କେନ୍ଦ୍ରାପଡ଼ାର ଚର୍ଚିତ ସାତଭାୟା ଗାଁରେ ତାଣ୍ଡବ ରଚିଲା ସମୁଦ୍ର | ରାତିରେ ସମୁଦ୍ର ଅଶାନ୍ତ ରହିବ ଜାଣିଥିଲେ ହେଲେ, ଗାଁ ଭିତରକୁ ପାଣି ମାଡି ଆସିବ ବୋଲି ଭାବି ନଥିଲେ ସ୍ଥାନୀୟ ବାସିନ୍ଦା | ସମୁଦ୍ର ଗର୍ଭରେ ଲୀନ ହେଇଛି ମା ପଞ୍ଚୁ ବରାହୀଙ୍କ ମନ୍ଦିର | ଯେଉଁଠି ଦିନେ ଗାଁ ଗଣ୍ଡା,ମନ୍ଦିର ଓ ଚାଷ ଜମି ଥିଲା ସେଠି ଏବେ କିଛି ଖଣ୍ଡ ଇଟା ନିଜ ସତ୍ତା ଜାହିର କରୁଛି | ଗାଁରେ ଲହଡି ଭାଙ୍ଗୁଛି ସମୁଦ୍ର ହେଲେ ହେନ୍ତାଳ ଜଙ୍ଗଲସୃଷ୍ଟି କରାଗଲେ ହେଇପାରିବ ସୁରକ୍ଷା |
ରାଜକନିକା ବ୍ଲକରେ ମିଶନ ଶକ୍ତି ଓ ଜୀବିକା ମିଶନ ସହଯୋଗରେ SHG ମହିଳାମାନଙ୍କୁ ନେଇ ୧୦୦୧ ଦୀପ ପ୍ରଜ୍ୱଳନ କରାଯାଇଛି। ମୋଦିଙ୍କ ଦୀର୍ଘାୟୁ ଓ ନିରାମୟ ଜୀବନ କାମନା କରି ମହିଳାମାନେ ପ୍ରାର୍ଥନା କରିଥିଲେ।
ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କେନ୍ଦ୍ରାପଡ଼ା ଫରେଷ୍ଟ ରେଞ୍ଜର ରବୀନ୍ଦ୍ର କୁମାର ନାୟକଙ୍କ ବଡ଼ ଧରଣର ଚଢ଼ାଉ କରିଛି ଓଡ଼ିଶା ଭିଜିଲାନ୍ସ।
