ବନ୍ୟାରେ ବେହାଲ ରାଜଧାନୀ

ଭୁବନେଶ୍ବର: ବନ୍ୟାରେ ବେହାଲ ହୋଇପଡିଛି ରାଜଧାନୀ l ସୁନ୍ଦରପଦା ଅଞ୍ଚଳର ଅଧିକାଂଶ ଘର ଏବେ ବି ପାଣିଘେରରେ ରହିଛି । ବିନା ପାଣି ବିଜୁଳିରେ ବିତିଗଲାଣି ୫ରୁ ୬ ଦିନ । ସେପଟେ ପ୍ରଶାସନିକ ସ୍ତରରେ କିଛି କାଂଶରେ ଜନସାଧାରଣଙ୍କ ପାଇଁ ସାହାଯ୍ୟ କରାଯାଉଥିଲେ ବି ଯଦି କୌଣସି ସାମଗ୍ରୀ ଆବଶ୍ୟକ ପଡୁଛି, ତେବେ ବାରମ୍ୱାର ଅଣ୍ଟାଏ ଅଣ୍ଟାଏ ପାଣିରେ ପଶି ଯିବାକୁ ପଡୁଛି l

ଆଣ୍ଠୁଏ ଆଣ୍ଠୁଏ ପାଣି l ଘରେ ପାଣି, ବାହାରେ ପାଣି l ସୁନ୍ଦରପଦା ଅଞ୍ଚଳକୁ କବଳିତ କରିଛି ବନ୍ୟା ଜଳ l  ୫-୬ ଦିନ ହେବ ନା ଘରେ  କରେଣ୍ଟ ଅଛି ନା ପାଣି ଅଛି । ଛୋଟ ଛୋଟ ପିଲାମାନଙ୍କ ପାଠପଢା ମଧ୍ୟ ଠପ ହୋଇଯାଇଛି l ସାରା  ରାଜ୍ୟରେ ବନ୍ୟାର ପ୍ରକୋପ ଦେଖିବାକୁ ମିଳିଥିବା ବେଳେ ଭୁବନେଶ୍ୱର ସୁନ୍ଦରପଦା ଅଞ୍ଚଳର ପ୍ରାୟ ଲୋକ ଏବେ ଜଳବନ୍ଦୀ ଅବସ୍ଥାରେ ଅଛନ୍ତି l ବିଭିନ୍ନ ସମସ୍ୟା ଥିବାରୁ ଅନ୍ୟ ଜାଗାକୁ ସ୍ଥାନାନ୍ତରିତ ହୋଇପାରିନାହାନ୍ତି କିଛି ଜନସାଧାରଣ l ସବୁଠୁ ବଡ଼ କଥା ନର୍ଦ୍ଦମା  ପାଣି  ଏବେ ଘରେ  ପଶିବା  ଆରମ୍ଭ କରିଛି । ଆଉ ସେହି ଅପରିଷ୍କାର ପାଣିରେ  ହିଁ ଲୋକେ ବାଧ୍ୟ  ହୋଇ ଯାତାୟତ  କରୁଛନ୍ତି  । ଯାହା ଆଗାମୀ ଦିନରେ ସେଠାକାର ଜନସାଧାରଣଙ୍କୁ ରୋଗରେ ପକାଇପାରେ l

ରାତି ହେଲେ ଜଳ ଘେରରେ ଥିବା ଜନସାଧାରଣ ଙ୍କ ଚିନ୍ତା ଦ୍ବିଗୁଣିତ ହେଉଛି । କାହିଁକି ନା ଘର ଭିତରେ ଓ ବାହାରେ ସାପ ଓ ଅନ୍ୟ ଜଳଚର ପ୍ରାଣୀଙ୍କ ପ୍ରତି ଭୟ ରହିଛି l ଅନ୍ୟପଟେ ଏହି ଆପାର୍ଟମେଣ୍ଟ ଭିତରେ ରୋଗୀ ଅଛନ୍ତି, ହେଲେ ସେମାନେ ଟ୍ରିଟମେଣ୍ଟ ପାଇଁ ହସ୍ପିଟାଲକୁ ଯାଇପାରୁନାହାନ୍ତି l ଅନ୍ୟପଟେ ପଂଚାୟତ ସ୍ତର ରେ ଏହି ଜଳବନ୍ଦୀରେ ଥିବା ଜନସାଧାରଣଙ୍କ ପାଇଁ ପାଣି ପାଉଚର ବ୍ୟବସ୍ଥା କରାଯାଇ ସେମାନଙ୍କୁ ଯୋଗାଇ ଦିଆଯାଉଛି l

ତେବେ ୫ -୬ଦିନ ହେବ ଲୋକେ ବହୁ ଅସୁବିଧାରେ ଦିନ କାଟୁଥିବାବେଳେ ପୁଣିଥରେ  ବର୍ଷା କଥା ଶୁଣି ଚିନ୍ତାରେ ପଡିଛନ୍ତି ରାଜଧାନୀବାସୀ…

Naxatra News is now on Whatsapp

Join and get latest news update delivered to you via whatsapp

Join Now