() ରାଜ୍ୟ ସରକାର ପ୍ରକାଶ କଲେ ୨୦୨୩-୨୩ ଆର୍ଥିକ ବର୍ଷର ଅର୍ଥନୈତିକ ସର୍ଭେ ରିପୋର୍ଟ । ରାଜ୍ୟର ଅର୍ଥନୈତିକ ଅଭିବୃଦ୍ଧି ହାର ସ୍ଥିର ରହିଥିବା ରିପୋର୍ଟରେ ଉଲ୍ଲେଖ ରହିଛି। ବର୍ତ୍ତମାନ ରାଜ୍ୟର ଅର୍ଥନୈତିକ ଅଭିବୃଦ୍ଧି ହାର ୭.୮୨ ପ୍ରତିଶତ ରହିଥିବା ବେଳେ ଦେଶରେ ଅର୍ଥନୈତିକ ଅଭିବୃଦ୍ଧି ହାର ୭.୦ ପ୍ରତିଶତ ରହିଥିବା ଉଲ୍ଲେଖ । ରାଜ୍ୟର ଅଭିବୃଦ୍ଧି ହାର ୨୦୨୧-୨୨ ଆର୍ଥିକ ବର୍ଷରେ ୧୧.୫ ପ୍ରତିଶତ । ସେହିପରି ରାଜ୍ୟର ମୁଣ୍ଡ ପିଛା ଆୟ ୧ ଲକ୍ଷ ୫୦ ହଜାର ୬୭୬ ଟଙ୍କା ଥିବା ବେଳେ ଦେଶରେ ମୁଣ୍ଡ ପିଛା ଆୟ ୧ ଲକ୍ଷ ୭୦ ହଜାର ୬୨୦ ରହିଛି ।
୨୦୧୫-୧୬ ରେ ୬୪ ହଜାର ୮୩୫ ଥିଲା ରାଜ୍ୟର ମୁଣ୍ଡ ପିଛା ଆୟ । ଦେଶ ଓ ରାଜ୍ୟର ମୁଣ୍ଡ ପିଛା ଆୟର ତାରତମ୍ୟରେ ୨୦୧୫-୧୬ ରେ ୩୨ ପ୍ରତିଶତ ଥିବା ବେଳେ ବର୍ତ୍ତମାନ ଏହା ୧୨ ପ୍ରତିଶତ କୁ ଖସିଛି । ବର୍ତ୍ତମାନ ରାଜ୍ୟର ମୁଦ୍ରାସ୍ପିତି ୬.୫୬ ପ୍ରତିଶତ ଥିବା ବେଳେ ଗ୍ରାମାଞ୍ଚଳରେ ୬.୯୫ ପ୍ରତିଶତ ଓ ସହରାଞ୍ଚଳରେ ୫.୫୨ ପ୍ରତିଶତ ରହିଛି । ସେହିପରି ରାଜ୍ୟର ବିତ୍ତୀୟ ନିଅଣ୍ଟ ୨.୮ ପ୍ରତିଶତ ରହିଛି ଯାହାକି ୨୦୨୧-୨୨ ରେ ୦.୪ ପ୍ରତିଶତ ଥିଲା । ବର୍ତ୍ତମାନ ରାଜ୍ୟର ରାଜସ୍ବ ନିଅଣ୍ଟ ରହିଛି ୨.୩୮ ପ୍ରତିଶତ। ୨୦୨୧-୨୨ ରେ ରାଜସ୍ବ ନିଅଣ୍ଟ ଥିଲା ୩.୧୮ ପ୍ରତିଶତ ।
ସେହିପରି ରାଜ୍ୟର କୃଷି କ୍ଷେତ୍ରରେ ଅଭିବୃଦ୍ଧି ହାର ୨୦୨୨-୨୩ ରେ ୬.୦ ପ୍ରତିଶତ ରହିଛି ଯାହାକି ୨୦୨୧-୨୨ ରେ ୨.୦୪ ପ୍ରତିଶତ। ରାଜ୍ୟର ଅଭିବୃଦ୍ଧି ରେ ଶିଳ୍ପ ଓ ସେବା କ୍ଷେତ୍ର ଇଞ୍ଜିନି ସାଜିଛି ବୋଲି ରିପୋର୍ଟରେ ଉଲ୍ଲେଖ । ଶିକ୍ଷା, ସ୍ୱାସ୍ଥ୍ୟ, ଦକ୍ଷତା ବିକାଶ, ମହିଳା ଶସକ୍ତି କରଣ, ସହରାଞ୍ଚଳ ବିକାଶ, ପାନୀୟ ଜଳ, ଶିଶୁ ସୁରକ୍ଷା କ୍ଷେତ୍ରରେ ଆଖିଦୃଶିଆ ପରିବର୍ତ୍ତନ ଆସିଥିବା ରିପୋର୍ଟ ରେ ଦର୍ଶାଇଛନ୍ତି ସରକାର । ୨୦୨୩, ୨୪ଆର୍ଥିକ ବର୍ଷରେ ରାଜ୍ୟର ଅଭିବୃଦ୍ଧି ହାର ୮ରୁ୮.୫ପ୍ରତିଶତ ରହିବ। ସେହିପରି ରାଜ୍ୟର ବେକାରୀ ହାର ୨୦୨୦, ୨୧ରେ ୫.୩ପ୍ରତିଶତ ରହିଛି। ତେବେ ଆସନ୍ତାକାଲି ଚଳିତବର୍ଷର ଶେଷ ପୂର୍ଣାଙ୍ଗ ବଜେଟ ଉପସ୍ଥାପନ ହେବ।
Naxatra News is now on Whatsapp
Join and get latest news update delivered to you via whatsapp
Join Now
