SUICIDE

  • ଶ୍ୱାସରୁଦ୍ଧ ଯୋଗୁଁ ଶୁଭଶ୍ରୀଙ୍କ ମୃତ୍ୟୁ

    ଭୁବନେଶ୍ୱର: ଶୁଭଶ୍ରୀ ମହାପାତ୍ର ମୃତ୍ୟୁ ଘଟଣା। ଜୀବିତ ଅବସ୍ଥାରେ ବେକରେ ଚୁନୀ ଭଳି ସଫ୍ଟ୍ କପଡ଼ାରେ ଶ୍ୱାସରୁଦ୍ଧ ହୋଇ ମୃତ୍ୟୁ ହୋଇଥିବା ପୋଷ୍ଟମର୍ଟମ ରିପୋର୍ଟରେ ସ୍ପଷ୍ଟ ଜଣାପଡ଼ିଛି। ତେବେ ଶୁଭଶ୍ରୀ ଆତ୍ମହତ୍ୟା କରିଥିବା ଜଣାପଡ଼ିଛି। ଏନେଇ କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ ଲକ୍ଷ୍ମୀଧର ସାହୁ ସୂଚନା ଦେଇଛନ୍ତି। ସେପଟେ ଖୁବ ଶୀଘ୍ର ସୁଭଶ୍ରୀଙ୍କ ପୁରୁଷ ବନ୍ଧୁ ଚିତ୍ତରଂଜନ ବନ୍ଧ ହେବା ନେଇ ସୂଚନା। ଆତ୍ମହତ୍ୟା ପାଇଁ ପ୍ରବର୍ତାଇବା ଦଫାରେ ଚିତ୍ତରଞ୍ଜନଙ୍କୁ ବାନ୍ଧିବା ନେଇ ବିଶେଷ ସୂତ୍ରରୁ ସୂଚନା ମିଳିଛି । ଖୁବଶୀଘ୍ର ଚିତ୍ତରଞ୍ଜନଙ୍କୁ ନେଇ ସ୍ପଷ୍ଟ ଭେରୀଫିକେଶନ ମଧ୍ୟ କରାଯିବ । କାହିଁକି ମର୍ତ୍ୟୁ ହେଲା ତାର ପରଦାଫାସ କରିବ କମିଶନରେଟ ପୋଲିସ। ମଧ୍ୟାହ୍ନରେ ଭୁବନେଶ୍ୱର ଡିସିପି କରିପାରନ୍ତି ପ୍ରେସମିଟ ।

  • ପ୍ରେମୀଯୁଗଳଙ୍କ ଆତ୍ମହତ୍ୟା

    ବରଗଡ କୁଣ୍ଢେଇଗୋଳା ଥାନା ଆଉଁଳି ଗ୍ରାମରେ ଅଘଟଣ । ଗଛରେ ରଶି ଲଗାଇ ପ୍ରେମୀଯୁଗଳ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଗତକାଲି ଉଭୟ ପ୍ରେମୀଯୁଗଳ ଘରୁ ଫେରାର ହୋଇଯାଇଥିଲେ । ତେବେ ମୃତ ପ୍ରେମିକ ଆଉଁଳି ଗ୍ରାମର ଆଲୋକ ବେହେରା ହୋଇଥିବା ବେଳେ ପ୍ରେମିକା ଅନୁଗୁଳ ଜିଲ୍ଲା ବଡଗୁଣ୍ଡୁରି ଗ୍ରାମର ହୋଇଥିବା ସୂଚନା ମିଳିଛି । ତେବେ ପ୍ରେମୀଯୁଗଳ କେଉଁ କାରଣରୁ ଆତ୍ମହତ୍ୟା କଲେ ତାହା ଜଣାପଡ଼ିନଥିବା ବେଳେ ଖବର ପାଇ କୁଣ୍ଢେଇଗୋଳା ଥାନା ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।

  • ପତ୍ନୀ ଓ ପୁଅକୁ କାର ସହ ନିଆଁ ଲଗାଇବା ପରେ ଆତ୍ମହତ୍ୟା କଲେ ବ୍ୟବସାୟୀ

    ନାଗପୁରରେ ଘଟିଛି ହୃଦୟ ବିଦାରକ ଘଟଣା । କାରରେ ବସିଥିବା ପତ୍ନୀ ଓ ପୁଅକୁ କାର ସହ ନିଆଁ ଲଗାଇ ଦେବା ପରେ ନିଜ ଦେହରେ ପେଟ୍ରୋଲ ଢାଳି ଆତ୍ମହତ୍ୟା କରିଛନ୍ତି ବ୍ୟବସାୟୀ । ପୋଲିସର ପ୍ରଥାମିକ ସୁଚନା ଆଧାରରେ ନାଗପୁର ଜୟତାଲାରେ ରହୁଥିବା ବ୍ୟବସାୟୀ ରାମରାଜ ଭଟ୍ଟ ମଙ୍ଗଳବାର ଅପରାହ୍ମରେ ବୁଲିବାକୁ ଯିବା କଥା କହି ପୁଅ ଓ ସ୍ତ୍ରୀ କୁ ଧରି ଘରୁ ବାହାରିଥିଲେ । ହେଲେ ବାଟରେ କାର ରଖି ଆଣ୍ଟାସିଡ ନାଁ କହି ବିଷ ପିଇବାକୁ କହିଥିଲେ । ହେଲେ ବିନା କାରଣରେ ଆଣ୍ଟାସିଡ ପିଇବାକୁ ମନା କରିଦେଇଥିଲେ ପତ୍ନୀ ଓ ପୁଅ ।

    ଫଳରେ ଡିକିରେ ରଖିଥିବା ପେଟ୍ରୋଲ ଆଣି କାର ଉପରେ ଢାଲି ଦେଇଥିଲେ ଓ ନିଆଁ ଲଗେଇ ଦେଇଥିଲେ । ପରେ ପରେ ନିଜ ଦେହରେ ମଧ୍ୟ୍ୟ ପେଟ୍ରୋଲ ଚିଞ୍ଚି ଆତ୍ମହତ୍ୟା କରିଥିଲେ । ଫଳରେ ଘଟଣା ସ୍ଥଳରେ ବ୍ୟବସାୟୀ ରାମରାଜଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ପୁଅ ଓ ପତ୍ନୀ ଗୁରୁତର ଅଛନ୍ତି । ଦୁହେଁ ଜୀବନ ମରଣ ସହ ସଂଗ୍ରାମ କରୁଛନ୍ତି । ବ୍ୟବସାୟରେ କ୍ଷତି ଯୋଗୁଁ ରାମରାଜ ଏପରି କରିଥିବା କୁହାଯାଉଛି । ପୋଲିସ ସୁଚନା ଅନୁସାରେ ରାମରାଜଙ୍କର ଏକ ନଟବୋଲ୍ଟ ଫ୍ୟାକ୍ଟ୍ରି ଥିଲା ।

    ସେ ବିଭିନ୍ନ କମ୍ପାନୀକୁ ସପ୍ଲାୟ କରୁଥିଲେ । କରୋନା ପର ଠାରୁ ବ୍ୟବସାୟ ମାନ୍ଦା ପଡିଥିଲା । ପୁଅ ନନ୍ଦନ ଭଟ୍ଟ ଜଣେ ଇଂଜିନିୟର ଥିଲେ କରୋନା ସମୟରେ ସେ ଚାକିରୀ ହରାଇଥିଲେ । ଫଳରେ ପରିବାରରେ ଆର୍ତିକ ଅନାଟନ କାରଣରୁ ଅସାନ୍ତି ଲାଗି ରହିଥିଲା । ଯାହା ଫଳରେ ଏପରି ହେଲା । ବ୍ୟବସାୟୀଙ୍କ ଘରୁ ପୋଲିସ ଏକ ସୁଇସାଇଡ ନୋଟ ମଧ୍ୟ୍ୟ ଜବତ ହୋଇଛି ବ୍ୟବସାୟୀଙ୍କ ମାନସିକ ଅବସାଦ ର ପ୍ରମାଣ ମିଳିଛି । ଆତ୍ମହତ୍ୟା କରିବାକୁ ଚାହୁଁଥିବାରୁ ସୁଇସାଇଡ ନୋଟରେ ଉଲ୍ଲେଖ କରାଯାଇଛି l

    • ସ୍ମରଜିତ ଆର୍ଯ୍ୟଙ୍କ ରିପୋର୍ଟ
  • ପୁଅ ପରେ ବାପାର ଆତ୍ମହତ୍ୟା

    ପୁଅ ପରେ ବାପାର ଆତ୍ମହତ୍ୟା। ପୁଅର ମୃତ୍ୟୁ ସହ୍ୟ କରିନପାରି ଫାଶୀ ଲଗାଇ ଜୀବନ ହାରିଲା ବାପା। ଏଭଳି ଲୋମଟାଙ୍କୁରା ଦୃଶ୍ୟ ଦେଖିବାକୁ ମିଳିଛି ରାଜସ୍ଥାନ ଉଦୟପୁରରେ । ଗୁଜୁରାଟରୁ ଡ୍ୟୁଟି ସାରି ଗାଁକୁ ଫେରି ବହୁ ଜୋରରେ କାନ୍ଦିବାକୁ ଲାଗିଲା ପୁଅ। ମୃତ୍ୟୁ ପୂର୍ବରୁ ନିଜର ଭିଡିଓ କରି ଇନଷ୍ଟାଗ୍ରାମରେ ପୋଷ୍ଟ କରିଥିଲା। ଯାହାର ଭିଡିଓ ଭାଇରାଲ ହୋଇଥିବା ଜଣାପଡିଛି। ଗୁଜୁରାଟ ସୁରଟରେ ଦେବୀ ସିଂ ନାମକ ଜଣେ ଯୁବକ କାମ କରୁଥିବା ବେଳେ, କିଛି ଦିନ ଛୁଟି ନେଇ ନିଜ ଗାଁ ଉଦୟପୁର ଗୋଗୁଣ୍ଡା ଅଞ୍ଚଳକୁ ଜୁଲାଇ ୧୧ ତାରିଖରେ ଆସିଥିଲା। ହେଲେ ଘରକୁ ଯିବା ପରିବର୍ତ୍ତେ ଗାଁ ପୋଖରୀକୁ ଯାଇଥିଲା ଦେବୀ। ସେଠାରେ ସେ ବଟିକା ଖାଇଥିଲେ।

    ଏହାର ଭିଡିଓ କରି ସେ ଇନଷ୍ଟାଗ୍ରାମରେ ପୋଷ୍ଟ କରିଥିଲେ। ଯାହାର ଭିଡିଓ ଭାଇରାଲ ହେବା ସହ ଘଟଣାର ଅଧଘଣ୍ଟା ପରେ ଦେବୀଙ୍କ ବଡଭାଇ ରୂପ ସିଂ ଇନଷ୍ଟାଗ୍ରାମରେ ଦେଖି ତାଙ୍କର ଜଣେ ବନ୍ଧୁଙ୍କୁ କହିଥିଲେ। ରୂପଙ୍କ ସାଙ୍ଗ ଘଟଣାସ୍ଥଳରେ ପହଞ୍ଚି ଆମ୍ୱୁଲାନ୍ସକୁ ଡକାଇ ହସ୍ପିଟାଲ ନେବାବେଳକୁ ଅଧାବାଟରେ ଦେବୀଙ୍କ ମୃତ୍ୟୁ ହୋଇଥିଲା। ମୃତଦେହକୁ ଗାଁକୁ ଅଣାଯାଇ ଶେଷକୃତ୍ୟ ସମ୍ପନ୍ନ କରାଯାଇଥିଲା। ପୁଅର ଏଭଳି ମୃତ୍ୟୁ ଦେଖି ବାପା ଆଶ୍ଚର୍ଯ୍ୟ ହୋଇ ରୀତିନୀତି କରିବା ମାତ୍ରେ ନିଜେ ଫାଶୀ ଦେଇ ଆତ୍ମହତ୍ୟା କରିଥିଲେ। ଦେବୀ ସିଂଙ୍କ ବଡ ଭାଇ ରୂପ ସିଂ ଏନେଇ ଥାନାରେ ମାମଲା ରୁଜୁ କରିଛନ୍ତି। ଏହାସହ ପୋଲିସ ମଧ୍ୟ ଦେବୀଙ୍କ ମୋବାଇଲରୁ ବହୁ ତଥ୍ୟ ବାହାର କରିବା ସହ ପ୍ରେମଜନିତରୁ ଆତ୍ମହତ୍ୟା ହୋଇଥାଇପାରେ ବୋଲି ସନ୍ଦେହ କରିଛି।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
  • ଦଶମ ଶ୍ରେଣୀ ଛାତ୍ରୀଙ୍କ ଆତ୍ମହତ୍ୟା

    ଗଞ୍ଜାମ: ଦଶମ ଶ୍ରେଣୀ ଛାତ୍ରୀଙ୍କ ଆତ୍ମହତ୍ୟା। ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଦିଗପହଣ୍ଡି ରାଣୀ ସାହିରେ। ସୂଚନାଅନୁସାରେ ଅଞ୍ଚଳର କାଳିଆ ଜେନାଙ୍କ ଝିଅ କଳ୍ପନା ଜେନା କବାଟ ବନ୍ଦ କରି ନିଜ ଦେହରେ କିରୋସିନି ଢ଼ାଳି ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ଖବର ପାଇ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ସଙ୍ଗେ ସଙ୍ଗେ ଦିଗପହଣ୍ଡି ପୋଲିସ ବାହିନୀ ପହଞ୍ଚି ଘଟଣା ସ୍ଥଳରେ ପହଞ୍ଚି ଶବ ବ୍ୟବଚ୍ଛେଦ ନିମନ୍ତେ ପଠାଇବା ସହ ତଦନ୍ତ ଜାରି ରଖିଛି। ଆତ୍ମହତ୍ୟାର କାରଣ ଅସ୍ପଷ୍ଟ। ତେବେ ଛାତ୍ରୀ ଜଣକ ପଦ୍ମନାଭପୁର ସରସ୍ଵତୀ ଶିଶୁ ବିଦ୍ୟା ମନ୍ଦିରର ହଷ୍ଟେଲରେ ରହି ପାଠପଢି ଦଶମ ଶ୍ରେଣୀ ପରୀକ୍ଷା ଦେଇଥିଲେ । ଘଟଣା ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।

  • ବରିଷ୍ଠ ଅଭିନେତା ରାଇମୋହନ ପରିଡାଙ୍କ ଆତ୍ମହତ୍ୟା

    ବରିଷ୍ଠ ଅଭିନେତା ରାଇମୋହନ ପରିଡାଙ୍କ ଆତ୍ମହତ୍ୟା। ବେକରେ ରଶି ଲଗାଇ ଆତ୍ମହତ୍ୟା କରିଥିବା ସୂଚନା । ଘଟଣା ଜଣାପଡିବା ପରେ ତାଙ୍କ ବାସଭବନରେ କଳାକାରଙ୍କ ଭିଡ ଲାଗିଛି । ସୂଚନା ଥାଉକି ଓଡିଆ ଇଣ୍ଡଷ୍ଟ୍ରିଜରେ ଜଣେ କଳାକାର ହିସାବରେ ଥିଲା ତାଙ୍କର ଖ୍ୟାତି । ବିଶେଷକରି ଜଣେ ଖଳନାୟକ ହିସାବରେ ସେ ଥିଲେ ଘରେ ଘରେ ପରିଚିତ ।ଭୁବନେଶ୍ୱର ପଳାଶୁଣି ସ୍ଥିତ ପ୍ରାଚୀ ବିହାରରେ ଜୀବନ ହାରିଛନ୍ତି ବରିଷ୍ଠ ଅଭିନେତା ରାଇମୋହନ ।

    ମୃତ୍ୟୁ ବେଳକୁ ତାଙ୍କୁ ୫୯ ବର୍ଷ ବୟସ ହୋଇଥିଲା । ସେପଟେ ରାଇମୋହନ ପରିଡାଙ୍କ ମୃତ୍ୟୁ ପରେ ପୁରା ଓଲିଉଡ ସ୍ତବ୍ଧ ହୋଇଯାଇଛି । ନିଜର ପ୍ରିୟ କଳାକାରଙ୍କୁ ହରାଇ ଶୋକରେ ବୁଡିଛି ଓଲିଉଡ ।୧୯୬୩ ଜୁଲାଇ ୧୦ରେ ଜନ୍ମଗ୍ରହଣ କରିଥିଲେ ରାଇମୋହନ ପରିଡା । ୧୯୯୮ ସିଂହବାହିନୀ, ସୁନାଭାଉଜରେ ତାଙ୍କ ଅଭିନୟ ଥିଲା ବେଶ ଜୀବନ୍ତ । ତାଙ୍କ ଅଭିନୟରେ ମତୁଆଲା ହୋଇଥିଲେ ଦର୍ଶକ । ରାଇମୋହନ ଥିଲେ କେନ୍ଦୁଝର ନିବାସୀ । କିନ୍ତୁ ସେ ଭୁବନେଶ୍ୱରେ ଆସି ରହୁଥିଲେ । ତାଙ୍କର ଦୁଇ ଝିଅ ଅଛନ୍ତି ।

    ଉତ୍କଳ ସଂଗୀତ ମହାବିଦ୍ୟାଳୟରେ ସେ ଅଭିନୟ ଶିକ୍ଷା କରିଥିଲେ । ୧୯୮୫ ରୁ ଆରମ୍ଭ ହୋଇଥିଲା ତାଙ୍କର ଅଭିନୟ କ୍ୟାରିୟର । ୧୯୮୭ରେ ସାଗର ସିନେମାରେ ପ୍ରଥମ ଖଳନାୟକ ଭୂମିକାରେ ଅଭିନୟ କରିଥିଲେ । ଏହା ପୂର୍ବରୁ ସେ ସତ ମିଛରେ ଅଭିନୟ କରିଥିଲେ । ରାମ ଲକ୍ଷ୍ମଣ, ଆସିବୁ ସାଜିକେବେ ମୋ ରାଣୀ, ନାଗ ପଞ୍ଚମୀ, ଉଦଣ୍ଡୀ ସୀତା, ତୁ ଥିଲେ ମୋ ଡର କାହାକୁ, ରଣଭୂମି, ମେଣ୍ଟାଲ ଟୋକା ପ୍ରଭୃତି ଚଳଚିତ୍ରରେ ଅଭିନୟ କରିଥିଲେ ।

    ପ୍ରାୟ ନବେରୁ ଅଧିକ ଓଡ଼ିଆ ସିନେମା ୧୫ରୁ ଅଧିକ ସିନେମାରେ ଅଭିନୟ କରିଛନ୍ତି ରାଇମୋହନ । କେବଳ ଓଲିଉଡ ନୁହେଁ ଯାତ୍ରା ଜଗତରେ ବି ସେ ଥିଲେ ବେଶ୍ ଜଣାଶୁଣା । ଏମିତିକି ଅନେକ ବଙ୍ଗଳା ଫିଲ୍ମରେ ସେ ଅଭିନୟ ମଧ୍ୟ କରିଛନ୍ତି । କେବଳ ଅଭିନୟ ନୁହେଁ ଅନେକ ଚଳଚ୍ଚିତ୍ରରେ ନିର୍ଦ୍ଦେଶନା ବି ଦେଇଛନ୍ତି । ଖାସ୍ କଥା ହେଉଛି ରାଇମୋହନ ପରିଡା କୁନାଲ ପରିଡା ଭାବେ ବେଶ ଜଣାଶୁଣା ଥିଲେ ।

Back to top button