ମହିଳାଙ୍କ ଖଣ୍ଡ ବିଖଣ୍ଡିତ ମୃତ ଦେହ ଉଦ୍ଧାର

ମହିଳାଙ୍କ ଖଣ୍ଡବିଖଣ୍ଡିତ ମୃତ ଦେହ ଉଦ୍ଧାର କଲା ଦିଲ୍ଲୀ ପୋଲିସ । ଗୀତା କଲୋନୀ ପାଖ ଫ୍ଲାଏଓଭର ନିକଟରୁ ଖଣ୍ଡ ବିଖଣ୍ଡିତ ହୋଇ ପଡିଥିବା ମହିଳାଙ୍କ ମୃତ ଦେହକୁ ଉଦ୍ଧାର କରିଛି ପୋଲିସ । ଆଜି ସକାଳ ପ୍ରାୟ ୯.୧୫ ସମୟରେ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚିଥିଲା । ମହିଳାଙ୍କ ଶରୀରର ବିଭିନ୍ନ ଅଂଶ ଓ ତାଙ୍କ ମୁଣ୍ଡ ଏଠି ସେଠି ବିଛାଡି ହୋଇ ଫ୍ଲାଏଓଭର ନିକଟରେ ପଡିଥିଲା । ଏନେଇ ପୋଲିସ ଟିମ୍ ଅଧିକ ତଦନ୍ତ ଆରମ୍ଭ କରିଛି । ଆହୁରି ମଧ୍ୟ ଫ୍ଲାଏଓଭର ପାଖ ଜଙ୍ଗଲରେ ମହିଳାଙ୍କ ଶରୀରର ଅନ୍ୟ ଅଂଶ ପାଇଁ ଛାନ୍‌ଭିନ୍ ଚଳାଇଛି ପୋଲିସ ।