RIVER

  • କୁଆଖାଇ ନଦୀରେ ବୁଡି ୪ ଛାତ୍ର ମୃତ

    ଭୋଜି କରିବାକୁ ଯାଇଥିବା ବେଳେ କୁଆଖାଇ ନଦୀରେ ବୁଡି ୪ ଛାତ୍ର ମୃତ । ଏଭଳି ଅଘଟଣ ଘଟିଛି ବାଲିଅନ୍ତା ଥାନା ନିକଟ ବଇଁଚୁଆ ଧବଳାହାର ନିକଟରେ । ଗତକାଲି ଅପରାହ୍ଣରେ ୪ ଜଣ ଛାତ୍ର ନଦୀରେ ବୁଡି ଯାଇଥିଲେ । ସେମାନଙ୍କ ମଧ୍ୟରୁ ୨ ଛାତ୍ରଙ୍କ ମୃତଦେହ ଗତକାଲି ଉଦ୍ଧାର କରାଯାଇଥିବା ବେଳେ ଆଜି ସକାଳୁ ୨ ଛାତ୍ରଙ୍କ ମୃତଦେହ ଦମକଳ ବାହିନୀ ଉଦ୍ଧାର କରିଛି । ମୃତ ଛାତ୍ରମାନେ ହେଲେ ଝାଡ଼ଖଣ୍ଡ ଜାମ୍ସେଦପୁରର ଆରିଆନ୍ ମିଶ୍ର(୨୫) ଓ କଟକର କୁମାର ଅବିନାଶ, ବାଲେଶ୍ବରର ରୋହିତ ପରିଡ଼ା(୨୪) ଏବଂ କଟକ ବାଲିକୁଦାର ପ୍ରତୀକ ଧଳସାମନ୍ତ(୨୩) । ଭାଗ୍ୟବଶତଃ ସେମାନଙ୍କ ମଧ୍ରୁ ଜଣେ ବଞ୍ଚିଯାଇଛନ୍ତି ।

    ସ୍ଥାନୀୟ ଲୋକଙ୍କ କହିବା ଅନୁସାରେ ଗତକାଲି ଅଟଳାସ୍ଥିତ ଏକ ଘରୋଇ ଶିକ୍ଷାନୁଷ୍ଠାନର ୯ ଜଣ ଛାତ୍ର ଧବଳାହାର ନିକଟସ୍ଥ ନଦୀପଠା ଜଙ୍ଗଲ ଭିତରେ ଭୋଜି କରୁଥିଲେ । ଭୋଜି ସରିବା ପରେ ସେମାନଙ୍କ ମଧ୍ୟରୁ ୪ ଛାତ୍ର କଲେଜକୁ ଫେରିଯାଇଥିଲେ ଓ ଅନ୍ୟ ୫ ଜଣ କୁଆଖାଇ ନଦୀରେ ଗାଧୋଇବାକୁ ରହି ଯାଇଥିଲେ । ତେବେ ନଦୀର ଗଭୀରତା ଅଧିକ ଥବବା ସେମାନେ ଜାଣିପାରିନଥିଲେ । ଫଳରେ ଅସାବଧାନତାବଶତଃ ଆଗପଛ ହୋଇ ପାଣିକୁ ଯିବା ବେଳେ ଗଭୀର ଜଳ ଗଣ୍ଡରେ ପଡିଯାଇଥିଲେ । ସେମାନେ ପହଁରା ଜାଣିନଥିବାରୁ ପାଣିର ପ୍ରଖର ସ୍ରୋତରେ ଭାସି ଯାଇଥିଲେ । ସେମାନେ ବୁଡି ଯାଉଥିବାର ଦେଖି ଜଣେ ଛାତ୍ର ଚିତ୍କାର କରି ଡାକିବାରୁ ନିକଟରେ ନଦୀରେ ମାଛ ଧରୁଥିବା କିଛି ଲୋକ ଧାଇଁ ଆସି ଖୋଜା ଖୋଜି କରି ୨ ଛାତ୍ରଙ୍କୁ ପାଣିରୁ କାଢି ଆଣିଥିଲେ ମଧ୍ୟ ସେମାନଙ୍କ ମୃତ୍ୟୁ ହୋଇସାରିଥିଲା ।

    ପରେ କିଛି ସ୍ଥାନୀୟ ଯୁବକ ମାଛ ଧରାଳିଙ୍କ ସହ ମିଶି ଅନ୍ୟ ୨ ଜଣଙ୍କୁ ଖୋଜା ଖୋଜି କରିଥିଲେ ମଧ୍ୟ ସେମାନଙ୍କୁ ପାଇନଥିଲେ । ଖବର ପାଇ ବାଲିଅନ୍ତା ଅଗ୍ନିଶମ ବାହିନୀ ଓ ପୁଲିସ ସେଠାରେ ପହଞ୍ଚିଥିଲେ। ଅଗ୍ନିଶମ ବାହିନୀ ପ୍ରାୟ ୨ ଘଣ୍ଟା କାଳ ଖୋଜିଥିଲେ ବି ନିଖୋଜ ଛାତ୍ରଦ୍ବୟଙ୍କ ପତ୍ତା ମିଳିନଥିଲା। ଆଜି ସକାଳୁ ଦମକଳ ବାହିନୀ ଦୁଇ ଛାତ୍ରଙ୍କ ମୃତଦେହ ନଦୀରୁ ଉଦ୍ଧାର କରିଥିଲେ ।

  • ଜଳ ଭଣ୍ଡାରରେ ଖୋଲଲା ତିନୋଟି ଗେଟ

    ଗଞ୍ଜାମ: ଗଞ୍ଜାମ ପାତ୍ରପୁର ବ୍ଲକ ବାଘଲଟି ଜଳ ଭଣ୍ଡାରରୁ ତିନୋଟି ଗେଟ ଖୋଲାଯାଇଛି।  ଜଳ ନିଷ୍କାସନ କରିବା ଦ୍ୱାରା ବାହୁଦା ନଦୀରେ ଜଳ ପ୍ରଭାବିତ ହେଉଛି। ବାହୁଦା ନଦୀର ଅଧିକ ଜଳ ପ୍ରଭାବିତ ହେବା ଫଳରେ ଚିକିଟି ବ୍ଲକ ଚାନ୍ଦପୁର ଗାଁର ଜଣେ ବୃଦ୍ଧା ନଦୀରେ  ଭାସି ଯାଇଥିବା ଅନୁମାନ କରାଯାଉଛି। ସେଇଭଳି ଲଘୁଚାପ ବର୍ଷା ଫଳରେ ପାତ୍ରପୁର ଅଞ୍ଚଳରେ ତିନୋଟି ଘର ଭାଙ୍ଗିଯାଇଛି। ପାତ୍ରପୁର ଏବଂ ଗଜପତି ଅଞ୍ଚଳରୁ ଦିଗପହଣ୍ଡି ଅଞ୍ଚଳକୁ ସଂଯୋଗ ପଥରେ ଥିବା ବାତରଡା ନାଳରେ ବନ୍ୟା ଜଳ ଆସି ରାସ୍ତାରେ ଯାତାୟାତ ବ୍ୟାଘାତ। ଭ୍ରମରପୁର ଗ୍ରାମ ପାର୍ଶ୍ୱରେ ଥିବା ବାତରଡା ପୋଲ ନିକଟରେ ବନ୍ୟା ଜଳ ଗ୍ରାମକୁ ସଂଯୋଗ ପଥର ମାଟିଧୋଇ ଦେବା ଫଳରେ ଯାତାୟାତ ସମସ୍ୟା ଉପୁଜିଛି।

  • ବିପଦ ସଙ୍କେତ ଉପରେ ବୈତରଣୀ

    ଭଦ୍ରକ: ଉପର ମୁଣ୍ଡର ବର୍ଷା ପାଇଁ ବିପଦ ସଂକେତ ଉପରେ ପ୍ରବାହିତ ହେଉଛି ବୈତରଣୀ ନଦୀର ଜଳସ୍ତର।  ଆଖୁଆପଦା ଆନିକଟ ଠାରେ ବିପଦ ସଂକେତ 17.83 ମିଟର ରହିଥିବା ବେଳେ ସକାଳ 7 ସୁଦ୍ଧା ଜଳସ୍ତର 18.85 ମିଟର ବନ୍ୟାଜଳ ପ୍ରବାହିତ ହେଉଛି। ସେହିପରି ସାଳନ୍ଦୀ ନଦୀ ରେ ମଧ୍ୟ ଜଳସ୍ତର ବଢିଛି। ବୈତରଣୀ ଓ ସାଳନ୍ଦୀ ନଦୀର ଶାଖା ନଦୀ ରେବ, କପାଳୀ, ଗେଙ୍ଗୁଟି, କୋଚିଳା, ଯଅ ଆଦି ନଦୀର ଜଳସ୍ତର ବଢିଛି ଭଦ୍ରକ ଜିଲ୍ଲାର ଧାମନଗର, ଭଣ୍ଡାରିପୋଖରୀ, ତିହିଡି ଓ ଚାନ୍ଦବାଲି ବ୍ଲକର ତଳିଆ ଅଞ୍ଚଳ ପ୍ରଭାବିତ ହେବ।  ତେବେ ପୂର୍ବ ବନ୍ୟାର ପାଣି ସମ୍ପୂର୍ଣ ନିଷ୍କାସିତ ହୋଇନଥିବା ବେଳେ ଏବେ ପୁଣି ବୈତରଣୀରେ ବନ୍ୟା ସଙ୍ଗିନ ପରିସ୍ଥିତି ସୃଷ୍ଟି କରିଛି। ତେବେ ଜିଲ୍ଲାରେ ବନ୍ୟା ପରିସ୍ଥିତିକୁ ଦେଖି ଦୁଇଟି ଓଡ୍ରାଫ ଟିମ୍, ଦୁଇଟି ଏଣ୍ଡିଆରଏଫ ଟିମ୍ ଓ 8 ଟି ଅଗ୍ନିଶମ ବାହିନୀ ମୃତୟନ ଥିବା ବେଳେ ରେଶକ୍ୟୁ ଟିମକୁ ଭଦ୍ରକ ପଠାଯାଇଛି।

  • ଛାତିଏ ପାଣିରେ ବୁହା ହେଲା ଶବ

    ନବରଙ୍ଗପୁର: ସାରା ରାଜ୍ୟରେ ଏବେ ବନ୍ୟା ପରିସ୍ଥିତି ଉପୁଜିଛି। ଲଗାଣ ବର୍ଷା ଓ ବନ୍ୟାରେ ଲୋକେ ନାହି ନଥିବା ଅସୁହିଧାର ସମ୍ମୁଖୀନ ହେଉଛନ୍ତି। ଏହାରି ମଧ୍ୟରେ ଶବ ସତ୍କାର କରିବା ପାଇଁ ନାଳ ଭିତରେ ଛାତିଏ ପାଣିରେ ପଶି କୋକେଇ ବୋହିଛନ୍ତି ପରିବାର ଲୋକେ। ଏଭଳି ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ୍ ଅନକାବେଡା ପଞ୍ଚାୟତର ଚକାମାଳ ଗାଁରେ। ନାଳ ଉପରେ ଉଚ୍ଚ ପୋଲ କିମ୍ବା ମଶାଣି ଯିବାକୁ ରାସ୍ତା ନଥିବାରୁ ଏଭଳି ଦୁର୍ଦ୍ଦଶା ଭୋଗୁଛନ୍ତି ଅଞ୍ଚଳର ଲୋକେ। ଚକାମାଳ ଗାଁ ହରିଜନ ସାହିର ମଣିରାମ ସୁନାନୀ  ବହୁ ଦିନରୁ ରୋଗରେ ପୀଡିତ ହୋଇ ଶେଷରେ ଆଖି ବୁଜି ଦେଇଥିଲେ। ଶବ ସତ୍କାର କରିବା ଲାଗି ଚିନ୍ତାରେ ପଡିଥିଲେ ପରିବାର ଏବଂ ପଡୋଶୀ।

  • ହନ୍ତସନ୍ତ ହେଉଛନ୍ତି ବନ୍ୟା ବିପନ୍ନା

    କେନ୍ଦୁଝର:  ଉପର ମୁଣ୍ଡରେବର୍ଷା ଯୋଗୁ ବଢୁଛି ବୈତରଣୀ ନଦୀ ଜଳସ୍ତର। ଯାହାକୁ ନେଇ ତଳିଆ ଅଞ୍ଚଳ ଲୋକ ଆତଙ୍କିତ ହୋଇପଡିଛନ୍ତି। ତେବେ ଆନନ୍ଦପୁର ଉପଖଣ୍ଡରେ ଗାଁ ଭିତରେ ବନ୍ୟା ଜଳ ପ୍ରବେଶ କରିବା ସହ ଟୁକୁଣା ଶିବ ମନ୍ଦିର ମଧ୍ୟ ପାଣିରେ ବୁଡି ଯାଇଛି । ସେହିପରି ଘଷିପୁରା ବ୍ଲକ ସାଳଦେଇ,ନପଗାଁ,ବେଲଦା ଗ୍ରାମ ପାଣି ଘେରରେ ଅଛନ୍ତି। ଅନ୍ୟପଟେ ପ୍ରଶାସନିକ ସ୍ତରରେ ମୁକାବିଲା ପାଇଁ ପ୍ରସ୍ତୁତ ଥିବା କହିଛନ୍ତି ଉପଜିଲ୍ଲପାଳ। ସେପଟେ ବୈତରଣୀର ଶାଖା କାଣୀ ନଦୀର ବ୍ରହ୍ମଚାରୀପାଟଣାରେ ପୁଣି ଘାଇ। ମରାମତି ହୋଇଥିବା ଘାଇର ୧୦ ଫୁଟ ଲମ୍ବର ଅସ୍ଥାୟୀ ବନ୍ଧ ବନ୍ୟାଜଳ ରେ ଭାସିଗଲା। ଘାଇ ଯୋଗୁଁ ବ୍ୟାପକ ଅଂଚଳ ହେଲା ଜଳମଗ୍ନ।

  • କୁଶଭଦ୍ରା ନଦୀରେ ଘାଇ

    କୁଶଭଦ୍ରାରେ ଘାଇ ପରେ ଗୋପ୍ ଓ କଣାସ ବ୍ଲକରେ ବ୍ୟାପକ କ୍ଷତି ହୋଇଛି। କୁଶଭଦ୍ରା ନଦୀର ଖଣ୍ଡିଆକୁଦରେ ଘାଇ ହେବା ଫଳରେ ପ୍ରଶାସନକୁ ଚିନ୍ତା ଘାରିଛି। ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ ଓ ପୁରୀ ଜିଲ୍ଲାପାଳ, ଏସପି ପ୍ରମୁଖ ଘଟଣାସ୍ଥଳ ପରିଦର୍ଶନ କରିଛନ୍ତି। ବିପନ୍ନଙ୍କ ପାଖରେ ଶୁଖିଲା ଖାଦ୍ୟରୁ ନେଇ ପିଇବା ପାଣି କିଭଳି ପହଞ୍ଚିବ, ତା ଉପରେ ଜୋର୍ ଦେଇଛନ୍ତି।

    କୁଶଭଦ୍ରା ନଦୀରେ ଘାଇ। ବେଦପୁର, ନାଗପୁର, ଗଣେଶ୍ୱରପୁର, ଅନ୍ଧରା, ଇଛାପୁର, ରାହାଙ୍ଗଗୋରଡ଼ା ଓ ଡଭାର ଆଦି ୭ ଖଣ୍ଡ ପଞ୍ଚାୟତ ଲୋକେ ଏବେ ଜଳବନ୍ଦୀ। ବାହ୍ୟ ଜଗତରୁ ଏକରକମ ବିଛିନ୍ନ ହୋଇଯାଇଛନ୍ତି। ଘରଦ୍ୱାର ଛାଡ଼ି ବିପନ୍ନ ନଦୀବନ୍ଧରେ ଆଶ୍ରୟ ନେଇଛନ୍ତି। ଜଳମଗ୍ନ ପଞ୍ଚାୟତବାସୀଙ୍କ ପାଖରେ କିଭଳି ଖାଦ୍ୟରୁ ନେଇ ପାନୀୟଜଳ ପହଞ୍ଚିବ। କାରଣ ବିପନ୍ନଙ୍କ ପାଖରେ ପିଇବା ପାଣି ପହଞ୍ଚିନଥିବାରୁ ଡହଳବିକଳ ହେଉଥିବା ପ୍ରଶାସନର ନଜରକୁ ଆସିଛି। ସେମାନଙ୍କୁ କିଭଳି ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯିବ, ତାକୁ ନେଇ ଘଟଣାସ୍ଥଳରେ ସ୍ଥିତି ଅନୁଧ୍ୟାନ କରିଛନ୍ତି ମନ୍ତ୍ରୀ ସମୀର ରଞ୍ଜନ ଦାସ। ସାଙ୍ଗରେ ଜିଲ୍ଲାପାଳ, ଏସପି ଓ ପ୍ରଶାସନିକ ଅଧିକାରୀ ବି ଯାଇ ସ୍ଥିତି ପରଖିଛନ୍ତି।

    ବନ୍ୟା ପାଣି କମିଲେ ଘାଇ ମରାମତି ଦିଗରେ ଆବଶ୍ୟକୀୟ ପଦକ୍ଷେପ ନିଆଯିବ। ୭ଟି ପଞ୍ଚାୟତର ପ୍ରାୟ ୫୦ହଜାରରୁ ବେଶୀ ଲୋକ ଏବେ ପ୍ରଭାବିତ ହୋଇଛନ୍ତି। ନଦୀରେ ଥିବା କଲଭର୍ଟଗୁଡ଼ିକ ମରାମତି ହୋଇନଥିବାରୁ ଏଭଳି ବିପଦ ମାଡ଼ିଆସିଛି ବୋଲି ବିପନ୍ନ ଅଭିଯୋଗ କରିଛନ୍ତି। କୁଶଭଦ୍ରା ନଦୀବନ୍ଧ ସୁଦୃଢ଼ କରିବାକୁ କୋଟି କୋଟି ଟଙ୍କା ଖର୍ଚ୍ଚ ହେଉଛି। ହେଲେ ଲୋକେ ତଥାପି ଜଳବନ୍ଦୀ।

    କୁଶଭଦ୍ରାରେ ଘାଇ ଲାଗି ଗୋପ ଓ କଣାସ ଅଞ୍ଚଳ ବିଶେଷ ପ୍ରଭାବିତ ହୋଇଛି। ବିପନ୍ନଙ୍କ ଦୁର୍ଦ୍ଦଶା ବଢିଚାଲିଥିଲା ବେଳେ ଆଗକୁ ଆସୁଛି ଆଉ ଏକ ଲଘୁଚାପ। ଏହା ଆଗରୁ କିଭଳି ବିପନ୍ନଙ୍କ ପାଖରେ ସମସ୍ତ ମୌଳିକ ସୁବିଧା ପ୍ରଶାସନ ପହଞ୍ଚାଇବ, ତାହା ହିଁ ବଡ଼ ଟାସ୍କ।

  • ମହାନଦୀରେ ବଢୁଛି ଜଳସ୍ତର

    ରାଜ୍ୟରେ ଲଗାଣ ବର୍ଷା ପାଇଁ ବନ୍ୟା ପରିସ୍ଥିତିର ଆଶଙ୍କା କରାଯାଉଛି l ଇତିମଧ୍ୟରେ ମହାନଦୀର ଜଳସ୍ତର ବଢ଼ିବାରେ ଲାଗିଛି । ପୂର୍ଵାହ୍ନ ୧୧ଟା ସୁଦ୍ଧା ମୁଣ୍ଡଳୀ ନିକଟରେ ମହାନଦୀରେ ସେକେଣ୍ଡ ପ୍ରତି ୫ଲକ୍ଷ ୭୮ହଜାର ୧୭୦ ଘନଫୁଟ ଜଳ ପ୍ରଵାହିତ ହେଉଛି। ୧୦ଟା ଵେଳେ ମୁଣ୍ଡଳୀ ଦେଇ ୫ଲକ୍ଷ ୬୮ହଜାର ୭୮୦ ଘନଫୁଟ ଜଳ ପ୍ରଵାହିତ ହେଉଥିଲା।

    ସେହିପରି ପ୍ରତି ଘଣ୍ଟାରେ ମୁଣ୍ଡଳୀ ନିକଟରେ ମହାନଦୀରେ ପ୍ରାୟ ୧୦ ହଜାର ଘନଫୁଟ ଵନ୍ୟାଜଳ ଵୃଦ୍ଧି ପାଉଛି। ଏବେ ଖଇରମାଳରେ ସେକେଣ୍ଡ ପ୍ରତି ୯ଲକ୍ଷ ୧୦ହଜାର ଘନଫୁଟ ଵନ୍ୟାଜଳ ପ୍ରଵାହିତ ହେଉଛି। ଏହି ଵନ୍ୟାଜଳ ମୁଣ୍ଡଳୀ ନିକଟରେ ପହଞ୍ଚିବା ପାଇଁ ୧୨ଘଣ୍ଟା ସମୟ ଲାଗିଵ। ତେଣୁ ରାତି ୧୦ଟା ଵେଳକୁ ମୁଣ୍ଡଳୀରେ ପ୍ରାୟ ୧୦ଲକ୍ଷ ଘନଫୁଟ ଜଳ ପ୍ରଵାହିତ ହେଵାର ଆକଳନ କରାଯାଉଛି। ମୁଣ୍ଡଳୀ ନିକଟରେ ମହାନଦୀର ଜଳସ୍ତର ୮୬ ଦଶମିକ ୬୦ଫୁଟ ଥିବା ଵେଳେ ଏଠାରେ ବିପଦ ସଙ୍କେତ ହେଉଛି ୯୭ଫୁଟ। ସେହିଭଳି ନରାଜ ନିକଟରେ କାଠଯୋଡିରେ ସେକେଣ୍ଡ ପ୍ରତି ୨ଲକ୍ଷ ୭୦ହଜାର ଘନଫୁଟ ଜଳ ପ୍ରଵାହିତ ହେଉଛି।

    • ଅଭିଷେକ ପୁରୋହିତଙ୍କ ରିପୋର୍ଟ
  • ଗଙ୍ଗା ନଦୀରେ ଭାସିଗଲେ କାଉଡିଆ

    ଉତ୍ତରାଖଣ୍ଡ: ଉତ୍ତରପ୍ରେଦେଶ ଦ୍ୱାରିକାରେ ଅଭାବନୀୟ ଘଟଣା। ଗଙ୍ଗା ନଦୀରେ ପ୍ରଖର ସ୍ରୋତ ଥିବାରୁ ଭାସିଗଲେ କାଉଡିଆ। ପାଣି ଉଠାଇବା ବେଳେ ଅଘଟଣ। ୭ କାଉଡିଆ ଭାସି ଯାଇଥିଲେ। ଘଟଣା ସ୍ଥଳେର ସୋନା ଓ ପୋଲିସ ସାହାର୍ଯ୍ୟରେ କାଉଡିଆମାନଙ୍କୁ ଉଦ୍ଧାର କରାଯାଇଛି। ସୂଚନା ଅନୁଯାୟୀ, ଶ୍ରାବଣ ମାସ ଯୋଗୁଁ ବହୁ ଲୋକେ ବୋଲବୋମ ଯାଉଛନ୍ତି। ତେବେ ଉତ୍ତରପ୍ରଦେଶର ହରିଦ୍ୱାରରେ ବୋଲବୋମ ଯାତ୍ରା ପାଇଁ ଗଙ୍ଗାନଦୀ କୂଳରେ ଗହଳି ଲାଗିଛି।

    ଦେଶରେ ଲଘୁଚାପ ବର୍ଷା ହୋଇଥିବା ଯୋଗୁଁ, ଗଙ୍ଗାନଦୀରେ ପ୍ରଖର ସ୍ରୋତ ସୃଷ୍ଟି ହୋଇଛି। ତେବେ ଗୁରୁବାର ଗଙ୍ଗାନଦୀରେ ଏକ ଅଘଟଣ ଘଟିଥିଲା। ଯେଉଁଥିରେ ୭ ଜଣ କାଉଡିଆ ପାଣି ଉଠାଉଥିବା ସମୟରେ ଭାସିଯାଇଥିଲେ। ଯାହାର ଭିଡିଓ ଏବେ ଭାଇରାଲ ହେଉଛି। ଘଟଣା ସ୍ଥଳରେ ପୋଲିସ ଓ ଓଡ୍ରାଫ ଟିମ ଯାଇ ତାଙ୍କୁ ସୁରକ୍ଷିତ ଉଦ୍ଧାର କରିଥିଲେ।

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
  • ନର୍ମଦା ନଦୀରେ ଖସିଲା ବସ୍,,,୧୨ ମୃତ ୧୫ ଆହତ

    ମଧ୍ୟପ୍ରଦେଶରେ ବସ୍ ଦୁର୍ଘଟଣା । ଏକ ଯାତ୍ରୀବାହୀ ବସ୍ ଧାର୍ ଜିଲ୍ଲାର ନର୍ମଦା ନଦୀରେ ଖସି ପଡିଥିବା ସୂଚନା ମିଳିଥିବାବେଳେ ଏହି ଦୁର୍ଘଟଣାରେ 15 ଜଣଙ୍କୁ ଉଦ୍ଧାର କରାଯାଇ ଏପର୍ଯ୍ୟନ୍ତ 12 ଟି ମୃତଦେହ ଉଦ୍ଧାର କରାଯାଇଛି। ଏହି ଘଟଣାରେ ରାଜ୍ୟର ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି ଯେ ସମସ୍ତଙ୍କୁ ସୁରକ୍ଷିତ ରଖିବା ପାଇଁ ସେ ଭଗବାନଙ୍କ ନିକଟରେ ପ୍ରାର୍ଥନା କରୁଛନ୍ତି। ସେ ଟ୍ୱିଟ୍ କରି କହିଛନ୍ତି ବସ୍ ଖସିଯିବା ନେଇ ଦୁଃଖ ପ୍ରକାଶ କରିଛନ୍ତି । ମୁଁ ସରକାର ଏବଂ ପ୍ରଶାସନକୁ ଦାବି କରୁଛି ଯେ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ କରି ଲୋକଙ୍କୁ ରିଲିଫ ଯୋଗାଇବା କାର୍ଯ୍ୟ କରାଯାଉ l

  • ଗୁଜୁରାଟରେ ବନ୍ୟା ବିଭୀଷିକା

    ଗୁଜୁରାଟରେ ବନ୍ୟା ବିଭୀଷିକା । ରାସ୍ତାରେ ପାଣି, ଘର ଭିତରେ ଛାତି ଉଚ୍ଚାର ପାଣି । ଜଲବନ୍ଧୀ ଶହ ଶହ ଲୋକ । ଲୋକମାନେ ଭୋକ ଉପାସରେ ଅନ୍ଧାର ଭିତରେ ଫଶି ରହିଥିବା ବେଳେ ଲୋକ ସାହାର୍ଯ୍ୟ ଅପେକ୍ଷାରେ ଦିନ ପରେ ଦିନ କାଟୁଛନ୍ତି । ଲଘାଣ ବର୍ଷା ଫଳରେ ସ୍ଥିତି ଏମିତି ହେବ କେହି କେବେ ବିଶ୍ବାସ କରିନଥିଲେ । ପ୍ରକୃତି ଆଗରେ ସମସ୍ତେ ସମାନ । ବର୍ଷା ଜଳରେ ଭାସୁଛି ଗୁଜୁରାଟ । ରାଜ୍ୟର କିଛି ସ୍ଥାନରେ ବର୍ଷା ଜାରି ରହିଥିବା ବେଳେ କିଛି ସ୍ଥାନରେ ବର୍ଷା କମିଛି । ବର୍ଷା ଛାଡିଛି କିନ୍ତୁ ଦୁର୍ଦ୍ଦଶା ବଢିଛି । କେତେକ ସ୍ଥାନରେ ପାଣି ଆଉ ପାଣି । ଘର ଠାରୁ ଆରମ୍ଭ କରି ମନ୍ଦିର ମସଜିଦ ସବୁ କିଛି ପାଣିରେ ବୁଡି ରହିଛି । ଲଗାତାର ବର୍ଷା ଯୋଗୁଁ ରାଜ୍ୟର ବିଭିନ୍ନ ଜିଲ୍ଲା ଜଳମଗ୍ନ ରହିଛି । ଅମ୍ଭିକା ଓ କାବେରୀ ନଦୀରେ ଏବେ ଜଳସ୍ତର ବଢିଛି ।

    ଆସନ୍ତା ୫ ଦିନ ଯାଏଁ ବର୍ଷା ଜାରି ରହିବ ବୋଲି ପାଣିପାଗ ବିଭାଗ ପୁର୍ବନୁମାନ କରିଛି । ଲୋକ ସୁରକ୍ଷିତ ରହିବା ଲାଗି ଘର ଛାତ ଉପରେ ଲୋକ ମାନେ ସାହାରା ନେଇଛନ୍ତି । ସେପଟେ ମହାରାଷ୍ଟ୍ରର ଅନେକ ସ୍ଥାନରେ ଲଗାଣ ବର୍ଷା ଲାଗି ରହିଛି । ମୁମ୍ଭାଇ ପାଇଁ ଆଲର୍ଟ ଜାରି କରାଯାଇଛି । କିଛି ସ୍ଥାନରେ ଭୁସ୍କଳନ ହେବା ଯୋହୁଁ ଦିନକରେ ୬ ଜଣଙ୍କର ମୃତ୍ୟୁ ହୋଇଛି । ମୁମ୍ଭାଇ ସମୁଦ୍ରରେ ଉଚ୍ଚ ଜୁଆର ଉଠିବା ଯୋଗୁଁ ଆଖପାଖ ସ୍ଥାନକୁ ଖାଲି କରାଯାଇଛି । ସେପଟେ ସମୁଦ୍ର ଭିତରକୁ ଯିବା ପାଇଁ ମତ୍ସ୍ୟଜୀବିଙ୍କୁ ବାରଣ କରାଯାଇଛି । ନାଶିକର ଦୃଶ୍ୟ ଦେଖିଲେ କେହି ନାଶିକ ବୁଲିବା ପାଇଁ ମନ କରିବେ ନାହିଁ । ଜାଣିବା କଷ୍ଟ ହେବ ନାଶିକ ର ଏହା ରାସ୍ତା ନା କେଉଁ ନଦୀ । ଦୋକାନ ବଜାର ଗାଇ ଗୋରୁ ସବୁ କିଛି ପାଣିରେ ଭାସୁଛି ।

    • ସ୍ମରିଜିତ୍ ଆର୍ଯ୍ୟଙ୍କ ରିପୋର୍ଟ
Back to top button