teacher

  • ସୁଶାନ୍ତ ସାର: ସମାଜ ପାଇଁ ଉଦାହରଣ

    ମାଲକାନଗିରି: ଦୀର୍ଘ ବର୍ଷ ଚାକିରି ଜୀବନରେ ବହୁତ ପିଲାଙ୍କୁ ମଣିଷ କରିଥିବା ସୁଶାନ୍ତ ସାର ଅବସର ପରେ ମଧ୍ୟ ସମାଜ ପାଇଁ ନିଜକୁ ଉତ୍ସର୍ଗ କରିବେ ବୋଲି ସ୍ଥିର କରିଛନ୍ତି।   ଚାକିରିର ଶେଷ ଦିନରେ ସେ ରକ୍ତଦାନ କରିଥିଲେ ।  ଏଥିପାଇଁ ତାଙ୍କୁ ବିଭିନ୍ନ ମହଲରୁ ସାଧୁବାଦ ସୁଅ ଛୁଟୁଛି।।           

    ସମାଜ ଗଠନରେ ଶିକ୍ଷକଙ୍କ ଭୂମିକା ଅନେକ । ଉଚିତ ଶିକ୍ଷାଦେବା ଏବଂ ଦେଶର ଭବିଷ୍ୟତ ଗଢିବାରେ ମୁଖ୍ୟ ଭୂମିକାରେ ଥାନ୍ତି ଶିକ୍ଷକ  ।   ସମାଜ ଗଠନରେ ଶିକ୍ଷକଙ୍କ ଭୂମିକା ବେଶ ଗୁରୁତ୍ବପୁର୍ଣ୍ଣ ।  ଉଚିତ ଶିକ୍ଷା ଦେଇ ଦେଶର ଭବିଷ୍ୟତ ଗଢିବାରେ ମୁଖ୍ୟ ଭୂମିକା ଗ୍ରହଣ କରିଥାନ୍ତି ଶିକ୍ଷକ ।  ମାଲକାନଗିରି ଜିଲ୍ଲାର ଏହିଭଳି ଜଣେ ଅନନ୍ୟ ଶିକ୍ଷକ ସୁଶାନ୍ତ କୁମାର ସାହୁ। ଯାହାଙ୍କ ବଳିଦାନ ପ୍ରକୃତରେ ପ୍ରଶଂସନୀୟ । ଦୀର୍ଘ ବର୍ଷ ଚାକିରି ଜୀବନରେ ବହୁତ ପିଲାଙ୍କୁ ମଣିଷ କରିଛନ୍ତି । ଚାକିରିର ଶେଷ ଦିନରେ ସେ ରକ୍ତଦାନ କରିଛନ୍ତି । କଟକ ଜିଲ୍ଲା ବାସୁଦେବପୁରର ମୂଳବାସିନ୍ଦା ସୁଶାନ୍ତ  1996 ମସିହାରେ ମାଲକାନଗିରି ଜିଲ୍ଲାରେ ନିଜର ଶିକ୍ଷକତା ଆରମ୍ଭ କରିଥିଲେ।

    ଏବେ ଜିଲ୍ଲାର ଫୁଲଗୁଡା ବିଦ୍ୟାଳୟରେ ଅବସର ନେଉଛନ୍ତି। ଅଵସର ଶେଷ ଦିନରେ ସେ ନିଜ ଶରୀରକୁ ଦାନ କରିଛନ୍ତି । ମୃତ୍ୟୁପରେ ଆବଶ୍ୟକ ରହିଥିବା ଅନ୍ୟର ଜୀବନ ବଞ୍ଚାଇବା ପରେ ଡାକ୍ତରୀ ପାଠ ପଢ଼ୁଥିବା ଛାତ୍ର ଛାତ୍ରୀଙ୍କ ନିମନ୍ତେ ତାଙ୍କ ଶରୀର କାର୍ଯ୍ୟରେ ଆସିବ। ପିଲାଟି ବେଳୁ ସେ ବ୍ରହ୍ମଚର୍ଯ୍ୟ ଗ୍ରହଣ କରି ବିଦ୍ୟାଳୟର ଛାତ୍ର ଛାତ୍ରୀଙ୍କୁ ନିଜର ଛୁଆ ଭାବରେ ମାନିନେଇଥିଲେ । ଆଉ ମୃତ୍ୟୁ ପରେ ବି ତାଙ୍କର ଶରୀର କାର୍ଯ୍ୟରେ ଆସି ପିଲା ପାଠ ପଢିବେ ବୋଲି କହିଛନ୍ତି । ସୁଶାନ୍ତ ସାରଙ୍କ ଏହି ଭଳି ଉତ୍ସର୍ଗୀକୃତ ବଳିଦାନ କୁ ବୁଦ୍ଧି ଯିବି ମହଲରେ ପ୍ରଂଶାସା କରାଯାଇଛି।।                  

     ଚାକିରିରୁ ଅବସର ପରେ ବାକି ଜୀବନ ସେ ସମାଜ ପାଇଁ କାମ କରିବେ ବୋଲି ନିଶ୍ଚିତ କରିଛନ୍ତି । । ତାଙ୍କର ଏହି ତ୍ୟାଗ ନେଇ ବିଭିନ୍ନ ମହଲରୁ ପ୍ରଂଶସାର ସୁଅ ଛୁଟୁଛି। ଜୀବନ ସାରା ଶିକ୍ଷାଦାନ  ଓ ଶରୀର ଦାନ କରି ତ୍ୟାଗର ମୂଲ୍ୟ ବୁଝାଇଛନ୍ତି ସୁଶାନ୍ତ ସାର ।

    ସନ୍ତୋଷ ନାଗଙ୍କ ରିପୋର୍ଟ

  • ଦଳିତ ଛାତ୍ରଙ୍କୁ ମାଡ ମାରି ଶିକ୍ଷକ ନିଲମ୍ୱିତ

    ଲକ୍ଷ୍ନୌ: ଶିକ୍ଷକଙ୍କ ଗାଡିରେ ହାତ ମାରିଦେବାରୁ ନିର୍ଦ୍ଧୁମ ମାଡ ହୋଇଛି ଦଳିତ ଛାତ୍ରଙ୍କୁ। ଏଭଳି ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶର ବାଲିଆ ଜିଲ୍ଲାର ନଗରା ଅଞ୍ଚଳର ଏକ ବିଦ୍ୟାଳୟରେ। ଏହି ଘଟଣାରେ ଶିକ୍ଷକଙ୍କୁ ନିଲମ୍ୱିତ କରାଯାଇଛି। ତେବେ ଜିଲ୍ଲା ମୌଳିକ ଶିକ୍ଷା ଅଧିକାରୀ ମଣିରାମ ସିଂ କହିଛନ୍ତି ଯେ, ଏହି ଖବର ପାଇବା ମାତ୍ରକେ ଏହି ଘଟଣାରେ ବ୍ଲକ ଶିକ୍ଷା ଅଧିକାରୀଙ୍କ ଦ୍ୱାରା ପ୍ରାଥମିକ ଅନୁସନ୍ଧାନ କରାଯାଇଥିଲା ଏବଂ ଏହି ରିପୋର୍ଟରେ ଶିକ୍ଷକ ଜଣଙ୍କ ଦୋଷୀ ସାବ୍ୟସ୍ତ ହୋଇଥିଲେ। ତାଙ୍କ ବିରୋଧରେ ସଙ୍ଗେ ସଙ୍ଗେ ଶନିବାର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଶିକ୍ଷକ କୃଷ୍ଣ ମୋହନ ଶର୍ମାଙ୍କୁ ତୁରନ୍ତ ପ୍ରଭାବରୁ ନିଲମ୍ୱିତ କରାଯାଇଛି। ଏହି ଘଟଣାରେ ପୋଲିସ ଶନିବାର ଶିକ୍ଷକ କୃଷ୍ଣଙ୍କ ବିରୋଧରେ  ମାମଲା ରୁଜୁ କରିଛି।

    ପୋଲିସର ସୂଚନା ଅନୁସାରେ, ଜିଲ୍ଲା ନଗରା ଥାନା ଅଞ୍ଚଳର ଭୀମପୁର ନମ୍ୱର-୨ ଗାଁର ବାସିନ୍ଦା ବିବେକ ନଗରା ରନାପୁରର ଉଚ୍ଚ ମାଧ୍ୟମିକ ବିଦ୍ୟାଳୟର ଷଷ୍ଠ ଶ୍ରେଣୀର ଛାତ୍ର। ବିବେକ ଶନିବାର ଦିନ ଗଣମାଧ୍ୟମକୁ କହିଛନ୍ତି ଯେ, ଶୁକ୍ରବାର ସ୍କୁଲରେ ମଧ୍ୟାହ୍ନ ଭୋଜନ ବିରତି ସମୟରେ ସ୍କୁଲ ଶିକ୍ଷକ କୃଷ୍ଣ ମୋହନ ଶର୍ମାଙ୍କ ବାଇକରେ ହାତ ରଖିଦେଇଥିଲେ।

    ଏହାପରେ ଶିକ୍ଷକ ରାଗି ଯାଇ ବିବେକଙ୍କ କର୍ଲର ଧରି ତାଙ୍କୁ ଟାଣି ନେଇ ଏକ କ୍ଲାସ ରୁମରେ ବନ୍ଦ କରିଦେଇଥିଲେ। ତାପରେ ଶିକ୍ଷକ ବିବେକକୁ ଲୁହା ପାଇପ ଓ ଝାଡୁରେ ପିଟିବା ସହ ତାଙ୍କ ତଣ୍ଚି ଚିପି ଦେଇ ଅକଥନୀୟ ଅତ୍ୟାଚାର କରିଥିଲେ। ସ୍କୁଲର ଅନ୍ୟ ଶିକ୍ଷକ ଓ ଛାତ୍ରମାନେ ଆସି ଶିକ୍ଷକଙ୍କୁ ଅଟକାଇ ବିବେକଙ୍କୁ ଉଦ୍ଧାର କରିଥିଲେ। ଏହି ଘଟଣା ପ୍ରଘଟ ହେବାପରେ ଅଭିଭାବକମାନେ ବିଦ୍ୟାଳୟ ସମ୍ମୁଖରେ ଧାରଣା ଦେବାସହ ହୋହାଲା କରିଥିଲେ।

    ଘଟଣା ସ୍ଥଳରେ ନଗରା ପୋଲିସ ଏବଂ ଶିକ୍ଷା ଅଧିକାରୀ ପହଞ୍ଚି ଅଭିଭାବଙ୍କୁ ବୁଝାସୁଝା କରି ଉତ୍ତେଜନାକୁ ଆୟତ୍ତ କରିଲେ। ଛାତ୍ର ଜଣଙ୍କ ଦଳିତ ବର୍ଗର ହୋଇଥିବାରୁ ତାଙ୍କୁ ଏପରି ଅକଥନୀୟ ଅତ୍ୟାଚାର ଦିଆଯାଇଛି ବୋଲି ଛାତ୍ରର ମାଆ କୌଶୀଳା ଅଭିଯୋଗ କରିଛନ୍ତି। ଶିକ୍ଷକଙ୍କ ବିରୋଧରେ ଥାନାରେ ମାମଲା ରୁଜୁ ହେବା ସହ ପୋଲିସ ଏହାର ତଦନ୍ତ ଜାରି ରଖିଛି।

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
  • ଜିଲ୍ଲାପାଳଙ୍କୁ ଭେଟିଲେ ଛାତ୍ର

    ମାଲକାନଗିରି: ଦୀର୍ଘଦିନ ଧରି ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ମାରିୱାଡା ଆଶ୍ରମ ବିଦ୍ୟାଳୟରେ ଜାରୀ ରହିଛି ଅବ୍ୟବସ୍ଥା। ଏନେଇ ଛାତ୍ରଛାତ୍ରୀ ଅଭିଯୋଗ କଲେ ମଧ୍ୟ ସ୍କୁଲ କର୍ତ୍ତୁପକ୍ଷ କିମ୍ବା ଜିଲ୍ଲା ମଙ୍ଗଳ ଅଧିକାରୀ କୃପାସିନ୍ଧୁ ବେହେରା କର୍ଣ୍ଣପାତ କରୁନାହାନ୍ତି। ପ୍ରତି ମାସରେ ଛାତ୍ରଛାତ୍ରୀଙ୍କ ପାଇଁ ଆସୁଥିବା ଚାଉଳକୁ ହଷ୍ଟେଲର ୱାର୍ଡନ ବିକ୍ରି କରୁଥିବା ଅଭିଯୋଗ ହୋଇଛି। ଏହାସହ ୱାର୍ଡନଙ୍କ ଝିଅକୁ ଧରିବାକୁ ମଧ୍ୟ ଛାତ୍ରଛାତ୍ରୀଙ୍କୁ ବାଧ୍ୟ କରାଯାଉଛି। ଏପଟେ ହଷ୍ଟେଲରେ ପାନୀୟ ଜଳର ସୁବିଧା ନଥିବା ବେଳେ ପାଇଖାନା ବ୍ୟବସ୍ତା ନ ଥିବା ମଧ୍ୟ ଛାତ୍ରୀମାନେ ଅଭିଯୋଗ କରିଛନ୍ତି। ଛାତ୍ର ମାନେ ଡ୍ରେନ ସଫା କରୁଥିବା ବେଳେ ୱାର୍ଡନଙ୍କ ସମସ୍ତ କାର୍ଯ୍ୟ କରିବା ପାଇଁ ବାଧ୍ୟ ହେଉଛନ୍ତି। ଫଳରେ ଅତିଷ୍ଠ ହୋଇ ପ୍ରାୟ 15 ରୁ 20 ଜଣ ଛାତ୍ର ହଷ୍ଟେଲର ପାଚେରୀ ଡେଇଁ ଜିଲ୍ଲାପାଳଙ୍କୁ ଭେଟିବାକୁ ଆସିଛନ୍ତି।

  • ଦୋଷୀ ବିରୁଦ୍ଧରେ ନିଆଯାଉ ଦୃଢ କାର୍ଯ୍ୟାନୁଷ୍ଠାନ : ମନ୍ତ୍ରୀ ଅଶୋକ ପଣ୍ଡା

    ଭୁବନେଶ୍ୱର :  ଘାଟିକିଆ ସ୍ଥିତ ଘରୋଇ ସ୍କୁଲ ରେ ଫି ନ ଦେବାରୁ ପିଲାଙ୍କୁ ୫ ଘଣ୍ଟା ଧରି ବନ୍ଦୀ କରିବା ଘଟଣା । ଘଟଣାକୁ ନେଇ ଏକାମ୍ର ବିଧାୟକ ତଥା ମନ୍ତ୍ରୀ ଅଶୋକ ପଣ୍ଡା ପ୍ରତିକ୍ରିୟା ରଖି କହିଛନ୍ତି ଯାହାର ଦୋଷୀ ବିରୁଦ୍ଧରେ ଦୃଢ  କାର୍ଯ୍ୟାନୁଷ୍ଠାନ ହେଉ। ଏହା ଶିକ୍ଷାର ବିରୁଦ୍ଧଚରଣ । ସ୍ପୃହଣୀୟ ନୁହେଁ ।  ମୁଁ ଖୋର୍ଦ୍ଧା ଜିଲ୍ଲାପାଳ, ବିଇଓ , ଡିଇଓ , ଭରତପୁର ଆଇଆଇସିଙ୍କ ସହ କଥା ହୋଇଛି ।  ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ  ସମୀର ଦାସଙ୍କ ସହବି କଥା ହୋଇଛି ।  ସେ ବିଭାଗୀୟ ସଚିବଙ୍କ ଜରିଆରେ ସମ୍ପୃକ୍ତ ସ୍କୁଲକୁ  କାରଣ ଦର୍ଶାଅ ନୋଟିସ୍ ଦେଇଛନ୍ତି ।  କାହିଁକି ସ୍କୁଲର ସ୍ବୀକୃତି ପ୍ରତ୍ୟାହାର ହେବ ନାହିଁ ବୋଲି।  ଏହା ପିଲା ମାନଙ୍କ ମାନସିକ ନିର୍ଯ୍ୟାତନା ଦେଇଛି ବୋଲି ମନ୍ତ୍ରୀ କହିଛନ୍ତ। ସେପଟେ ଏପିଜେ ସ୍କୁଲରେ ଦେଢ଼ ଘଣ୍ଟାରୁ ଅଧିକ ସମୟ ହେଲାଣି ବିଇଓ ଓ ଡିଇଓ ଛାତ୍ରଛାତ୍ରୀ ଓ ଶକ୍ଷକ ମାନଙ୍କୁ ପଚରା ଉଚରା କରୁଛନ୍ତି ।

  • ଡିଏମଙ୍କୁ ପସନ୍ଦ ଆସିଲାନି ପ୍ରଧାନଶିକ୍ଷକଙ୍କ ପୋଷାକ

    ଡିଷ୍ଟ୍ରିଟ ମାଜିଷ୍ଟେଟ୍ ଙ୍କୁ ପସନ୍ଦ ଆସିଲାନି ପ୍ରଧାନଶିକ୍ଷକଙ୍କ ପୋଷାକ । କୁର୍ତ୍ତା ପାଇଜାମାରେ ଉତ୍ତକ୍ଷିପ୍ତ ହୋଇଗଲେ ଡିଏମ୍ । ତାଙ୍କୁ ହେଡମାଷ୍ଟରଙ୍କ ପୋଷାକ ଏତେ ଖରାପ ଲାଗିଲା ଯେ ସେ ସ୍ଥାନ କାଳ ପାତ୍ର ଭୁଲିଗଲେ । ସ୍କୁଲର ଛାତ୍ର ଓ ଗଣମାଧ୍ୟ୍ୟମ ସମ୍ମୁଖରେ ଶିକ୍ଷକ ଙ୍କ ପ୍ରତି କଡା ଭାଷା ପ୍ରୟୋଗ କଲେ । ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଭାଇରାଲ ଭଡିଓ ସମ୍ପର୍କରେ ଅବଗତ ହେବା ପରେ ବହୁ ଆଇପିଏସ , ଆଇଏସ ନିଜର ମତ ଦେଇଛନ୍ତି l ଆଇଆରଟିଏସ ସଞ୍ଜୟ କୁମାର ମାମଲା ସମ୍ପର୍କରେ ଟ୍ବଟ୍ କରି ଡିଏମ୍ ଙ୍କ ବ୍ୟବହାରକୁ ନିନ୍ଦା କରିଛନ୍ତି ।

    ଭିଡିଓ କୁ ସେୟାର କରିବା ସହ ଲେଖିଛନ୍ତି ଯେ ଜମେ ଟିମ୍ ଲିଡରଙ୍କୁ ସର୍ବସାଧାରଣରେ ନିଜ୍ ଟିମ୍ ସଦସ୍ୟ ନିଚ୍ଚା ଦେଖାଇବା ଉଚିତ୍ ନୁହେଁ । ଏଭଳି ବ୍ୟବହାର ନିନ୍ଦନୀୟ ନିଜକୁ କଠୋର ଓ ବୁଦ୍ଧିମାନ ଦେଖଇବା ପାଇଁ । ସେହିଭଳି ୧୯୮୫ ମସିହା ଆଇଏଏସ ଅଫିସର ସଞ୍ଜୀବ ଗୁପ୍ରା କହିଛନ୍ତି କୋଲୋନିୟଲ ମାନସିକତା ସହତ ଏଭଳି ଅସଭ୍ୟ ବ୍ୟବହାର କରିବା ଏକ ସିଭିଲ ସର୍ଭେଣ୍ଟ ଙ୍କ ପାଇଁ ନିନ୍ଦନୀୟ । ଭାରତୀୟ ପରିଧାନ ନେଇ ଶିକ୍ଷକୁ ସମାଲୋଚନା ଆଦୌ ଗ୍ରହଣୀୟ ନୁହେଁ । ଆଇଆଇଟି କାନପୁର ରେ କିଛି ଶିକ୍ଷକ ଏବଂ ଆମେ ମଧ୍ୟ କୁର୍ତ୍ତା ପାଇଜାମା ପରିଧାନ କରୁଥିଲୁ । ମୁଁ ଏହି ଘଟଣା ସମ୍ପର୍କରେ ଅବଗତ କରିଛି । ସେହିଭଳି ଆଇପିଏସ ଅରୁଣ ବୋଥ୍ରା ମଧ୍ୟ୍ୟ ଘଟଣାକୁ ପ୍ରଶ୍ନ କରିଛନ୍ତି ।

    ଜଣେ ଟୁଇଟର ବ୍ୟବହାରକାରୀ ଦ୍ବାରା ଘଟଣାନେଇ ପଚାରାୟାଇଥିବା ପ୍ରଶ୍ନର ସହତ ସେ ଆଉ ୨ ଟି ପ୍ରଶ୍ନ ଯୋଡିଛନ୍ତି । ସେ ଲେଖିଛନ୍ତି ଜଣେ ଛାତ୍ର ଭାବରେ ନିଜ ଶିକ୍ଷକଙ୍କୁ ଅପମାନିତ ହେଉଥିବା ଦେଖିବା କିଭଳି ଅନୁଭବ କରିବେ । ବରିଷ୍ଠ ସରକାରୀ ଅଧିକାରୀ ଜଣଙ୍କ ଟିଭି କଭରେଜ ନେଇ ଗଣମାଧ୍ୟ୍ୟମ ପ୍ରତିନିଧିକୁ ନେଇ ଯିବା କିଭଳି ଟ୍ରେଣ୍ଡ । ବିହାର ଶିକ୍ଷା ବିଭାହର ଅତିରିକ୍ତ ମୁଖ୍ୟ ସଚିବ ଦୀପକ କୁମାର ସିଂ ଟୁଇଟ କରି ସୁଚିତ କରିଛନ୍ତି କାମ ବଦଳରେ ଶିକ୍ଷକଙ୍କୁ ଦରମା ମିଲିବା ଉଚିତ୍ ହାଇକୋର୍ଟ ଆଦେଶର ଏକ କପି ଟୁଇଟର ରେ ସେୟାର କରିବା ସହ କାମ ବଦଳରେ ଶିକ୍ଷକଙ୍କୁ ଦରମା ଦେବାକୁ ନିର୍ଦ୍ଦେଶ ଥିବା ଦର୍ଶାଇବା ସଦ ଦରମା ବନ୍ଦ ନକରିବା କୁ କହିଛନ୍ତି ।

    • ସ୍ମରଜିତ୍ ଆର୍ଯ୍ୟଙ୍କ ରିପୋର୍ଟ
  • ଶିକ୍ଷୟିତ୍ରୀଙ୍କୁ ଜୋତାରେ ମାରିଲେ ପ୍ରଧାନ ଶିକ୍ଷକ

    () ଉତ୍ତରପ୍ରେଦେଶର ଏକ ସରକାରୀ ସ୍କୁଲରୁ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏହିଘଟଣାକୁ ଯେତେ ନିନ୍ଦାକଲେ ମଧ୍ୟ ତାହା କମ ହେବ।ଏହି ନିନ୍ଦାଜନକ ଭିଡିଓ ଏବେ ସୋସିଆଲ ମିଡିଆରେ ଘୁରି ବୁଲୁଛି। ଜଣେ ପ୍ରଧାନଶିକ୍ଷକ କିପରି ଭୁଲିଯାଇଛନ୍ତି ନିଜର ହିତାହିତ ଜ୍ଞାନ ତାହା ଦେଖିବାକୁ ମିଳିଛି ଭିଡିଓରେ। ଲକ୍ଷ୍ମୀପୁର ଖେରି ଜିଲ୍ଲାର ଏକ ସରକାରୀ ସ୍କୁଲରେ ବିଳମ୍ୱରେ ଆସି ପହଞ୍ଚିଥିବା ଜଣେ ଶିକ୍ଷୟିତ୍ରୀଙ୍କୁ ସେହି ସ୍କୁଲର ପ୍ରଧାନଶିକ୍ଷକ ଜୋତାରେ ମାଡ ମାରିଥିଲେ। ପ୍ରଧାନଶିକ୍ଷକ ରାଗିଯାଇ ନିର୍ଦ୍ଦୟ ଭାବରେ ବିଦ୍ୟାଳୟରେ ଶିକ୍ଷୟିତ୍ରୀଙ୍କୁ ବହୁତ ଖରାପ ବ୍ୟବହାରକରି ନିର୍ଧୁମ ଜୋତାରେ ମାଡ ମାରିଛନ୍ତି। ସେଠାରେ ସ୍କୁଲପିଲାମାନେ ମଧ୍ୟ ଉପସ୍ଥିତ ଥିଲେ ଟିକେ ଭାବିଲେ ଦେଖି ପିଲାଙ୍କ ଆଗରେ ଜଣେ ପ୍ରଧାନଶିକ୍ଷକ ହୋଇ ଜୋତାରେ ମାଡମାରିବା କେତେ ନିନ୍ଦାର ବିଷୟ। ଶିକ୍ଷୟିତ୍ରୀଙ୍କ ପ୍ରତି ଏଭଳି ବ୍ୟବହାର କେତେ ଦୂର ଠିକ୍?

    ଏହି ଭିଡିଓରେ ଆପଣ ଦେଖିପାରୁଥିବେ କି, ପ୍ରଧାନଶିକ୍ଷକ ଜଣଙ୍କ ଖୁବ୍ ଜୋରରେ ରାଗିଯାଇ ଶିକ୍ଷୟିତ୍ରୀଙ୍କୁ ଜୋତାଉଠାଇ ମାରି ଚାଲିଛନ୍ତି।  ସେଠାରେ ଥିବା ଶିକ୍ଷକତାଙ୍କୁ ଅଟକାଉଥିବାର ନଜର ଆସୁଛନ୍ତି, କିନ୍ତୁ ତାଙ୍କୁ ପ୍ରଧାନଶିକ୍ଷକ ମଧ୍ୟ ଠେଲିଦେଇ ଯୁକ୍ତି ବାଢିଛନ୍ତି। ସେଠାରେ ଅନେକ ଲୋକମାନଙ୍କ ସହ ପିଲାମାନେ ମଧ୍ୟ ଉପସ୍ଥିତ ଅଛନ୍ତି। ଏହି ସମୟରେ ଉପସ୍ଥିତ ଥିବା ଅନ୍ୟମାନେ ବି ରୋଧ କରିଥିଲେ ମଧ୍ୟ ପ୍ରଧାନଶିକ୍ଷକ ଆଦୌକାହାରି କଥା ଶୁଣୁନାହାଁନ୍ତି।ଏବେ ଏହି ଘଟଣାର ଭିଡିଓ ସୋସିଆଲ ମିଡିରେ ଭାଇରାଲ ହେଉଛି।

    ଏନେଇ ପ୍ରଧାନଶିକ୍ଷକଙ୍କ ବିରୋଧରେ ଖେରୀ ପୋଲିସ ଷ୍ଟେସନରେ ମାମଲା ରୁଜୁ ହୋଇଛି। ତେବେ ଏହି ଘଟଣା ପରେ ସମ୍ପୃକ୍ତ ପ୍ରଧାନଶିକ୍ଷକଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯାଇ ତାଙ୍କୁ ନିଲମ୍ୱିତ କରାଯାଇଛି।

    ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

Back to top button