Delhi murder ; ସଂଗୀତକାରଙ୍କୁ ହତ୍ୟା , ମଦ ପିଇବାରେ ରୋକ୍ ଲଗାଇବାରୁ ପିଟି ପିଟି ମାରିଦେଲେ

ଦେଶର ରାଜଧାନୀ ଦିଲ୍ଲୀରୁ ଏକ ହତ୍ୟାକାଣ୍ଡ ସମ୍ନାକୁ ଆସିଛି | ଯେଉଁଠି ଜଣେ ମଣିପୁରୀ ସଂଗୀତକାରଙ୍କୁ ପିଟି ପିଟି ହତ୍ୟା କରିଦିଆଯାଇଛି | ସୂଚନା ଅନୁସାରେ ସୋମବାର ଦିନ ସକାଳେ ଦିଲ୍ଲୀ ର କିଲୋକାରୀ ଗାଁ ରେ ସଂଗୀତକାର ନିଜ ଆପାର୍ଟମେଣ୍ଟ ସାମ୍ନାରେ ମଦ ପିଇବା ଓ ପାଟିତୁଣ୍ଡ କରିବା କିଛି ଲୋକଙ୍କୁ ବିରୋଧ କରିବା ତାଙ୍କୁ ଭାରି ପଡିଥିଲା | ସ୍ଥାନରେ ମଦ ପିଉଥିବା ଡେ଼ଲିଭରି କରିବା କର୍ମଚାରୀମାନେ ଆଉ ଢାବାର ଏକ ଷ୍ଟାଫ୍ ଗ୍ରୁପ ତାଙ୍କୁ ପିଟି ପିଟି ମାରିଦେଇଥିଲେ | ପୋଲିସ ର କହିବା ଅନୁଯାୟୀ 54 ବର୍ଷୀୟ ମଣିପୁରୀ ସଂଗୀତକାର ବିକ୍ରମ ସିଂ ଙ୍କୁ ହତ୍ୟା ମାମଲାରେ 7 ଜଣଙ୍କୁ ଗିରଫ କରାଯାଇଛି | ହତ୍ୟାକାଣ୍ଡ ସହ ସମ୍ପୃକ୍ତ ଏକ ନାବାଳକ ମଧ୍ୟ ଧରାଯାଇଛି | ସନଲାଇଟ୍ କଲୋନୀ ର ପୋଲିସ ଷ୍ଟେସନ କୁ ସି . ବିକ୍ରମ ସିଂ ଙ୍କ ସହ ମାରପିଟ ର ସୂଚନା PCR କଲ୍ ଯୋଗେ ମିଳିଥିଲା | ସଂଗୀତକାର ବିକ୍ରମ ସିଂ ମଣିପୁରର ହୋଇଥିବାବେଳେ କୋଡିଏ ବର୍ଷ ହେଲା କିଲୋକାରୀ ଗାଁ ରେ ପରିବାରସହ ରହିଆସୁଥିଲେ | ସେ ଏକ ସଂସ୍ଥା ପାଇଁ ସଂଗୀତକାର ରୂପେ କାମକରୁଥିଲେ | ପ୍ରାରମ୍ଭିକ ଯାଞ୍ଚ ରୁ ଜଣାପଡିଛି କି ମୈତେୟି ସମ୍ପ୍ରଦାୟ ସହ ସମ୍ପୃକ୍ତ ବିକ୍ରମ ସିଂ ନିଜ ଘର ସାମ୍ନାରେ ହଂଗାମା କରୁଥିବା ଲୋକଙ୍କ ବିରୋଧ କରିଥିଲେ | ଯେଉଁଥିରେ ହଂଗାମା କରୁଥିବା ଲୋକମାନେ ତାଙ୍କ ଉପରେ ମାଡମାରିବା ଆରମ୍ଭ କରିଥିଲେ | ତାଙ୍କ ପୁଅ ତାଙ୍କୁ ହୋଲି ଫ୍ୟାମିଲି ହସ୍ପିଟାଲ ନେଇଯାଇଥିଲେ | ଯେଉଁଠି ଆହତ ଅବସ୍ଥା ରେ ତାଙ୍କର ମୃତ୍ୟୁ ହୋଇଥିଲା | ପୋଲିସ ମାରପିଟ ଆଉ ସିଂ ଙ୍କ ମୃତ୍ୟୁ ର ପରିସ୍ଥିତି ର ଯାଞ୍ଚ ଆରମ୍ଭ କରିଦେଇଛି | ପୋଲିସ ସିସିଟିଭି ଆଧାରରେ ଆରୋପିଙ୍କୁ ଚିହ୍ନଟ କରି ଭରତକୁମାର (19), ପ୍ରମୋଦ (26), ରମଜାନ ଖାନ (22), ଦିପାନଶୁ (21), ମୋହନ ବିଶ୍ୱକର୍ମା(32), ବିଜୟ(36) , ମନ୍ନୁ (26), ଆଉ ଏକ ନାବାଳିକଙ୍କୁ ଗିରଫ କରିଛି | ସବୁ ଆରୋପି ଅଲଗା ଅଲଗା ଢ଼ାବା ଓ ଖାଦ୍ୟ ଷ୍ଟଲ ରେ କାମ କରୁଥିବା କର୍ମଚାରୀ ଥିବାର ସୂଚନା ମିଳିଛି | ମେଘାଳୟ ର ମୁଖ୍ୟମନ୍ତ୍ରୀ କୋଂରାଡ଼ ସଙ୍ଗମା ଏହି ଘଟଣାରେ ଚିନ୍ତା ବ୍ୟକ୍ତକରି ଦିଲ୍ଲୀରେ ଉତ୍ତର - ପୂର୍ବ ଭାରତୀୟଙ୍କ ପ୍ରତି ହେଉଥିବା ପକ୍ଷପାତିତା ବିଷୟରେ ଜଣାଇଛନ୍ତି | ପୋଲିସ ପ୍ରତାକ୍ଷଦର୍ଶୀଙ୍କୁ ପଚରାଉଚୁରା ସହ ଯାଞ୍ଚ ଜାରିରଖିଛି |