ଗିରଫ ହେଲେ ବୋର୍ଡ କର୍ମଚାରୀ

କଟକ: ନକଲି ସାର୍ଟିଫିକେଟ ଦେଇ ବୋର୍ଡ କର୍ମଚାରୀ ଗିରଫ। ସୁଇପର ସୁପରଭାଇଜର ଭ୍ରମରବର ନାୟକଙ୍କୁ ଗିରଫ କରିଛି ମଙ୍ଗଳାବାଗ ଥାନା ପୋଲିସ। କେନ୍ଦୁଝରର ଜଣେ ବ୍ୟକ୍ତିଙ୍କୁ ନକଲି ସାର୍ଟିଫିକେଟ ବିକି ଥିଲେ ଭ୍ରମରବର। ୪୫ ହଜାର ଟଙ୍କାରେ ବିକି ଥିଲେ OSTEET ସାର୍ଟିଫିକେଟ। ସମ୍ପୃକ୍ତ ବ୍ୟକ୍ତି ସାର୍ଟିଫିକେଟ ନକଲି ବୋଲି ଜାଣିବା ପରେ ବୋର୍ଡକୁ ଅବଗତ କରାଇଥିଲେ। ପରେ ବୋର୍ଡ଼ ମଙ୍ଗଳାବାଗ ଥାନାକୁ ତଦନ୍ତ ପାଇଁ ଚିଠି କରିଥିଲା। ସେପଟେ ଭ୍ରମର ଏକାଧିକ ଲୋକଙ୍କୁ ନକଲି ସାର୍ଟିଫିକେଟ ବିକି ଥିବା ସନ୍ଦେହ କରୁଛି ପୋଲିସ। ଏନେଇ ଅଧିକ ତଦନ୍ତ ଜାରି ରଖିଛି ମଙ୍ଗଳବାଗ ପୋଲିସ।