପଡ଼ିଲା। କିନ୍ତୁ ଯଶୋଦା ସେକଥାକୁ ଖାତିର ନକରି ଭିଡିଓ ପୂରା କରି ସୋସିଆଲ ମିଡିଆରେ ପୋଷ୍ଟ କରିଦେଲେ। କିନ୍ତୁ ତା’ପରେ ଯାହା ଘଟିଲା, ତାହା ତାଙ୍କ ପାଇଁ ଏକ ସ୍ମରଣୀୟ ଦିନ ହୋଇଗଲା।
