ମୁଣ୍ଡୁଳିରେ ଯେଭଳି ୧୦ଲକ୍ଷ କ୍ୟୁସେକରୁ ଅଧିକ ପାଣି ନ ପହଞ୍ଚେ, ସେଥିଲାଗି ଜଳସମ୍ପଦ ବିଭାଗ ପକ୍ଷରୁ ଆବଶ୍ୟକ ପଦକ୍ଷେପ ନିଆଯାଉଛି ବୋଲି କହିଛନ୍ତି ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ। ଯଦି ପାଣି ବଢ଼େ ଓ କିଛି ଅଞ୍ଚଳ ପ୍ରଭାବିତର ସମ୍ଭାବନା ରହିବ, ତାହେଲେ ପ୍ରଶାସନ ପକ୍ଷରୁ ପୂର୍ବ ପ୍ରସ୍ତୁତି କରାଯାଇଛି। ବିଭିନ୍ନ ନଦୀର ଜଳସ୍ତର ବାବଦରେ ବି ମନ୍ତ୍ରୀ ସୂଚନା ଦେଇଛନ୍ତି।
ବଢୁଛି ଋଷିକୁଲ୍ୟା ନଦୀର ଜଳସ୍ତର। ବିପଦ ସଙ୍କେତ ଉପରେ ପ୍ରବାହିତ ହେଉଛି ନଦୀ ପାଣି । ପ୍ରଥମ ଥର ପାଇଁ ଗଞ୍ଜାମ ଜିଲ୍ଲାର ନଦୀକୂଳିଆ ସାହି ମଧ୍ୟକୁ ପଶିଛି ବନ୍ୟାଜଳ। ବିଶେଷ କରି ପୁରୁଷୋତ୍ତମପୁର ଏନଏସିର ୧୧ ନମ୍ବର ୱାର୍ଡରେ ନଦୀ ନିକଟରେ ଥିବାରୁ ସ୍ଥାନୀୟ ବାସିନ୍ଦାଙ୍କ ମନରେ ଛନକା ପଶିଛି। ତେବେ, ସମ୍ଭାବ୍ୟ ବନ୍ୟା ପରିସ୍ଥିତିକୁ ନେଇ ସଜାଗ ଅଛି ପ୍ରଶାସନ।
