ଏଭଳି ଦିମାଗି ନକ୍ସଲଙ୍କଠୁ ସତର୍କ ଓ ସଜାଗ ରହିବାକୁ ପରାମର୍ଶ ଦେଇଥିଲେ ମୋଦି। କାହାର ନାଁ ନ ନେଇଥିଲେ ସୁଦ୍ଧା କଂଗ୍ରେସର ବରିଷ୍ଠ ନେତା ତଥା ଦେଶର ପୂର୍ବତନ ଗୃହମନ୍ତ୍ରୀ ପି.ଚିଦାମ୍ୱରମ ନିଜକୁ ଦିମାଗି ନକ୍ସଲ ବୋଲି କହିଛନ୍ତି। ଦିମାଗି ନକ୍ସଲ ଭାବେ ସେ ନିଜକୁ ଗର୍ବିତ ମନେ କରୁଛନ୍ତି। ଏହାକୁ ନେଇ ବିଜେପି କଡ଼ା କାଉଣ୍ଟର କରିଛି।
ନୂଆ ଆଇନ ଅନୁସାରେ, ବନ୍ଦେ ମାତରମ ଗୀତ ବେଳେ ଜାଣିଶୁଣି ବାଧା ଦେବା, ଏହାକୁ ରୋକିବାକୁ ପ୍ରୟାସ କଲେ ଜରିମାନା, ୩ ବର୍ଷ ଯାଏ ଜେଲ ବା ଉଭୟ ଦଣ୍ଡ ଭୋଗିବାକୁ ପଡ଼ିବ। କଂଗ୍ରେସ ମୁଖ୍ୟାଳୟରେ ସ୍ୱାଧୀନତା ଦିବସ ପାଳନ ଅବସରରେ ବନ୍ଦେ ମାତରମ ଗାୟନକୁ ନେଇ ନୂଆ ରାଜନୀତିକ ବିବାଦ ଛିଡ଼ା ହୋଇଛି। ବିଜେପି ଆରୋପ ଲଦିଛି ଯେ, ସୋନିଆ ଓ ରାହୁଲ ଗାନ୍ଧୀ ପୁରା ବନ୍ଦେ ମାତରମ ଗୀତ ବଜାଇବା ଉପରେ ଆପତ୍ତି ଉଠାଇଥିଲେ। ଆଉ ଏହାକୁ ମଝିରୁ ରୋକିବାକୁ ପ୍ରୟାସ କରିଥିଲେ।
ଅସ୍ତ୍ରଶସ୍ତ୍ର ଧରିଥିବା ନକ୍ସଲ ଓ ମସ୍ତିଷ୍କରେ ନକ୍ସଲ ଚିନ୍ତାଧାରା ଥିବା ବ୍ୟକ୍ତି ଭିତରେ କେମିତି ବଡ଼ ଅନ୍ତର, ତାକୁ ଯୁବବର୍ଗଙ୍କୁ ଦର୍ଶାଇଛନ୍ତି। ଜେନ୍-ଜି ଓ ଜେନ୍ ଆଲଫାଙ୍କୁ ଏଭଳି ବାଗରେ ସତର୍କ କରାଇବା ସହ ବଡ଼ ପୁରଷ୍କାର ଦେଇଛନ୍ତି।
ଗୁଜବ କରି ଦେଶକୁ ଡରାଇବା, ଭୟଭୀତ କରାଇବାରେ ଯେମିତି କିଛି ଲୋକଙ୍କୁ ଖୁସି ଦେଉଛି। ହତ୍ୟାକାରୀ ନକ୍ସଲ ତ ମୂଳୋତ୍ପାଟନ ହୋଇଗଲେ। ହେଲେ ନକ୍ସଲ ମାନସିକତାଧାରୀ ମଣିଷ ସଦା ମଉକା ଖୋଜିବାରେ ବ୍ୟସ୍ତ। ହିଂସା, ସ୍ୱେଛାଚାରିତା ଦିଗରେ ସମାଜକୁ ଭୁଲ ବାଟରେ ନେବାକୁ ସବୁବେଳେ ଚିନ୍ତିତ। ୨୦୪୭ ଯାଏ ବିକଶିତ ଭାରତର ସ୍ୱପ୍ନରେ ଏମିତି ବି ସଂକଟ ଆସିବ ବୋଲି ସେ ଭାବିନଥିଲେ।
