ସମ୍ୱିଧାନ ରକ୍ଷା ସକାଶେ ଏ ଲଢ଼େଇ। ଯୁବ ଓ ଜେନ-ଜିଙ୍କ ଆନ୍ଦୋଳନକୁ ମଝଭୁତ କରିବାକୁ ପଡ଼ିବ। ଜନ୍ତରମନ୍ତରରେ ସିଜେପି ଆନ୍ଦୋଳନରେ ସାମିଲ ହେବେ ଟିକାୟତ। ସିଜେପି କହିଥିଲା, ବିଜେପି ସରକାର ବୋଧହୁଏ ଗୃହଯୁଦ୍ଧ କରିବାକୁ ଚାହୁଁଛନ୍ତି।
ଧର୍ମେନ୍ଦ୍ର କହିଛନ୍ତି ଗଲା ୧୦ ଦିନ ହେଲା ଘଟଣାକ୍ରମ ଦେଖି ସେ ଦୁଃଖିତ ଥିଲେ। ଏହା ତାଙ୍କର ବ୍ୟକ୍ତିଗତ ପ୍ରତିଷ୍ଠାର ବିଷୟ ନୁହେଁ। ଭାରତର ଯୁବଶକ୍ତି ହିଁ ଏ ଦେଶର ଅସଲ ସାହାସର ପ୍ରତୀକ। ଦେଶର ଯୁବଶକ୍ତିଙ୍କୁ କୁଚକ୍ରୀଙ୍କ ଚାଲରେ ଫସିବାକୁ ଦିଆଯିବନି। ଏହା ତାଙ୍କର ସଂକଳ୍ପ। ସରକାରଙ୍କ ପ୍ରାଥମିକତା ଥିଲା, ୨୦ଲକ୍ଷରୁ ଅଧିକ ଛାତ୍ରଛାତ୍ରୀଙ୍କ ପରୀକ୍ଷାକୁ ସୁଚାରୁରୂପେ ସଞ୍ଚାଳନ କରିବା।
ଛାତ୍ରଛାତ୍ରୀଙ୍କ ଉପରେ ପୁଲିସର ବର୍ବରତା ପ୍ରତିବାଦରେ ଏହାକୁ କଳାଦିବସ ଭାବେ ପାଳିଛି ବିରୋଧୀ। ଛାତ୍ରଛାତ୍ରୀଙ୍କ ସମସ୍ୟାର ସମାଧାନ ନୁହେଁ, ବରଂ ନିଜ ରାଜନୈତିକ ଫାଏଦାରେ ଲାଗିଛନ୍ତି ରାହୁଲ। ମୋଦି ସରକାର ସ୍ୱଛତା, ସଂସ୍କାର ଓ ନ୍ୟାୟ ଦେବାକୁ ସମ୍ପୂର୍ଣ୍ଣ ସଂକଳ୍ପବଦ୍ଧ। ସେପଟେ ଓଡ଼ିଶାରେ ବି ଏ ତାତିର ପ୍ରତିଫଳନ ପଡ଼ିଛି। ଧର୍ମେନ୍ଦ୍ରଙ୍କ ଇସ୍ତଫା ଦାବି କରିଛନ୍ତି ନବୀନ
ଛାତ୍ରଙ୍କ ଦେହରୁ ବହିଥିବା ରକ୍ତର ହିସାବ ମାଗିବାକୁ ଆସିଛୁ ବୋଲି କହିଛନ୍ତି ବିରୋଧୀ। ମୋଦି ସରକାରଙ୍କୁ ଜବାବଦେହୀ ହେବାକୁ ପଡ଼ିବ। ସଂସଦରେ ଚର୍ଚ୍ଚାରୁ ପଳାୟନପଂଥୀ ସାଜିପାରିବେନି ସରକାର। ପ୍ରଧାନମନ୍ତ୍ରୀଙ୍କ ସରକାରୀ ବାସଭବନ ୭, ଲୋକ କଲ୍ୟାଣ ମାର୍ଗ ବାହାରେ ଧାରଣା ଦେଇ ବିକ୍ଷୋଭ କରିଥିଲେ।
