ଖୁବ ଶୀଘ୍ର ପ୍ରେକ୍ଷାଳୟକୁ ଆସୁଛି ପୁଷ୍ପା-୨ । ଡିସେମ୍ବର-୫ ରେ ହେବ ରିଲିଜ । ଆଉ ଏଥିପାଇଁ ଏବେଠାରୁ ଆଡଭାନ୍ସ ବୁକିଂ ଆରମ୍ଭ ହୋଇଛି । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ଦିଲ୍ଲୀରେ ଟିକେଟର ଦାମ ୧,୮୦୦ ଟଙ୍କାରେ ପହଞ୍ଚିସାରିଲାଣି । ସେହିପରି ମୁମ୍ବାଇ ସବୁଠୁ ମହଙ୍ଗା ଟିକେଟ ୧,୬୦୦ ଟଙ୍କା ରହିଥିବବେଳେ ବେଙ୍ଗାଲୁରୁରେ ରହିଛି ୧,୦୦୦ଟଙ୍କା । ଏହାକୁ ନେଇ ଆକଳନ କରାଯାଉଛି ଯେ, ବକ୍ସ ଅଫିସରେ ରେକର୍ଡ ଭାଙ୍ଗିପାରେ । ୨୦୨୪ର ସବୁଠୁ ଅଧିକ ରୋଜଗାର କରିଥିବା ଫିଲ୍ମ କଲିକୀର ରେକର୍ଡପୁଷ୍ପା-୨ ଭାଙ୍ଗିପାରେ ବୋଲି ଚର୍ଚ୍ଚା ହେଉଛି । ସେପଟେ ଅଫିସିଆଲ ରିଲିଜର ଗୋଟିଏ ଦିନ ପୂର୍ବରୁ ଅର୍ଥାତ ୪ ଡିସେମ୍ବରରେ ସ୍କ୍ରିନିଂର ଅନୁମତି ଦେଇଛନ୍ତି ତେଲେଙ୍ଗାନା ସରକାର । ଏହାରି ଭିତରେ ଫିଲ୍ମର ଟିକେଟ ମୂଲ୍ୟକୁ ନେଇ ଚିନ୍ତିତ ସିନେମା ପ୍ରେମୀ ।
ପୁଷ୍ପାର ଦ୍ୱିତୀୟ ସଂସ୍କରଣ ହେଉଛି ପୁଷ୍ପା-୨ । ଏହାର ପ୍ରଥମ ଭାଗ ୨୦୨୧ରେ ମୁକ୍ତିଲାଭ କରିଥିଲା । ଯାହାକୁ ଲୋକମାନେ ବହୁତ ପସନ୍ଦ କରିଥିଲେ । ଅଲୁ ଅର୍ଜୁନ ଏବଂ ରଶ୍ମିକାଙ୍କର ପ୍ରଶଂସକମାନେ ମଧ୍ୟ ବେଶ ଉତ୍ସାହର ସହ ଅପେକ୍ଷା କରିଛନ୍ତି । ସୂଚନାନୁଯାୟୀ, ଏହି ଫିଲ୍ମରେ ସାମନ୍ଥା ରୁଥଙ୍କର ଏକକ କୈମିଓ ମଧ୍ୟ ଦେଖୁବାକୁ ମିଳିପାରେ ।
Naxatra News is now on Whatsapp
Join and get latest news update delivered to you via whatsapp
Join Now
