ପାକିସ୍ତାନରେ ବଡ଼ ଧରଣର ଆତଙ୍କୀ ଆକ୍ରମଣ। ଆତଙ୍କବାଦୀଙ୍କ ଆଖିବୁଜା ଗୁଳିମାଡ଼ରେ ୩୮ ଜଣଙ୍କ ମୃତ୍ୟୁ ହୋଇଛି। ଆଉ ଅନେକ ଆହତ ହୋଇଛନ୍ତି। ଏହି ଆକ୍ରମଣ ପାସେଞ୍ଜର ଭ୍ୟାନ ଉପରେ ହୋଇଛି। ଜଣେ ପୁଲିସ ଅଧିକାରୀ ଓ ମହିଳାଙ୍କ ସମେତ ଅନେକ ଆହତ ହୋଇଛନ୍ତି। ଆହତଙ୍କ ଅବସ୍ଥା ସଂକଟାପନ୍ନ ରହିଛି। ମୃତ୍ୟୁ ସଂଖ୍ୟା ବଢ଼ିବାର ଆଶଙ୍କା ରହିଛି। ଖୈବର ପଖତୁନଖାର ଡାଉନ କୁର୍ମ ଅଞ୍ଚଳରେ ଏହି ଆକ୍ରମଣ ହୋଇଛି। ଉତ୍ତର-ପଶ୍ଚିମ ପାକିସ୍ତାନରେ ଏହି ଅଘଟଣ ଘଟିଛି। ସିୟା ମୁସଲିମଙ୍କୁ ନେଇକି ଯାଉଥିବା ଯାତ୍ରୀ ବାହି ଗାଡ଼ି ଉପରେ ଗୁଳିମାଡ଼ ହୋଇଛି। ଏଭଳି ଆକ୍ରମଣକୁ ପାକିସ୍ତାନ ରାଷ୍ଟ୍ରପତି ଆସିଫ୍ ଅଲ୍ଲୀ ଜରଦାରୀ କଡ଼ା ନିନ୍ଦା କରିଛନ୍ତି। ଶୋକସନ୍ତପ୍ତ ପରିବାରକୁ ନିଜର ସମବେଦନା ଜ୍ଞାପନ କରିଛନ୍ତି। ନିର୍ଦୋଷ ଲୋକଙ୍କ ଉପରେ ଆକ୍ରମଣ ଭୀରୁତାର ପରିଚୟ ଓ ଅମାନବୀୟ। ଏଥିରେ ଜଡ଼ିତ ଆକ୍ରମଣକାରୀଙ୍କ ବିରୁଦ୍ଧରେ କଡ଼ା ଆକ୍ସନ ହେବ। ପାରାଚିନାରରୁ ପେଶାଓ୍ୱାର ଯାଉଥିଲା ଯାତ୍ରିବାହୀ ଗାଡ଼ି। ଗୁଳିମାଡ଼ ପରେ ଗାଡ଼ିରେ ନିଆଁ ଲାଗିଯାଇଥିଲା। ଘଟଣାସ୍ଥଳରେ ହିଁ ୨୦ଜଣଙ୍କ ଜୀବନ ଚାଲିଯାଇଥିଲା। ଡେପୁଟି କମିଶନରଙ୍କ କହିବା କଥା, ଏହି ଦୁଇ ଜନଜାତିଙ୍କ ଭିତରେ ଝଗଡ଼ାର ପରିଣତି। ଗଲା ମାସରେ ବି ଖୈବରର ଉପରି କୁର୍ମରେ ଦୁଇ ଜନଜାତି ଗୋଷ୍ଠୀ ଭିତରେ ସଂଘର୍ଷରୁ ୧୧ ଲୋକଙ୍କ ଜୀବନ ଯାଇଥିଲା।
Naxatra News is now on Whatsapp
Join and get latest news update delivered to you via whatsapp
Join Now