ବେଧଡ଼କ ଭାବେ ହୋଟେଲରେ ଚାଲିଛି ଜୁଆ ଖେଳ l ବରଗଡ଼ର ହୋଟେଲ ମଙ୍ଗଳମ ପ୍ୟାଲେସରେ ଛତିଶଗଡ ସାରଙ୍ଗଗଡ ଅଂଚଳର ୨୫ ଜଣ ଜୁଆଡ଼ି ଜୁଆ ଖେଳୁଥିବା ବେଳେ ମାଡିବସିଥିଲା ପୋଲିସ l ହୋଟେଲ ମ୍ୟାନେଜର ସମତେ ୨୬ ଜଣ ଗିରଫ ହୋଇଥିବା ବେଳେ ୫ଟି ଚାରିଚକିଆ ଗାଡି, 6 ଲକ୍ଷ 40 ହଜାର ନଗଦ ଟଙ୍କା , 24ଟି ମୋବାଇଲ ସହ 6 ପ୍ୟାକେଟ ତାସ ଜବତ କରିଛି ପୋଲିସ | ଗୋଟିଏ ଜବତ କାରରେ କଂଗ୍ରେସର ଚିହ୍ନ ଥିବାବେଳେ ଅଧ୍ୟକ୍ଷ ଲେଖା ହୋଇଛି l ଏହାକୁ ନେଇ ତଦନ୍ତ କରୁଛି ପୋଲିସ l ବାର୍ଥଡେ ପାର୍ଟି ପାଇଁ 2ଟି ରୁମ ଵୁକ୍ କରାଯାଇଥିଲା ଆଉ ଭିତରେ ଚାଲିଥିଲା ଜୁଆ ଖେଳ l ସମସ୍ତ ଅଭିଯୁକ୍ତଙ୍କୁ ଆଜି କୋର୍ଟଚାଲାଣ କରାଯିବ ବୋଲି ସୂଚନା ଦେଇଛନ୍ତି ବରଗଡ଼ SDPO l ତେବେ ବରଗଡ଼ ସହରରେ ଏଭଳି ବେଧଡକ ଜୁଆ ଖେଳ ଚାଲିଥିବା ବେଳେ ପୋଲିସର କାର୍ଯ୍ୟକୁ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ l
Naxatra News is now on Whatsapp
Join and get latest news update delivered to you via whatsapp
Join Now
