ପୁରୀ: ପୁରୀ ସ୍ଥିତ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର ଶ୍ରୀସଦାଶିବ କ୍ୟାମ୍ପସ ପରିସରରେ ଦେଶର ଦ୍ୱିତୀୟ ‘ରାଷ୍ଟ୍ରୀୟ ଆଦର୍ଶ ବେଦ ବିଦ୍ୟାଳୟ’ର ଲୋକାର୍ପଣ ହେବାକୁ ଯାଉଛି। କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାର ଲୋକାର୍ପଣ କରିବେ। ଏଥିସହିତ ଏହି କ୍ୟାମ୍ପସ ପରିସରରେ କେନ୍ଦ୍ରମନ୍ତ୍ରୀଙ୍କ ଦ୍ୱାରା ହିନ୍ଦୁ ଅଧ୍ୟୟନ କେନ୍ଦ୍ରର ଉଦଘାଟନ ସହ ସଂସ୍କୃତ ଭାଷାର ପ୍ରଚାର ପ୍ରସାର ପାଇଁ ଉଦ୍ଦିଷ୍ଟ କେନ୍ଦ୍ରୀୟ ଯୋଜନା ଗୁଡ଼ିକର ଲୋକାର୍ପଣ କରିବାର କାର୍ଯ୍ୟକ୍ରମ ରହିଛି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସକାଳ ଜଗାଦର୍ଶନ କରିଛନ୍ତି। କେନ୍ଦ୍ରିୟ ସଂସ୍କୃତ ବିଶ୍ୱବିଦ୍ୟାଳୟ ପରିସରରେ ପହଞ୍ଚୀ ଲୋକାର୍ପଣ କାର୍ଯ୍ୟକ୍ରମରେ ଯୋଗଦେବେ। ଲୋକାର୍ପଣ କାର୍ଯ୍ୟକ୍ରମ ପରେ ବଡଦାଣ୍ଡର ପ୍ରସ୍ତାବିତ ସ୍ଥାନ ପରିଦର୍ଶନ କରିବେ । ସମସ୍ତ ବେଦ ଗୁଡ଼ିକର ଉଚ୍ଚ ଅଧ୍ୟୟନ, ଭାରତୀୟ ଜ୍ଞାନ ପ୍ରଣାଳୀ, ରାଷ୍ଟ୍ରୀୟ ଶିକ୍ଷା ନୀତି -୨୦୨୦କୁ ଆଗେଇ ନେବା ଦିଗରେ ଓଡ଼ିଶା ପାଇଁ ଆସନ୍ତାକଲି ଏକ ମହତ୍ୱପୂର୍ଣ୍ଣ ଦିନ । ଶ୍ରୀଯୁକ୍ତ ପ୍ରଧାନ ଦୀର୍ଘଦିନ ଧରି ଏହି ଶିକ୍ଷାନୀତି କୁ ଆଗେଇ ନେବାପାଇଁ କାର୍ଯ୍ୟ କରି ଆସିଛନ୍ତି । ଯାହାଫଳରେ ଆଜି ଏଭଳି ଏକ ପ୍ରତିଷ୍ଠାନ ଆରମ୍ଭ ହେବାକୁ ଯାଉଛି। ଛାତ୍ର ମାନଙ୍କୁ ବେଦ ଅଭ୍ୟାସ ସହିତ ସଂସ୍କୃତ, ଯୋଗ, ବିଜ୍ଞାନ, ଗଣିତ, ବୈଦିକ ଗଣିତ, ସାମାଜିକ ବିଜ୍ଞାନ, ଇଂରାଜୀ ଭାଷା, କମ୍ପ୍ୟୁଟର, କୃଷି ବିଦ୍ୟା ଭଳି ବିଷୟରେ ଅଧ୍ୟୟନ ଅଭ୍ୟାସ କରାଯିବା ଏହି କେନ୍ଦ୍ରର ମୂଳଲକ୍ଷ୍ ରହିବ। ଏହା ସହ କୌଶଳ ଉପରେ ଆଧାରିତ ବିଭିନ୍ନ ପାଠ୍ୟକ୍ରମ ଆରମ୍ଭ କରିବାର ଲକ୍ଷ୍ୟ ରଖାଯାଇଛି ।
INAGURATION
-
ରାଷ୍ଟ୍ରୀୟ ଆଦର୍ଶ ବେଦ ବିଦ୍ୟାଳୟ ଲୋକାର୍ପଣ
-
୫ଜି ର ଶୁଭଆରମ୍ଭ କରିଛନ୍ତି ମୋଦି
ନୂଆଦିଲ୍ଲୀ: ନୂଆ ଭାରତ, ନୂଆ ଟେକ୍ନୋଲେଜି। ଭବିଷ୍ୟତରେ ଓ୍ୱାଏରଲେସ୍ ଟେକ୍ନୋଲୋଜିରେ ଭାରତର ଭୂମିକା ରହିବ। ୨ଜିରୁ ୪ଜି ଯାଏ। ଭାରତ ଟେକ୍ନୋଲୋଜି ଲାଗି ଅନ୍ୟ ଦେଶ ଉପରେ ନିର୍ଭରଶୀଳ ଥିଲା। କିନ୍ତୁ ୫ଜି ସହ ଭାରତ ନୂଆ ଇତିହାସ ରଚିଲା ବୋଲି ୫ଜି ସେବାର ଶୁଭାରମ୍ଭ କରି କହିଛନ୍ତି ପ୍ରଧାନମନ୍ତ୍ରୀ ମୋଦି। ୫ଜି ସହ ପ୍ରଥମ କରି ଭାରତ ଟେଲିକମ ଟେକ୍ନୋଲୋଜିରେ ଗ୍ଲୋବାଲ ଷ୍ଟାଣ୍ଡାର୍ଡ ଆପଣାଇଛି।
ଭାରତର ୧୩୦ କୋଟି ଦେଶବାସୀଙ୍କୁ ଏକ ବଡ଼ ଉପହାର ମିଳିଛି। ଯାହାର ନାଁ ୫ଜି। ଦେଶର ବିକାଶରେ ନୂଆ ଯୁଗର ପରିଚୟ। ଅନନ୍ତ ଆକାଶକୁ ଛୁଇଁବାର ଅୟମାରମ୍ଭ। ୫ଜି ସହ ଭାରତ ନୂଆ ଇତିହାସ ରଚିଛି। ପ୍ରଗତି ମୈଦାନରୁ ୫ଜି ସେବାର ଶୁଭାରମ୍ଭ କରି କିଛି ଏମିତି ବାଗରେ କହିଛନ୍ତି ପ୍ରଧାନମନ୍ତ୍ରୀ ମୋଦି। ୨ଜିରୁ ୪ଜି ଯାଏ। ଭାରତ ଟେକ୍ନୋଲୋଜି ପାଇଁ ଅନ୍ୟ ଦେଶ ଉପରେ ନିର୍ଭରଶୀଳ ଥିଲା। କିନ୍ତୁ ୫ଜି ବେଳକୁ ଭାରତ ପ୍ରଥମ ଥର ଟେଲିକମ ଟେକ୍ନୋଲୋଜିକୁ ବିଶ୍ୱସ୍ତରୀୟ କରିପାରିଲା। ଦେଶରେ ଡାଟା କ୍ରାନ୍ତି ଆସିଛି।
ଦେଶର ଗରିବ ଲୋକ ବି ନୂଆ ଟେକ୍ନୋଲୋଜି ଆପଣାଇବାକୁ ସବୁବେଳେ ଆଗେଇ ଆସିଛନ୍ତି। ଜରୁରୀସେବାରେ ୫ଜି ବହୁ ସହାୟକ ସାଜିବ। ଶିକ୍ଷାକ୍ଷେତ୍ରକୁ ନୂଆ ଜ୍ଞାନକୌଶଳ ଦେବ। ୨୦୧୪ ସୁଦ୍ଧା ମୋବାଇଲ ରପ୍ତାନୀରେ ଜିରୋ ଥିଲା ଇଣ୍ଡିଆ। ଆଉ ଏବେ ଭାରତ ହଜାର ହଜାର କୋଟି ଟଙ୍କାର ମୋବାଇଲ୍ ରପ୍ତାନୀ କରୁଛି। କମ୍ ଦାମରେ ଅଧିକ ଫିଚର କେମିତି ପାଇବୁ, ସେଥିଲାଗି ଭାରତ ପ୍ରୟାସ ଆରମ୍ଭ କରିଦେଇଛି। ଆଗ ଓ୍ୱାନ୍ ଜିବି ପିଛା ୩ଶହ ଟଙ୍କା ପଡ଼ୁଥିଲା। ହେଲେ ଆଜି ମାତ୍ର ୧୦ ଟଙ୍କା। କହିବାକୁ ଗଲେ ମାସକୁ ୧୪ଜିବି ଡାଟା ଜଣେ କଞ୍ଜ୍ୟୁମ୍ କରୁଛି। ୧୪ରେ କେବଳ ୨ଟି ମୋବାଇଲ ନିର୍ମାତା କମ୍ପାନୀ ଥିଲା ଭାରତରେ। ଆଉ ଏବେ ୨ଶହରୁ ଅଧିକ ସଂଖ୍ୟା ପହଞ୍ଚିଲାଣି। ଡିଭାଇସ, ଡିଜିଟାଲ କନେକ୍ଟିଭିଟି, ଡାଟା କଷ୍ଟ ଓ ଡିଜିଟାଲ ଫାଷ୍ଟ ଆପ୍ରୋଚ ଉପରେ ଡିଜିଟାଲ ଇଣ୍ଡିଆର ସଫଳତା ନିର୍ଭର କରୁଛି। ଆଉ ଏ ସବୁ ଉପରେ ଦେଶ କାମ କରୁଛି।
ଏହି ଅବସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଗାଁ ପାହାଡ଼ପୁର ବି ୫ଜି ସେବାରେ ସାମିଲ୍ ହୋଇଛି। ମୁର୍ମୁଙ୍କ ସ୍କୁଲ୍ ଏସଏଲଏମ ସ୍ମାରକୀ ଆବାସିକ ବିଦ୍ୟାଳୟରୁ ସିଧାସଳଖ ଯୋଡ଼ିହୋଇଥିଲେ ପିଲାଏ। ଆଉ କିଛି ସ୍କୁଲ ପିଲାଙ୍କ ସହ ୫ଜି ସେବା ଉପରେ ମତବିନିମୟ କରିଥିଲେ ପ୍ରଧାନମନ୍ତ୍ରୀ।
ପ୍ରଦୀପ ନାୟକଙ୍କ ରିପୋର୍ଟ