Bigg boss 20:'ବିଗ୍ ବସ୍ ୨୦' ମଞ୍ଚରେ ଶର୍ଟ ଖୋଲିଲେ ଭାଇଜାନ୍: ସାଇବର ବୁଲିଂ ଓ ପେଡ୍ ନେଗେଟିଭ୍ କ୍ୟାମ୍ପେନକୁ ନେଇ ଗର୍ଜନ
"ଆସ, ଏବେ ମୋତେ ଟ୍ରୋଲ୍ କର": ସଲମାନ୍ଙ୍କ ଖୋଲା ଚ୍ୟାଲେଞ୍ଜ, 'ଭାଇ ମୋଟା ହୋଇଯାଇଛନ୍ତି', 'ବୁଢ଼ା ହୋଇଗଲେଣି'। ଆସ, ଏବେ ମୋତେ ଟ୍ରୋଲ୍ କର! ମୋର କୌଣସି ସିକ୍ସ-ପ୍ୟାକ୍ ଆବ୍ସ ନାହିଁ। ଆମକୁ ସମାଲୋଚନା କରିବା ପୂର୍ବରୁ ପ୍ରଥମେ ନିଜ ନିଜର ଚେହେରା ଓ ନିଜ ପରିବାରର ସ୍ୱାସ୍ଥ୍ୟ କଥା ବୁଝ।"
ରିଆଲିଟି ଶୋ' 'ବିଗ୍ ବସ୍ ୨୦'ରେ ଘରର ସଦସ୍ୟ ମାନଙ୍କ ଅପେକ୍ଷା ହୋଷ୍ଟ ସଲମାନ୍ ଖାନ୍ ଅଧିକ ଚର୍ଚାରେ | ତେବେ ନିକଟରେ 'ୱିକ୍ଏଣ୍ଡ୍ କା ୱାର୍' ଅଧ୍ୟାୟରେ ଦର୍ଶକ ଦେଖିଲେ ନୂଆ ହଙ୍ଗାମା | ଦୀର୍ଘ ଦିନ ହେବ ସୋସିଆଲ୍ ମିଡିଆରେ ଚାଲିଥିବା ଅନ୍ଲାଇନ୍ ଟ୍ରୋଲିଂ, ବଡି-ସେମିଂ (Body-Shaming), ବୟସକୁ ନେଇ କଟାକ୍ଷ ଏବଂ ଜାଣିଶୁଣି କରାଯାଉଥିବା ଖରାପ ପ୍ରଚାର ବିରୋଧରେ ନିଜର ମୁହଁ ଖୋଲିଲେ ସୁପରଷ୍ଟାର୍। ନିଜ ଶାରୀରିକ ଗଠନକୁ ନେଇ ସମାଲୋଚନା କରୁଥିବା ବ୍ୟକ୍ତିମାନଙ୍କୁ କଡ଼ା ଜବାବ ଦେଇ ଭାଇଜାନ ମଞ୍ଚ ଉପରେ ନିଜର ଟି-ସାର୍ଟ ଓ ମାଇକ୍ ଖୋଲି ଫିଙ୍ଗିଦେବା ସହ କ୍ୟାମେରା ଆଗରେ ନିଜର ଫିଜିକ୍ ଦେଖାଇ ଟ୍ରୋଲରଙ୍କୁ ଖୋଲା ଚ୍ୟାଲେଞ୍ଜ ଦେଇଛନ୍ତି।
କାର୍ଯ୍ୟକ୍ରମ ଚାଲିଥିବା ସମୟରେ ପ୍ରତିଯୋଗୀ ସ୍କାଉଟ୍ (Scout) ନିଜ ଗେମିଂ କମ୍ୟୁନିଟିକୁ ଟ୍ରୋଲ୍ କରିବା ପାଇଁ ଉସ୍କାଇବା ଘଟଣାକୁ ନେଇ ଆଲୋଚନା ଚାଲିଥିଲା। ଏହି ସମୟରେ ସଲମାନ୍ ରାଗି ଯାଇଥିଲେ , "ସୋସିଆଲ୍ ମିଡିଆରେ ଲୋକମାନେ କହୁଛନ୍ତି 'ଭାଇ ମୋଟା ହୋଇଯାଇଛନ୍ତି', 'ବୁଢ଼ା ହୋଇଗଲେଣି'। ଆସ, ଏବେ ମୋତେ ଟ୍ରୋଲ୍ କର! ମୋର କୌଣସି ସିକ୍ସ-ପ୍ୟାକ୍ ଆବ୍ସ ନାହିଁ। ଆମକୁ ସମାଲୋଚନା କରିବା ପୂର୍ବରୁ ପ୍ରଥମେ ନିଜ ନିଜର ଚେହେରା ଓ ନିଜ ପରିବାରର ସ୍ୱାସ୍ଥ୍ୟ କଥା ବୁଝ।" ଏହାପରେ ମଞ୍ଚରେ ଥିବା ସମସ୍ତ ପ୍ରତିଯୋଗୀ ସଲମାନ୍ଙ୍କୁ ସମର୍ଥନ କରିଥିଲେ।
ଟ୍ରୋଲିଂ ସହିତ ବଲିଉଡ୍ ଓ ଗଣମାଧ୍ୟମର ଗୋଟିଏ ଗୋଷ୍ଠୀକୁ ସଲମାନ୍ ସିଧାସଳଖ ଟାର୍ଗେଟ କରିଛନ୍ତି। ସେ ଅଭିଯୋଗ କରିଛନ୍ତି ଯେ ସିନେମା ଜଗତର କିଛି ଅଭିନେତା ଓ ପ୍ରଯୋଜକ ନିଜର ସହକର୍ମୀଙ୍କ ବିରୋଧରେ ଟଙ୍କା ଦେଇ ନକାରାତ୍ମକ ପେଡ୍ କ୍ୟାମ୍ପେନ୍ (Paid Negative PR) ଚଳାଉଛନ୍ତି। ପଇସା ନେଇ ଫିଲ୍ମକୁ ରେଟିଂ ଦେବା ମଧ୍ୟ ଏକ ବଡ଼ ଧରଣର ଦୁର୍ନୀତି ବୋଲି ସେ କହିଛନ୍ତି। କ୍ୟାଟ୍ରିନା କୈଫ୍ଙ୍କ ଭଳି ମହିଳା କଳାକାରଙ୍କ ସନ୍ତାନ ପ୍ରସବ ପରବର୍ତ୍ତୀ ଓଜନ ବୃଦ୍ଧିକୁ ନେଇ ଟ୍ରୋଲ୍ କୁ ସେ ଅତି ନୀଚ ମାନସିକତା ବୋଲି କହିଛନ୍ତି | ଏହାଛଡା ନିଜ ହେୟାର ଟ୍ରାନ୍ସପ୍ଲାଣ୍ଟ କୁ ନେଇ ଗୁଜବର ଖଣ୍ଡନ କରିଛନ୍ତି ସଲମାନ୍ | ସୋସିଆଲ ମିଡିଆରେ ସେନସର୍ସିପ ଆଣିବା ପାଇଁ ଦାବିକରିଛନ୍ତି ଭାଇଜାନ |