ଓଡ଼ିଶାପାଣିପାଗ ଓ ପରିବେଶ

ବନ୍ୟାକୁ ନେଇ ଏସଆରସିଙ୍କ ପ୍ରତିକ୍ରିୟା

ଭୁବନେଶ୍ୱର: ବର୍ଷା ଓ ବନ୍ୟା ନେଇ ଏସଆରସି ପ୍ରଦୀପ ଜେନା ପ୍ରତିକ୍ରିୟା ରଖିଛନ୍ତି । ୭ ରୁ ୮ ଭିତରେ ଦୀଘା ପାଖରେ ସ୍ଥଳ ଭାଗ ଛୁଇଁଛି। ଗତ ୬ଘଣ୍ଟାରେ ଘଣ୍ଟା  ପ୍ରତି୨୨ କିମି  ବେଗରେ ଗତି କରିବା ସହ ପଶ୍ଚିମବଙ୍ଗ ଏବଂ ପାର୍ଶ୍ୱବର୍ତ୍ତୀ ଉତ୍ତର ଓଡ଼ିଶା ରେ ସକ୍ରିୟ ରହିଛି ଗଭୀର ଅବପାତ। ଉତ୍ତର ବାଲେଶ୍ଵର ଜିଲ୍ଲାରେ ୨୫-୩୦ କିମି ବେଗରେ ପବନ ବହୁଛି । ଗତକାଲି ବାଲେଶ୍ଵରରେ ୨୫ ମିମି ବର୍ଷା ରେକର୍ଡ କରାଯାଇଛି । ବାଲେଶ୍ଵର, ମୟୁରଭଞ୍ଜ ଆଉ କେନ୍ଦୁଝର ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବ ବାଲେଶ୍ଵର ସହର ରୁ ୩ ହଜାର ରୁ ଅଧିକ ଲୋକଙ୍କୁ ସ୍ଥାନତରଣ କରାଯାଇଛି । ଭଦ୍ରକ, ବାଲେଶ୍ଵର ,ମୟୂରଭଞ୍ଜ ଓ କେନ୍ଦୁଝର କୁ ଓଡରାଫ, NDRF, ଆଉ ଅଗ୍ନିଶମ ବାହିନି ଙ୍କୁ ପଠା ଯାଇଛି। ୪ ଟି ରିଜର୍ଭ ୟୁନିଟ ଅଛି ଯେଉଁଠି ଅଧିକ ଦରକାର ହେବ ସେଇଠିକି ପଠା ଯିବ।  ଆଇଏମଡି ର ଆକଳନ ଅନୁସାରେ ବାତ୍ୟା ହେବ ନାହିଁ । ସେପଟେ ତେଲ ନଦୀରେ ସାମାନ୍ୟ ଜଳ ସ୍ତର ବଢ଼ିଛି । ୩୭ ହଜାର କ୍ୟୁସେକ ଜଳ ଆସିଛି । ଖଇରମାଳ ପାଖରେ ୬ ଲକ୍ଷ ୩୦ ହଜାର ରେ ସୀମିତ ରହିବ । ମୁଣ୍ଡୁଳି ଠାରେ ଜଳ ସ୍ତର ଧୀରେ ଧୀରେ ଖସୁଛି । ମହାନଦୀରେ ଆଉ ଜଳ ସ୍ତର ବଢିବାର ଆଶଙ୍କା ନାହିଁ।

Related Articles

Leave a Reply

Your email address will not be published.

Back to top button