fire

  • ଆକସ୍ମିକ ଭାବେ ଲାଗୁଛି ନିଆଁ

    BBSR_FIRE_PKG

    ଭୁବନେଶ୍ୱର: ତିନିଦିନ ହେଲା ମଞ୍ଚେଶ୍ୱର ଥାନା  ଅନ୍ତର୍ଗତ ରୋକଟ ଗାଁରେ ନିଆଁ ।  ଗ୍ରାମବାସୀ ଓ ଦମକଳ ବାହିନୀ ମିଳିତ ଉଦ୍ୟମରେ ନିଆଁ  ଲିଭାଇବାକୁ ଚେଷ୍ଟା କରି ମଧ୍ୟ ଲିଭୁନି ନିଆଁ। କେବଳ ଘରେ ନୁହେଁ ଗଛ ଆଉ ପାଳ ଗଦାରେ ବି ଲାଗୁଛି ନିଆଁ। ଏମିତିକି କଞ୍ଚା ଗଛରେ ବି ନିଆଁ ଲାଗି ଯାଉଛି । ଲୋକେ ବାହାରକୁ ବି ଯାଉନାହାନ୍ତି । କାରଣ କୌଣସି ମୁହୁର୍ତ୍ତରେ ବି ସେମାନଙ୍କ ଘରେ ନିଆଁ ଲାଗିଯିବାର ଭୟ ରହୁଛି ସ୍ଥାନୀୟ ପରିସ୍ଥିତି ଦେଖି ଦୁଇଟି ଦମକଳ ଗାଡ଼ି ସହ ଅଗ୍ନିଶମ ବାହିନୀର କର୍ମଚାରୀ ଉପସ୍ଥିତ ଅଛନ୍ତି।

    ଆକସ୍ମିକ ଭାବେ ଲାଗୁଛି ନିଆଁ। ଆତଙ୍କରେ ଗ୍ରାମବାସୀ।  ବିତିଗଲାଣି 3 ଦିନ l ହେଲେ ଏବେ ଯାଏଁ ନିଆଁ ଲାଗିବାର କାରଣ ଅସ୍ପଷ୍ଟ ରହିଛି । ଏଭଳି  କିଛି  ଦୃଶ୍ୟ  ଦେଖିବାକୁ ମିଳିଛି ରାଜଧାନୀ ଉପକଣ୍ଠ ମଞ୍ଚେଶ୍ୱର ଥାନା ଅନ୍ତର୍ଗତ ରୋକଟ ଗ୍ରାମରେ l କ୍ରମାଗତ ଅଗ୍ନିକାଣ୍ଡ ଯୋଗୁ ଆତଙ୍କରେ ଅଛନ୍ତି ଗ୍ରାମବାସୀ। ଦୁଇଦିନ ହେବ ଗ୍ରାମରେ ପ୍ରତ୍ୟେକ ଜାଗାରେ ନିଆଁ ଲାଗୁଛି। ଏମିତିକି ପ୍ରତି ଅଧଘଣ୍ଟା ବ୍ୟବଧାନରେ ପାଳଗଦାରୁ ଘରକୁ ଡେଉଁଛି ନିଆଁ।  ବାରମ୍ବାର ନିଆଁ ଲାଗୁଥିବା ଯୋଗୁ ଅଗ୍ନିଶମ ବାହିନୀର କର୍ମଚାରୀମାନେ ଏବଂ ଗ୍ରାମବାସୀ ଘଟଣାସ୍ଥଳରେ  ଜଗି ରହିଛନ୍ତି।

    ବିଜ୍ଞାନ ଯୁଗରେ ଅତ୍ୟଧିକ ତାପମାତ୍ରା ଯୋଗୁ ଏପରି ଅଗ୍ନିକାଣ୍ଡ  ଘଟିବାର ସନ୍ଦେହ କରାଯାଉଥିବା  ବେଳେ ଗ୍ରାମଦେବୀ ଙ୍କ କୋପରୁ ଏଭଳି  ଘଟୁଛି  ବୋଲି ପ୍ରତିକ୍ରିୟା ରଖିଛନ୍ତି କିଛି ଗ୍ରାମବାସୀ l ହଠାତ  ନିଆଁ ପିଣ୍ଡୁଳା ସଦୃଶ୍ୟ ଆସୁଛି  ଏବଂ ପାଳଗଦା  ଜଳାଇ ଦଉଚି ଯାହାକୁ ନେଇ ଏବେ ଚିନ୍ତାରେ ସମସ୍ତେ l

  • ଅଗ୍ନିକାଣ୍ଡରେ ଜଳିଗଲା ପାଞ୍ଚ ବାଇକ ଓ କାର

    ସୁବର୍ଣ୍ଣପୁର: ଗ୍ୟାରେଜରେ ନିଆଁଲାଗି ଜଳିଗଲା ବାଇକ ଓ କାର । ଘଟଣାଟି ଘଟିଛି ସୁବର୍ଣ୍ଣପୁରୁ ଜିଲ୍ଲା ବନିକା ସହର ଡେଲି ମାର୍କେଟରେ ।  ଗ୍ୟାରେଜଟି ବିନିକାର ସହରର ନରେନ୍ଦ୍ର ସାହୁଙ୍କର ବୋଲି ଜଣାପଡିଛି । ଏହି ଅଗ୍ନିକାଣ୍ଡରେ 5 ବାଇକ ସହ ଗୋଟେ କାର ଜଳି ପୋଡି ପାଉଁସ ହୋଇଯାଇଛି ।  

    ସୂଚନା ମୁତାବକ ସୋମବାର ବିଳମ୍ବିତ ରାତିରେ ବିନିକା ସହରରେ ପୋଲିସ ପେଟ୍ରୋଲିଂ କରୁଥିବା ସମୟରେ ସହର ମଝିରେ ଥିବା ଡେଲି ମାର୍କେଟ ନିକଟ ଏକ ବାଇକ ଗ୍ୟାରେଜରେ ଧୁଆଁ ବାହରୁଥିବାର ଦେଖିଥିଲେ । ସେମାନେ ଘଟଣା ସ୍ଥଳକୁ ଯାଇ ଦେଖନ୍ତି ତ ଗ୍ୟାରେଜରେ ନିଆଁ ଲାଗିଥିଲା  । ସେମାନେ ତୁରନ୍ତ ବିନିକା ଦମକଳ ବାହୀନିକୁ ଖବର ଦେଇଥଇଲେ । ସେଠାରେ ଦମକଳ ବାହୀନି ପହଞ୍ଚି ତୁରନ୍ତ ନିଆଁକୁ ଆୟତ୍ତ କରିଥିଲେ । ନିଆଁ ଆୟତ୍ତ ହୋଇଥିଲେ ମଧ୍ୟ ସେଠାରେ ଥିବା କାର, ବାଇକ ଓ ଟାୟାରରେ ନିଆଁ ଲାଗି ସଂପୂର୍ଣ୍ଣ ନଷ୍ଟ ହୋଇଯାଇଥିଲା ।

    ତେବେ ଏହି ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବାବେଳେ  ଏଥିରେ କେହି ଆହାତ ହୋଇନାହାନ୍ତି ।

  • ବିଲ୍ଡିଂରେ ନିଆଁ ଲାଗି ଛଅ ଜୀବନ୍ତ ଦଗ୍ଧ

    ହାଇଦ୍ରାବାଦ: ତେଲେଙ୍ଗାନାର ଏକ ମଲିଟ କମରସିଆଲ କମ୍ପ୍ଲେକ୍ସରେ ଭୟାବହ ଅଗ୍ନିକାଣ୍ଡ। ଅଗ୍ନିକାଣ୍ଡରେ ୬ ଜୀବନ୍ତ ଦଗ୍ଧ। ଅଗ୍ନିଶମ ବାହିନୀ ଘଟଣାସ୍ଥଳରେ ନିଆଁ ଲିଭାଇବା ସହ କମ୍ପ୍ଲେକ୍ସ ଭିତରୁ ୧୩ ଜଣଙ୍କୁ ଉଦ୍ଧାର କରିଥିବା ବେଳେ ୬ ଜଣ ଆହତ ହୋଇଛନ୍ତି। ଆହତମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଘଟଣାକୁ ନେଇ ପୁଲିସ ପକ୍ଷରୁ ଆରମ୍ଭ ହୋଇଛି ତଦନ୍ତ।

    ଗୁରୁବାର ସଂଧ୍ୟା ପ୍ରାୟ ୭.୩୦ରେ ହାଇଦ୍ରାବାଦ ସ୍ଥିତ ଏକ କମରସିଆଲ କମ୍ପ୍ଲେକ୍ସ ର ୫ମ ଫ୍ଲୋରରେ ନିଆଁ ଲାଗିଯାଇଥିଲା। ନିଆଁ ଲାଗିବାରୁ କମ୍ପ୍ଲେକ୍ସରେ ଲାଗିଯାଇଥିଲା ଧାଁ ଦୌଡ। ଦେଖୁ ଦେଖୁ ନିଆଁ ପୁରା ଫ୍ଲୋରକୁ ବ୍ୟାପିଯିବା ସହ ପୁରା ବିଲ୍ଡିଂ ହୁତୁ ହୁତୁ ହୋଇ ଜଣିଥିଲା। କମ୍ପ୍ଲେକ୍ସ ଭିତରୁ ବହୁ ଲୋକ ବାହାରି ଯାଇଥିବା ବେଳେ ୧୩ ଜଣ ଫସିଯାଇଥିଲେ।

    ସୂଚନା ପାଇ ସଙ୍ଗେ ସଙ୍ଗେ ପୁଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଆୟତ୍ତରେ ନିୟୋଜିତ ହୋଇଥିଲେ ତଥା ଫସିଥିବା ଲୋକଙ୍କୁ ଉଦ୍ଧାର କରିଥିଲେ। ୭ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଥିବା ବେଳେ ୬ ଜଣ ନିଆଁରେ ଜଳିଯାଇଥିଲେ। ଆହତମାନଙ୍କୁ ତୁରନ୍ତ ସ୍ଥାନୀୟ ହସ୍ପିଟାଲ ନିଆଯାଇଥିବା ବେଳେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ମୃତକଙ୍କ ମଧ୍ୟରେ ୪ ମହିଳା ଓ ୨ ପୁରୁଷ ଥିଲେ।

    କେନ୍ଦ୍ରମନ୍ତ୍ରୀ କିଶାନ ରେଡ୍ଡି ଏହି ଦୁଃଖଦ ଘଟଣା ପାଇଁ ଶୋକ ବ୍ୟକ୍ତ କରିଛନ୍ତି। ମନ୍ତ୍ରୀ ଟ୍ବିଟ କରି ଅଗ୍ନିକାଣ୍ଡରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ପରିଜନଙ୍କୁ ସମବେଦନା ଜଣାଇଛନ୍ତି ଓ ଆହତଙ୍କ ଆଶୁ ଆରୋଗ୍ୟକାମନା କରିଛନ୍ତି।

  • ୨୨ ମହଲାରେ ନିଆଁ

    ମୁମ୍ବାଇ: ମହାରାଷ୍ଟ୍ରର ରାଜଧାନୀ ମୁମ୍ବାଇର ମଲାଡ ଅନ୍ତର୍ଗତ ଜନକଲ୍ୟାଣ ନଗରର ଏକ କୋଠାରେ ଅଗ୍ନିକାଣ୍ଡ। ଆଜି କୋଠାରେ ନିଆଁ ଲାଗିବା ପରେ ଘଟଣାସ୍ଥଳରେ ୫ଟି ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି।

    ସୂଚନା ମୁତାବକ, ଶନିବାର ସକାଳ ପ୍ରାୟ ୧୧ଟାରେ ମଲାଡରେ ଥିବା ୨୨ ମହଲା ବିଶିଷ୍ଟ କୋଠାରେ ନିଆଁ ଲାଗିଯାଇଥିଲା।  ତେବେ ଏହି ଘଟଣାରେ କେହି ହତାହତ ହୋଇଥିବାର ସୂଚନା ନାହିଁ। ଜନକଲ୍ୟାଣ ନଗରସ୍ଥିତ ମରିନା ଏନକ୍ଲେଭର ତୃତୀୟ ମହଲାରେ ସ୍ଥିତ ଏକ ଫ୍ଲାଟରେ ପ୍ରଥମେ ନିଆଁ ଲାଗିଯାଇଥିଲା। ଦେଖୁଦେଖୁ ନିଆଁ ପୁରା ଫ୍ଲୋରକୁ ବ୍ୟାପିଯାଇଥିଲା।

    ତେବେ ସୂଚନା ପାଇଁ ୫ଟି ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ୧୫ ମିନିଟରେ। କିପରି ନିଆଁ ଲାଗିଲା ତାହାର କାରଣ ଜଣାପଡିନଥିଲା ବେଳେ ପୁଲିସ ମାମଲାର ତଦନ୍ତ କରୁଛି।

  • ୫ ବର୍ଷ ଭିତରେ ୫୦ ହଜାରରୁ ଊର୍ଦ୍ଧ୍ୱ ଲୋକ ଜୀବିନ୍ତ ଦଗ୍ଧ

    ନିଆଁ! ଏନ୍ତୁଡି ଶାଳରୁ ଶ୍ମଶାନ ସବୁଠି ରହିଛି ଏହା ଉପସ୍ଥିତି। ନିଆଁ ବିନା ମଣିଷ ଜୀବନ ଅସମ୍ଭବ। ତଥାପି ଅନେକ ସମୟରେ ଏହା ବିନାଶର କାରଣ ମଧ୍ୟ ହୋଇଥାଏ। ଛୋଟିଆ ଝୁଲ ବି ଜଳାଇ ଦେଇପାରେ ଗାଁ ପରେ ଗାଁ। ଦେଖୁ ଦେଖୁ ଆଖି ପିଛୁଳାକେ ମାଡି ଯାଇଥାଏ ନିଆଁ। ଯାହାଫଳରେ ବହୁ ଧନଜୀବନ ନଷ୍ଟ ହୋଇଥାଏ। ନିଆଁ ବା ଅଗ୍ନିକାଣ୍ଡର ଭୟାବହତାକୁ ନେଇ ସମସ୍ତେ ଅଳ୍ପ ବହୁତେ ଅବଗତ। ଗତ ୫ ବର୍ଷରେ ଦେଶରେ ୫୦ ହଜାରରୁ ଉର୍ଦ୍ଧ୍ୱ ଲୋକଙ୍କ ପ୍ରାଣହାନୀ ଏହାର ଭୟଙ୍କରତା ବଖାଣିବାକୁ ଯଥେଷ୍ଟ।

    ବିହାରର ଔରାଙ୍ଗାବାଦ ଜିଲ୍ଲାରେ ଛଟ ପୂଜାରେ ପ୍ରସାଦ ପ୍ରସ୍ତୁତି ହେଉଥିବା ସମୟରେ ଏକ ବଡ ଅଗ୍ନିକାଣ୍ଡ ଘଟିଛି। ଶନିବାର ସକାଳେ ଶାହଗଞ୍ଜ ତେଲି ମୋହଲ୍ଲାରେ ଏକ ଏଲପିଜି ସିଲିଣ୍ଡର ବିସ୍ଫୋରଣ ହୋଇଥିଲା। ଏଥିରେ ପ୍ରାୟ ୩୫ ଜଣ ଜୀବିତ ଜଳିଯାଇଥିବା ବେଳେ ଅନେକ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। ତେବେ ଏଥିରେ ରୋଷେଇଆ,  ସ୍ଥାନୀୟ ଲୋକଙ୍କ ସମେତ ପୋଲିସ କର୍ମଚାରୀ ମଧ୍ୟ ରହିଥିବା ସୂଚନା ମିଳିଛି। ଏହି ଅଗ୍ନିକାଣ୍ଡରେ ଗୁରୁତରମାନଙ୍କ ଅବସ୍ଥା ସଙ୍କଟାପୂର୍ଣ୍ଣ ଥିବା ନେଇ ସୂଚନା ମିଳିଛି।

    ତେବେ ଏହା ଅଗ୍ନିକାଣ୍ଡର ପ୍ରଥମ ଘଟଣା ନୁହେଁ, ଯାହା ଲୋକଙ୍କ ଜୀବନକୁ ବିପଦରେ ପକାଇ ଦେଇଛି। ଏହା ପୂର୍ବରୁ ଅନେକ ବଡ ବଡ ଅଗ୍ନିକାଣ୍ଡ ଘଟିଛି। ଗତବର୍ଷ ଆଠ ହଜାରରୁ ଅଧିକ ଲୋକ ଅଗ୍ନିକାଣ୍ଡର ଶିକାର ହୋଇଥିଲେ। ଦେଶରେ ପ୍ରତ୍ୟେକ ବର୍ଷ ଏକାଧିକ ଭୟଙ୍କର ଅଗ୍ନିକାଣ୍ଡ ଘଟୁଛି।

    ଗତବର୍ଷ ଅର୍ଥାତ୍ ୨୦୨୧ ରେ ୮,୪୯୧ ଆଗ୍ନିକାଣ୍ଡ ପଞ୍ଜିକୃତ ହୋଇଛି। ଏହି ସଂଖ୍ୟାଗୁଡିକ ଜାତୀୟ ଅପରାଧ ରେକର୍ଡ ବ୍ୟୁରୋ (ଏନସିଆରବି) ର ଅଟେ। ଏହି ରିପୋର୍ଟ  ଅନୁଯାୟୀ, ୨୦୨୧ ମସିହାରେ ସମୁଦାୟ ୮,୩୪୮ ଜଣ ଲୋକ ଜୀବନ୍ତ ଦଗ୍ଧ ହୋଇ ବିଭିନ୍ନ ଅଗ୍ନିକାଣ୍ଡରେ ପ୍ରାଣ ହରାଇଛନ୍ତି। ଏଥିମଧ୍ୟରୁ ୫୦ ପ୍ରତିଶତରୁ ଅଧିକ ମାମଲା ଆବାସିକା କୋଠା ଏବଂ କଲୋନୀରେ ଘଟିଛି। ୨୦୨୦ ତୁଳାନାରେ ଏହା ୯ପ୍ରତିଶତ କମ୍ ରହିଥିବାରୁ ଏକ ପ୍ରକାର ଆଶ୍ବସ୍ଥିର ବିଷୟ ଅଟେ। ତେବେ ୨୦୨୦ରେ ୯,୩୨୯ ଅଗ୍ନିକାଣ୍ଡ ଘଟିଥିଲା। 

    ଜାତୀୟ ଅପରାଧ ରେକର୍ଡ ବ୍ୟୁରୋ ଅର୍ଥାତ୍ NCRB  ଅନୁଯାୟୀ, ୨୦୧୭ ରୁ ୨୦୨୧ ପର୍ଯ୍ୟନ୍ତ ପାଞ୍ଚ ବର୍ଷ ମଧ୍ୟରେ ୫୫ ହଜାର ୩୫୩ ଅଗ୍ନିକାଣ୍ଡ ଘଟଣା ପଞ୍ଜିକୃତ ହୋଇଛି। ଏଥିରେ ୫୪ ହଜାର ୨୮୦ ଜଣଙ୍କର ମୃତ୍ୟୁ ଘଟିଛି।

    ସର୍ବାଧିକ ୪୩୪୮ ଅଗ୍ନିକାଣ୍ଡ ଘଟଣା ଆବାସିକ ସ୍ଥଳି ଏବଂ ଅଟ୍ଟଳିକାରେ ଘଟିଛି। ଏହାପରେ ବ୍ୟବସାୟୀଙ୍କ ଦୋକାନରେ ୨୭୪ ଟି ଘଟଣା, ଯାନବାହନରେ ୨୪୧ ଟି ଘଟଣା ପଞ୍ଜିକୃତ ହୋଇଛି। ବର୍ଷକୁ ବର୍ଷ ଅଗ୍ନିକାଣ୍ଡ ଏବଂ ମୃତ୍ୟୁ ସଂଖ୍ୟା ହ୍ରାସ ପାଇବାରେ ଲାଗିଛି।

  • ବୌଦ୍ଧ ମୁଖ୍ୟ ଚିକିତ୍ସାଳୟରେ ଅଗ୍ନିକାଣ୍ଡ

    ବୌଦ୍ଧ: ବୌଦ୍ଧ ମୁଖ୍ୟ ଚିକିତ୍ସାଳୟ ରେ ଅଗ୍ନିକାଣ୍ଡ। ଔଷଧ ବିତରଣ କେନ୍ଦ୍ରରେ ଲାଗିଲା ନିଆଁ। ନିଆଁକୁ ଆୟତ କରିବାକୁ ଦମକଳ ବାହିନୀର ଉଦ୍ୟମ ଜାରି। ବହୁ ଔଷଧପତ୍ର ପୋଡ଼ି ଯାଇଥିବା ସୂଚନା। ସୂଚନା ଅନୁଯାୟୀ, ବୌଦ୍ଧ ମୁଖ୍ୟ ଚିକିତ୍ସାଳୟର ନିରାମୟ କେନ୍ଦ୍ରର ଗୋଦାମ ଗୃହରୁ ହଠାତ ଧୂଆଁ ବାହାରିବା ଦେଖିଥିଲେ ମେଡିକାଲ କର୍ମଚାରୀ। କବାଟ ଖୋଲି ଦେଖିବାରୁ ନିଆଁ ଗୋଦାମ ଗୃହରେ ନିଆଁ ଜଳୁଛି। ତେବେ ମେଡିକାଲ କର୍ମଚାରୀ ଦମକଳ ବାହିନୀକୁ ଖବର ଦେବା ପରେ ଦମକଳ ବାହିନୀ ଆସି ନିଆଁକୁ ଆୟତ କରିଛନ୍ତି।  ନିରାମୟ କେନ୍ଦ୍ରର ବହୁ ଔଷଧପତ୍ର ପୋଡ଼ି ଯାଇଥିବା ବେଳେ ଔଷଧ ବିତରଣ ବନ୍ଦ ରହିଛି ।

  • ହୋଟେଲରେ ଅଗ୍ନିକାଣ୍ଡ

    ଲକ୍ଷ୍ମୌ: ଉତ୍ତରପ୍ରଦେଶର ରାଜଧାନୀ ଲକ୍ଷ୍ମୌରେ ଭୟାବହ ଅଗ୍ନିକାଣ୍ଡ। ହଜରତ୍‌ଗଞ୍ଜରେ ଅବସ୍ଥିତ ଲେଓ୍ୱାନା ନାମକ ଏକ ହୋଟେଲରେ ନିଆଁ ଲାଗିଥିବା ସୂଚନା। ଅଗ୍ନିଶମ ବିଭାଗ ଦ୍ୱାରା ନିଆଁ ଲିଭା କାର୍ଯ୍ୟ ଜାରି ରହିଛି। ତେବେ ହୋଟେଲ ମଧ୍ୟରେ ଅନେକ ଲୋକ ଫସି ରହିଥିବା ବେଳେ ଝରକା ଦ୍ୱାରା ଲୋକଙ୍କୁ ଉଦ୍ଧାର କାର୍ଯ୍ୟ ଜାରି ରହିଛି। ଏଯାଏଁ ସୁରକ୍ଷିତ ଭାବେ ୨୪ ଲୋକଙ୍କୁ ଉଦ୍ଧାର କରାଯାଇଛି। ୭ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ୨ ଜଣଙ୍କ ମୃତ୍ୟୁ ହୋଇଛି। ତେବେ ୧୦ଟି ହସ୍ପିଟାଲକୁ ଆଲର୍ଟ କରାଯାଇଛି। ଫସି ରହିଥିବା ଲୋକ ହୋଟେଲ ନିକଟରେ ଭିଡ ଜମାଇଥିବା ବେଳେ ଶାନ୍ତି ବଜାୟ ରଖିବାକୁ ସ୍ଥାନୀୟ  ପ୍ରଶାସନ ପକ୍ଷରୁ ଅପିଲ କରାଯାଇଛି । ଅନ୍ୟପଟେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘଟଣାକୁ ନେଇ ଦୁଃଖ ପ୍ରକାଶ କରିବା ସହ।

  • ରଣବୀର-ଶ୍ରଦ୍ଧାଙ୍କ ଶୁଟିଙ୍ଗ ସେଟ୍ ରେ ନିଆଁ

    ମୁମ୍ୱାଇ ମାୟାନଗରୀରେ ଏକ ବଡ ଧରଣର ଦୁର୍ଘଟଣା। ବଲିଉଡ ଷ୍ଟାର ରଣବୀର କପୁର ଏବଂ ଶ୍ରଦ୍ଧା କପୁରଙ୍କ ସେଟରେ ଭୟଙ୍କର ଅଗ୍ନିକାଣ୍ଡ ଘଟିଛି। ଶୁକ୍ରବାର ସନ୍ଧ୍ୟାରେ ମୁମ୍ୱାଇର ଅନ୍ଧେରି ୱେଷ୍ଟର ଚିତ୍ରକୋଟ୍ ଷ୍ଟୁଡିଓରେ ଏହି ଅଘଟଣା ଘଟିଛି। ତେବେ ରଣବୀର ଓ ଶ୍ରଦ୍ଧାଙ୍କ ଆଗାମୀ ଫିଲ୍ମର ଏକ ଗୀତର ସୁଟିଂ ପାଇ ସେଟ୍‌ ଅପ୍ କରାଯାଉଥିଲା। ଏହି ସମୟରେ ଅଘଟଣ ଘଟିଥିଲା। ତେବେ ଘଟଣା ସ୍ଥଳରେ କୌଣସି କ୍ଷୟକ୍ଷତି ହୋଇନଥିବା ସୂଚନା ମିଳିଛି। ସୂଚନା ଅନୁଯାୟୀ, ମୁମ୍ୱାଇ ସଦର ବଜାର ନିକଟରେ ଚିତ୍ରକୋଟ ଗ୍ରାଉଣ୍ଡରୁ ସ୍ତରର ଅଗ୍ନିକାଣ୍ଡ ଦେଖିବାକୁ ମିଳିଥିଲା। ଘଟଣା ସ୍ଥଳରୁ ଅନେକ ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି। ଅନ୍ଧେରି ଅଞ୍ଚଳରେ ନିଆଁର ପ୍ରଭାବ ଏତେ ଜୋରରେ ଥିଲା ଯେ, ପୁରା ଆକାଶ କଳାଧୂଆଁରେ ଢାଙ୍କି ହୋଇଯାଇଥିଲା।

    ଖବର ପାଇ ଘଟଣା ସ୍ଥଳରେ ୧୦ଟି ଅଗ୍ନିସମବାହିନ ଗାଡି ଏବଂ ୨ଟି ଜଳ ଟ୍ୟାଙ୍କର ଆସି ନିଆଁକୁ ଆୟତ୍ତ କରିବାରେ ନିୟୋଜିତ ହୋଇଥିଲେ। ଏହି ଘଟଣା କୋଣସି କ୍ଷୟକ୍ଷତି ହୋଇନାହିଁ ନଥିବା ସୂଚନା ମିଳିଛି। ଲବ ରଞ୍ଜନଙ୍କ ଫିଲ୍ମରେ ପ୍ରଥମ ଥର ପାଇଁ ରଣବୀର କପୁର ଏବଂ ଶ୍ରଦ୍ଧା କପୁର ଏକା ସାଙ୍ଗରେ ଫିଲ୍ମରେ ସ୍କ୍ରିନ ସେୟାର କରିବାକୁ ଯାଉଛନ୍ତି। ତେବେ ଉଭୟଙ୍କ ଫ୍ୟାନ୍ସମାନେ ଅଗ୍ନିକାଣ୍ଡକୁ ନେଇ ବହୁ ଚିନ୍ତିତ ଥିବା ନେଇ ସୋସିଆଲ ମିଡିଆରେ ପୋଷ୍ଚ କରିଛନ୍ତି। ତେବେ ତାଙ୍କର ଆଗାମୀ ଫିଲ୍ମକୁ ନେଇ ଫ୍ୟାନ୍ସମାନେ ଶୁଭେଚ୍ଛା ଜଣାଇଛନ୍ତି।

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
  • ଦିଲ୍ଲୀରେ ଭୟାବହ ଅଗ୍ନିକାଣ୍ଡ

    ଦିଲ୍ଲୀ: ଦିଲ୍ଲୀର ଲରେନ୍ସ ରୋଡରେ ଭୟାବହ ଅଗ୍ନିକାଣ୍ଡ। ଏକ ଜୋତା କାରଖାନାରେ ଅଗ୍ନିକାଣ୍ଡ ଘଟିଛି। ସୂଚନା ପାଇ ଘଟଣା ସ୍ଥଳରେ ୨୬ଟି ଦମକଳ ବାହିନୀ ପହଞ୍ଚିଥିଲେ। ତେବେ ନିଆଁକୁ ଆୟତ୍ତ କରିବା ପାଇଁ ଅଗ୍ନିଶମ ବାହିନୀ ଜୋରସୋର ପ୍ରଚେଷ୍ଟା ଜାରି ରଖିଛି। ଏହି ଘଟଣାରେ ବର୍ତ୍ତମାନ କୌଣସି କ୍ଷୟକ୍ଷତି ହୋଇଥିବା ସୂଚନା ମିଳିନାହିଁ। ସୂଚନା ଅନୁଯାୟା, କାରଖାନାରେ ନିଆଁ ପ୍ରାୟ ସାଢେ ୯ଟାରେ ଲାଗିଛି। ଏହାର ତିନି ଦିନ ପୂର୍ବରୁ ଦିଲ୍ଲୀର ମାୟାପୁରୀ ଅଞ୍ଚଳରେ ଥିବା ଏକ ଜୋତା କାରଖାନାରେ ଏକ ବଡ ଧରଣର ଅଗ୍ନିକାଣ୍ଡ ଘଟିଥିଲା।

    ଘଟଣାସ୍ଥଳରେ ୨୩ଟି ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାରେ ସଫଳ ହୋଇଥିଲେ। ଗତ କିଛି ଦିନ ହେବ ଦିଲ୍ଲୀରେ ଅନେକ ଅଗ୍ନିକାଣ୍ଡ ଘଟଣା ସାମ୍ନାକୁ ଆସିଛି। ଯେଉଁଥିରେ କିଛି ଲୋକ ପ୍ରାଣ ହରାଇଥିବା ବେଳେ ବହୁ କ୍ଷୟକ୍ଷତି ହୋଇଛି। ଅନେକ ଲୋକ ଅଗ୍ନିଶମ କର୍ମଚାରୀଙ୍କ ଦ୍ୱାରା ଜୀବନ୍ତ ଉଦ୍ଧାର ହୋଇଛନ୍ତି।

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
  • ବ୍ରିଟେନରେ ସବୁ ରେକର୍ଡ ଭାଙ୍ଗିଛି ପାରଦ

    ବ୍ରିଟେନରେ ସବୁ ରେକର୍ଡ ଭାଙ୍ଗିଛି ପାରଦ । ପ୍ରଥମ ଥର ସର୍ବାଧିକ ତାପମାତ୍ରା ୪୦.୨ ଡିଗ୍ରି ସେଲସିୟସ ରହିଛି । ପ୍ରତି ତିନି ବର୍ଷରେ ଥରେ ବ୍ରଟିନରେ ଗ୍ରୀଷ୍ମ ଲହର ରେ ଭାଜି ହୁଏ । ବୋଲି ପାଣିପାଗ ବିଶେଷଜ୍ଞ କହିଛନ୍ତି । ୨୦୧୯ ଜୁଲାଇ ସର୍ବାଧିକ ତାପମାତ୍ରା ୩୮.୭ ରହିଥିଲା । ୟୁରୋପରେ ଜାରି ରହିଥିବା ଗ୍ରୀଷ୍ମ ଲହର ଏବେ ଉତ୍ତର ମୁହାଁ ହେଉଥିବା ଜଣାପଡିଛି । ସେପଟେ ଗ୍ରୀସ, ଫ୍ରାନସ୍ , ନେଦରଲ୍ୟାଣ୍ଡ ,ପର୍ତ୍ତୁଗାଲ, ଷ୍ପେନ ଭଳି ୟୁରୋପୀୟ ଦେଶରେ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଛି । ପର୍ତ୍ତୁଗାଲରେ ପାଦ ୪୭ ଡିଗ୍ରି ପାର କରିଛି । ଫ୍ରାନସରୁ ବର୍ତ୍ତମାନ ୩୦ ହଜାରରୁ ଉର୍ଧ ଲୋକଙ୍କୁ ଉଦ୍ଧାର କରାଯାଇ ଅସ୍ଥାୟୀ ଆଶ୍ରୟସ୍ଥଳୀ ରେ ରଖାଯାଇଛି । ଫ୍ରାନସର ଲୋକପ୍ରିୟ ପର୍ଯ୍ୟଟନ ସ୍ଥଳୀ ଗିରଡେ ସର୍ବାଧିକ ପ୍ରଭାବିତ ହୋଇଛି । ଏଠାରେ ଜଙ୍ଗଲ ନିଆଁ ବ୍ୟାପୁଛି ।

    ଏ ପର୍ଯ୍ୟନ୍ତ ୪୭ ହଜାର ଏକର ଜଙ୍ଗଲ ପୋଡି ପାଉଶଁ ହୋଇଗଲାଣି । ସ୍ଥିତି ଏଭଳି ସ୍ତରରେ ପହଞ୍ଚିଛି ଯେ ବ୍ରିଟେନର ବିଭିନ୍ନ ଭାଗରେ ବିମାନ ବନ୍ଦରରେ ରନୱେ ଏବେ ତରଳିବାକୁ ଲାଗିଛି । ବ୍ରିଟେନ ବ୍ୟତୀତ ଫ୍ରାନସ୍, ଜର୍ମାନୀ, ସ୍ୱିଜରଲାଣ୍ଡ, ଭଳି ଅନେକ ରାଷ୍ଟ୍ରରେ ସ୍ଥିତି ଅସମ୍ଭାଳ । ଏହା ଛଡା ବହୁ ଡଙ୍ଗଲରେ ନିଆଁ ଲାଗି ସ୍ଥିତି ଅଧିକ ଦୁର୍ବିଶହ ହୋଇପଡିଛି । ଗ୍ରୀଷ୍ମ ପ୍ରବାହର ପ୍ରଭାବ କ୍ରିକେଟ ଉୁପରେ ପଡିଛି । ପଡିଆ ଭିତରେ ୭ ଘଣ୍ଟା କଟାଇବା ଖେଳାଳୀଙ୍କ ପାଇଁ କଷ୍ଟକର ହୋଇପଡିଛି । ଇଂଲଣ୍ଡ ଦକ୍ଷିଣଆଫ୍ରିକା ମ୍ୟାଚ ବେଳେ ଏଭଳି ସ୍ଥିତି ଦେଖିବାକୁ ମିଳିଛି । ପୁରା ମ୍ୟାଚରେ ଏପରି ଦୃଶ୍ୟ ଦେଖିବାକୁ ମିଳିଥିଲା ।

    • ସ୍ମରଜିତ ଆର୍ଯ୍ୟଙ୍କ ରିପୋର୍ଟ
Back to top button