ଓଡ଼ିଶାରାଜନୀତି

ନବୀନ ଙ୍କ କାମରାଜ ପ୍ଲାନ…ବଦଳିବ ମନ୍ତ୍ରୀମଣ୍ଡଳ?

ଶୁକ୍ରବାର ବଜ୍ରରାଜନଗର ଉପନିର୍ବାଚନରେ ରେକର୍ଡ ସଂଖ୍ୟକ ବିଜୟ ସହିତ ସୁପ୍ରିମକୋର୍ଟରେ ମଧ୍ୟ ରାଜ୍ୟ ସରକାର ବିଜୟ ହୋଇଥିବା ପରେ ଏବେ ମନ୍ତ୍ରୀମଣ୍ଡଳ ଅଦଳବଦଳ କରିବାର ଉପଯୁକ୍ତ ସମୟ ବୋଲି ଭାବିଛନ୍ତି ପାର୍ଟି ସୁପ୍ରିମୋ । ଖୁବଶୀଘ୍ର ବଦଳିପାରେ ରାଜ୍ୟରେ ମନ୍ତ୍ରୀମଣ୍ଡଳର ରୂପରେଖ । ବାଚସ୍ପତି ପଦରୁ ଇସ୍ତଫା ଦେଲେ ସୂର୍ଯ୍ୟନାରାୟଣ ପାତ୍ର । ଉପବାଚସ୍ପତିଙ୍କୁ ନିଜର ଇସ୍ତଫା ପତ୍ର ପଠାଇଲେ ସୂର୍ଯ୍ୟନାରାୟଣ ପାତ୍ର । ବାଚସ୍ପତିଙ୍କ ଇସ୍ତଫାପତ୍ର ଗ୍ରହଣ କରାଯାଇଥବା ବେଳେ ଅନେକ ହେଭିୱେଟ ମନ୍ତ୍ରୀ ଇସ୍ତଫା ଦେବେ ବୋଲି ସୂଚନା ମିଳିଛି l

କାମରାଜ ପ୍ଲାନ ରେ ଯେଭଳି ଭାବରେ 1963 ରେ କଂଗ୍ରେସର ନବକଳେବର ହୋଇଥିଲା ସେଭଳି ଭାବରେ ଏବେ ବିଜୁ ଜନତା ଦଳ ସେହି ପ୍ଲାନ ଆପଣେଇଛି ବୋଲି ଚର୍ଚ୍ଚା ହେଉଛି l ସମସ୍ତ ବରିଷ୍ଠ ନେତାମାନେ ନିଜ ପଦରୁ ଇସ୍ତଫା ଦେଇ ସମସ୍ତ ଶକ୍ତି ତୃଣମୂଳ ସ୍ତରରେ ବିଜେଡି କୁ ଉତ୍ସର୍ଗ କରିବେ ଏବଂ ନେତାମାନେ ସାଂଗଠନିକ କାର୍ଯ୍ୟ ଗ୍ରହଣ କରିବାକୁ ମନ୍ତ୍ରୀ ପଦ ଛାଡ଼ିବେ ବୋଲି ଚର୍ଚ୍ଚା ହଉଛି l

Leave a Reply

Your email address will not be published.

Back to top button