ଓଡ଼ିଶାର ରାଜନୀତିରେ ପୁଣି ଦିଲ୍ଲୀ ଗସ୍ତକୁ ନେଇ ଚର୍ଚ୍ଚା ଜୋର ଧରିଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଦିଲ୍ଲୀ ଗସ୍ତକୁ ନେଇ ରାଜ୍ୟ ରାଜନୀତିରେ ବିଭିନ୍ନ କଳ୍ପନାଜଳ୍ପନା ଆରମ୍ଭ ହୋଇଛି। ଉଭୟ ନେତାଙ୍କ ଗସ୍ତର ରାଜନୈତିକ ମହତ୍ତ୍ୱକୁ ନେଇ ଏବେ ଚର୍ଚ୍ଚା ଚାଲିଛି।
ଏମଏମଡିଆର ଆମେଣ୍ଡମେଣ୍ଟ ବିଲ୍ ବଳରେ ଖଣିଜ ସମ୍ପଦ ଉପରେ ଟିକସ କି ଲେଭି ବସାଇପାରିବେନି ସରକାର। କେନ୍ଦ୍ର ସରକାର ସୁପ୍ରିମକୋର୍ଟଙ୍କ ରାୟକୁ ଅବଜ୍ଞା କରି ଏଭଳି ଏକପାଖିଆ ନିଷ୍ପତ୍ତିକୁ କେରଳ ଓ ଝାଡ଼ଖଣ୍ଡ ସରକାର ବିରୋଧ କରିଛନ୍ତି। ଓଡ଼ିଶାରେ ବିଜେଡି, କଂଗ୍ରେସ ସମେତ ପ୍ରମୁଖ ବିରୋଧୀ ଦଳ ସରକାରଙ୍କ ଉଦାସୀନତାକୁ ବିରୋଧ କରିଛନ୍ତି।
