farmer registration: ଭଦ୍ରକରେ ଚାଷୀ ପଞ୍ଜୀକରଣରେ ଚଞ୍ଚକତା ଅଭିଯୋଗ

ଭଦ୍ରକ: ଧାନ ବିକ୍ରି ପାଇଁ ଚାଷୀ ପଞ୍ଜୀକରଣକୁ ନେଇ ଭଦ୍ରକ ଜିଲ୍ଲା କେନ୍ଦୁଆପଦା ସେବା ସମବାୟ ସମିତି ନାମରେ ଚଞ୍ଚକତାର ଅଭିଯୋଗ ଆସିଛି। ଚାଷୀଙ୍କ ଜମିର ପରିମାଣ କମ୍ ଦର୍ଶାଇ ପଞ୍ଜୀକରଣ କରାଯାଉଥିବା ଏବଂ ବଳକା ଜମିକୁ ଅନ୍ୟ ଭାଗଚାଷୀ ଓ ଧାନ ବେପାରୀଙ୍କ ନାମରେ ପଞ୍ଜୀକରଣ କରାଯାଉଥିବା ଅଭିଯୋଗ ହୋଇଛି। ଅଭିଯୋଗ ଅନୁଯାୟୀ, ଧାନ ବିକ୍ରି ପାଇଁ ପଞ୍ଜୀକରଣ ସମୟରେ କେତେକ ଚାଷୀଙ୍କ ପ୍ରକୃତ ଜମି ପରିମାଣଠାରୁ କମ୍ ଜମି ଦର୍ଶାଯାଉଛି। ଏହାର ବଳକା ଜମିକୁ ଅନ୍ୟ ଭାଗଚାଷୀ କିମ୍ବା ଧାନ ବେପାରୀଙ୍କ ନାମରେ ପଞ୍ଜୀକରଣ କରାଯାଉଥିବା ଅଭିଯୋଗ ଉଠିଛି। ଗତ ଧାନ କ୍ରୟ ସମୟରେ ମଧ୍ୟ ଏଭଳି ଅନିୟମିତତା ହୋଇଥିବା ଅଭିଯୋଗ ରହିଛି। କମ୍ ଜମି ଥିବା କେତେକ ବ୍ୟକ୍ତିଙ୍କ ନାମରେ ଅଧିକ ପରିମାଣର ଧାନ ବିକ୍ରି ପାଇଁ ଟୋକନ୍ ମିଳିଥିବା ବେଳେ ପ୍ରକୃତ ଚାଷୀଙ୍କୁ କମ୍ ପରିମାଣର ଧାନ ବିକ୍ରି ପାଇଁ ଅନୁମତି ମିଳିଥିବା ଅଭିଯୋଗ ହୋଇଛି। ଏନେଇ କେନ୍ଦୁଆପଦା ସେବା ସମବାୟ ସମିତିର ସମ୍ପାଦକ କହିଛନ୍ତି ଯେ, ସେ ଅଳ୍ପ ଦିନ ହେବ ଦାୟିତ୍ୱ ଗ୍ରହଣ କରିଛନ୍ତି। ଚାଷୀ ପଞ୍ଜୀକରଣ ଅବଧି ମଧ୍ୟ ଶେଷ ହୋଇଛି। ଯଦି କୌଣସି ଚାଷୀଙ୍କର ଅଭିଯୋଗ ରହିଛି, ସେମାନେ ଜଣାଇଲେ ତ୍ରୁଟି ଥିଲେ ତାହାର ସମାଧାନ କରାଯିବ ବୋଲି ସମ୍ପାଦକ କହିଛନ୍ତି। ତେବେ ଅଭିଯୋଗର ସତ୍ୟତା ଏବଂ ଚାଷୀ ପଞ୍ଜୀକରଣରେ ପ୍ରକୃତରେ କୌଣସି ଅନିୟମିତତା ହୋଇଛି କି ନାହିଁ, ତାହା ତଦନ୍ତ ପରେ ସ୍ପଷ୍ଟ ହେବ।