ଭୁବନେଶ୍ୱର: ବନ୍ୟା କ୍ଷୟକ୍ଷତି ରିପୋର୍ଟ ପ୍ରସଙ୍ଗ। ପ୍ରାୟ ସବୁ ଜିଲ୍ଲାରୁ କ୍ଷୟକ୍ଷତି ରିପୋର୍ଟ ଆସି ସରିଛିl ବାକି ଆଉ 3ଟି ଜିଲ୍ଲାରୁ ରିପୋର୍ଟ ଆଜି ପହଞ୍ଚିବ। ଏହା ପରେ ସହାୟତା ପ୍ରକ୍ରିୟା ଆରମ୍ଭ ହେବ ବୋଲି ପରିବହନ ଓ ରାଜସ୍ୱ ମନ୍ତ୍ରୀ ପ୍ରମିଳା ମଲ୍ଲିକ କହିଛନ୍ତି। ସେପଟେ ବନ୍ୟା ପରିସ୍ଥିତିରେ ପଞ୍ଚାୟତିରାଜ ବିଭାଗ ଅଧୀନରେ ହୋଇଥିବା କ୍ଷୟକ୍ଷତିର ଆକଳନ କରାଯାଇଛି। ଏହାସହ ପ୍ରାୟ ଅଞ୍ଚଳକୁ ବିଭାଗୀୟ ମନ୍ତ୍ରୀ ଗସ୍ତ କରି ବନ୍ୟା ସ୍ଥିତି ଅନୁଧ୍ୟାନ କରିଛନ୍ତି। ତେବେ ଯୁଦ୍ଧକାଳୀନ ପରିସ୍ଥିତିରେ ଯାହା କ୍ଷୟକ୍ଷତି ହୋଇଛି ତାହା ମରାମତି କରାଯାଇ ଯଥାଶୀଘ୍ର ଏହାର ସମସ୍ୟାର ସମାଧାନ କରାଯିବ ବୋଲି ପଞ୍ଚାୟତରାଜ ମନ୍ତ୍ରୀ ପ୍ରଦୀପ କୁମାର ଅମାତ କହିଛନ୍ତିl