Tukaram Mundhe Massive Raid : ଚିକିତ୍ସା ସାମଗ୍ରୀରେ MRP ଲୁଟ୍

ମହାରାଷ୍ଟ୍ର ଖାଦ୍ୟ ଓ ଔଷଧ ପ୍ରଶାସନ (ଏଫ୍‌ଡିଏ) ଆୟୁକ୍ତ ତୁକାରାମ ମୁଣ୍ଡେ ଘରୋଇ ଡାକ୍ତରଖାନାରେ ବ୍ୟବହୃତ ଚିକିତ୍ସା ସାମଗ୍ରୀର ଅତ୍ୟଧିକ ମୂଲ୍ୟ ବୃଦ୍ଧିକୁ ନେଇ ଗଭୀର ଚିନ୍ତା ବ୍ୟକ୍ତ କରିଛନ୍ତି, ଯେଉଁଥିରେ ସେ ଏକ ସର୍ବେକ୍ଷଣର ତଥ୍ୟ ଦର୍ଶାଇ କହିଛନ୍ତି ଯେ ଡାକ୍ତରଖାନାଗୁଡ଼ିକ କ୍ରୟ କରୁଥିବା ସାମଗ୍ରୀ ଗୁଡିକର ବାସ୍ତବ ବ୍ୟବସାୟିକ ମୂଲ୍ୟ (ଟ୍ରେଡ଼ ପ୍ରାଇସ୍ ) ଏବଂ ଗ୍ରାହକଙ୍କ ପାଇଁ ଛପାଯାଉଥିବା ସର୍ବାଧିକ ଖୁଚୁରା ମୂଲ୍ୟ (MRP) ମଧ୍ୟରେ ୨,୮୦୦ ପ୍ରତିଶତରୁ ଅଧିକ ବିଶାଳ ଫରକ ରହିଛି। ସେ ଉଦାହରଣ ଦେଇ ଦର୍ଶାଇଛନ୍ତି ଯେ ମାତ୍ର ୧୧.୦୫ ଟଙ୍କାରେ କିଣାଯାଉଥିବା ଆଇଭି ଇନ୍‌ଫ୍ୟୁଜନ୍ ସେଟ୍‌ର ଏମ୍‌ଆର୍‌ପି ୩୨୫ ଟଙ୍କା,ଯାହାକି 2841 ପ୍ରତିଶତ ର ବୃଦ୍ଧି ଦର୍ଶାଉଛି | ସେହିପରି ଭାବରେ  ୬.୭୫ ଟଙ୍କାର ସିରିଞ୍ଜର ମୂଲ୍ୟ ୫୭.୨୦ ଟଙ୍କା ଏବଂ ୨୯.୪୧ ଟଙ୍କାର କ୍ୟାଥେଟର ମୂଲ୍ୟ ୩୧୦ ଟଙ୍କା ଧାର୍ଯ୍ୟ କରାଯାଉଛି। FDA ପ୍ରମୁଖଙ୍କ କହିବା ଅନୁସାରେ  ଚିକିତ୍ସିତ ହେଉଥିବା ରୋଗୀଙ୍କ ନିକଟରେ ଏହି ଦରକୁ ତୁଳନା କରିବା, ବିକଳ୍ପ ବାଛିବାର କିମ୍ବା ମୁଦ୍ରିତ MRP ଉପରେ ପ୍ରଶ୍ନ ଉଠାଇବାର କୌଣସି ସୁଯୋଗ ନଥାଏ, ଯାହା ଫଳରେ ରୋଗୀ ଓ ସେମାନଙ୍କର ପରିବାର ଅନିଚ୍ଛାକୃତ ଭାବେ ଶୋଷଣର ଶିକାର ହୁଅନ୍ତି। ତେବେ ବର୍ତ୍ତମାନର ଔଷଧ ମୂଲ୍ୟ ନିୟନ୍ତ୍ରଣ ଆଦେଶ (DCPO) 2013  ଅଧୀନରେ କେବଳ ଅନୁସୂଚିତ ଔଷଧ ର ମୂଲ୍ୟ ସୀମିତ ଥିଲାବେଳେ ଅଧିକାଂଶ ଚିକିତ୍ସା ଉପକରଣ ଆସୁନଥିବାରୁ ଏହି ନିୟାମକ ଗଳାବାଟର ସୁଯୋଗ ନିଆଯାଉଛି, ଏହି ସ୍ଥିତି ରେ ସୁଧାର ଆଣିବାପାଇଁ ଏଫ୍‌ଡିଏ ପକ୍ଷରୁ କେନ୍ଦ୍ରୀୟ ଫାର୍ମାସ୍ୟୁଟିକାଲ୍ସ ବିଭାଗ ଏବଂ ଏନ୍‌ପିପିଏ (NPPA) କୁ ବ୍ୟବସାୟିକ ମୂଲ୍ୟ ଓ ଏମ୍‌ଆର୍‌ପି ମଧ୍ୟରେ ସୀମା ନିର୍ଦ୍ଧାରଣ (ଟ୍ରେଡ଼ ମାର୍ଜିନ କ୍ୟାପିଙ୍ଗ) ପାଇଁ ସ୍ପଷ୍ଟ ଦିଶାନିର୍ଦ୍ଦେଶ ଜାରି କରିବାକୁ ସୁପାରିଶ କରାଯାଇଛି। ଏହା ବ୍ୟତୀତ , ନିକଟରେ ମୁମ୍ବାଇର ଇସ୍କନ ପରିସର ଓ ରେଲୱେ କ୍ୟାଟରିଂ ବିକ୍ରେତା ମାନଙ୍କ ବିରୁଦ୍ଧରେ କରାଯାଇଥିବା କାର୍ଯ୍ୟାନୁଷ୍ଠାନ ବିଷୟରେ ରେ ଆୟୁକ୍ତ ତୁକାରାମ ମୁଣ୍ଡେ କହିଛନ୍ତି ଯେ ଏହି ପଦକ୍ଷେପ ସମ୍ପୁର୍ଣ୍ଣ ଭାବରେ ଖାଦ୍ୟ ସୁରକ୍ଷା ମାନକ ଓ ଆଇନ ଅଧୀନରେ ନିଆଯାଇଛି ଓ ଏଥିରେ କୌଣସି ଧାର୍ମିକ ସଂସ୍ଥା କୁ ଟାର୍ଗେ