ମାଲକାନଗିରି : ସିଜିନେଟ ୱାର୍କ ମାଧ୍ୟମରେ ମାଲକାନଗିରି ସମନ୍ବିତ ଆଦିବାସୀ ଉନ୍ନୟନ ସଂସ୍ଥା ଓ ସ୍ୱତନ୍ତ୍ର ଉନ୍ନୟନ ବିକାଶ ପରିଷଦ ଦ୍ୱାରା କୋୟା ଗୋଣ୍ଡ ଆଦିବାସୀ ଭାଷା ସୁରକ୍ଷା ଓ ଶଦ୍ଧ କୋଷ ସଂଗ୍ରହ ନେଇ ମାଲକାନଗିରି ଜିଲ୍ଲା ମାଲ୍ୟବନ୍ତ ଛାତ୍ର ବାସ ସ୍ୱଭାଗୃହ ରେ ଆଜି ଏକ କର୍ମଶାଳା ଅନୁଷ୍ଠିତ ହୋଇଯାଇଛି । ସିଜିନେଟ ୱାର୍କ ସ୍ୱର ଫାଉଣ୍ଡେସନର ମୁଖ୍ୟ ତଥା ଆଦିବାସୀ ଭାଷା ଗବେଷକ ଶୁଭ୍ରାଂଶୁ ଚୌଧୁରୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ
କର୍ମଶାଳାରେ ଓଡ଼ିଶା, ଛତିଶିଗଡ଼, ମଧ୍ୟପ୍ରଦେଶ,ବିହାର,ଆନ୍ଦ୍ର ପ୍ରଦେଶ,ମହାରଷ୍ଟ୍ର ୬ ଟି ରାଜ୍ୟର ଗୋଣ୍ଡି କୋୟା ଆଦିବାସୀ ପ୍ରତିନିଧି ଓ ବକ୍ତା ମାନେ ଯୋଗଦେଇଥିଲେ। ଏହି
କର୍ମଶାଳାର ପ୍ରଥମ ଅଧିବେଶନ ରେ ସ୍ୱତନ୍ତ୍ର ଉନ୍ନୟନ ବିକାଶ ପରିଷଦ ଅଧ୍ୟକ୍ଷ ଆଡ଼ମା ରାବା ମୁଖ୍ୟଅତିଥି ଭାବେ ଯୋଗ ଦେଇ ଏହି କର୍ମ ଶାଳା କୁ ଉଦ୍ଘାଟନ କରି କହିଛନ୍ତି ଯେ “କୋୟା ମାଲକାନଗିରିର ଜିଲ୍ଲାର ଏକ ପ୍ରମୁଖ ଆଦିବାସୀ ଭାଷା ଏବଂ ଏହା ପରବର୍ତ୍ତୀ ସ୍ତରକୁ ଯିବା ଆବଶ୍ୟକ ଯାହା ଦ୍ୱାରା ଅଗାମୀ ପଡି ଏହି ଭାଷା କୁ ସୁରକ୍ଷା ଦେଇ ବ୍ୟବହୃତ କରିବେ। ଜିଲ୍ଲାରେ ଥିବା ସମସ୍ତ କୋୟା ଆଦିବାସୀ ଙ୍କ ଶଦ୍ଧକୋଷ ସଂଗ୍ରହ ଯାତ୍ରାରେ ସାହାଯ୍ୟ କରିବାକୁ ସଦାସର୍ଵଦା ସ୍ୱତନ୍ତ୍ର ଉନ୍ନୟନ ବିକାଶ ପରିଷଦ ପ୍ରତିଶ୍ରୁତିବଦ୍ଧ ବୋଲି ଶ୍ରୀ ରାବା କହି ଥିଲେ।
କର୍ମଶାଳାର ଦ୍ଵତୀୟ ଅଧିବେଶନ ରେ ମୁଖ୍ୟବକ୍ତା ଭାବେ ପୂର୍ବତନ ସାହିତ୍ୟ ଏକାଡେମୀ ସଦସ୍ୟ ଓ ବନବାସୀ ଗବେଷକ ରତ୍ନାକର ଦାଶ ଯୋଗ ଦେଇ କହିଛନ୍ତି ଯେ ମା, ମାତୃଭୂମି ଏବଂ ମାତୃଭାଷା ଯାହାକି ଜୀବନର ସବୁଠାରୁ ଗୁରୁତ୍ୱପୂର୍ଣ୍ଣ ଦିଗ,ଯେଉଁ ଦେଶର ମାତୃଭାଷା ଯେତେ ଦୃଢ଼ ସେ ଦେଶ ସେତେ ସୁଦୃଢ଼ ଓ ବିକଶିତ। ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲାରେ ଅଧିକ ସଂଖ୍ୟକ କୋୟା ଆଦିବାସୀ ବସ ବାସ କରନ୍ତି ସେମାନଙ୍କ ମାତୃଭାଷା ପ୍ରତି ଗୁରତ୍ୱ ଦେବା ଜରୁରୀ, ଓଡ଼ିଶାର କୋୟା ସମ୍ପ୍ରଦାୟ ପରି ପଡୋଶୀ ରାଜ୍ୟ ଛତିଶିଗଡ଼ ରାଜ୍ୟରେ ମଧ୍ୟ ସେହି ସମ୍ପ୍ରଦାୟ ରହୁଛନ୍ତି,ସେମାନଙ୍କୁ ସେଠାରେ ଗୋଣ୍ଡ ଆଦିବାସୀ ବୋଲି କହିଥାନ୍ତି,ସେମାନେ ଓଡ଼ିଶାର କୋୟା ଆଦିବାସୀ ଙ୍କ ସହିତ ବନ୍ଧୁ ବାନ୍ଧି ସମ୍ପର୍କ କୁ ସୁଦୃଢ଼ କରିଛନ୍ତି। ଜିଲ୍ଲାର ଅଧିକାଂଶ ଆଦିମ ଆଦିବାସୀ ଲୋକଙ୍କ ମାତୃଭାଷାର ବିକାଶକୁ ସରକାର ଓ ଜିଲ୍ଲା ପ୍ରଶାସନ ଗୁରୁତ୍ୱ ଦେଇ ଏହାର ସୁରକ୍ଷା ପ୍ରତିଦୃଷ୍ଟି ଦେଉଥିବାରୁ ଏହା ଅତ୍ୟନ୍ତ ସ୍ୱାଗତ ଯୋଗ୍ୟକଥା। ଏହାଦ୍ୱାରା କୋୟା ସମ୍ପ୍ରଦାୟର ଭାଷା ଏବଂ ସଂସ୍କୃତିର ସଂରକ୍ଷଣରେ ସହାୟତା ଏକ ଦୀର୍ଘ ରାସ୍ତା ଅତିକ୍ରମ କରିବ ବୋଲି ଶ୍ରୀ ଦାଶ କହି ଥିଲେ। ସିଜିନେଟ ସ୍ୱର ଫାଉଣ୍ଡେସନର ମୁଖ୍ୟ ଶୁଭ୍ରାଂଶୁ ଚୌଧୁରୀ କହିଥିଲେ ଦେଶର ୬ଟି କୋୟା (ଗୋଣ୍ଡି) ଭାଷାଭାଷୀ ରାଜ୍ୟରେ ଏହି କାର୍ଯ୍ୟର ପ୍ରଚାର ଓ ପ୍ରସାର ଚାଲିଛି।
” ଗୋଣ୍ଡି (କୋୟା) ଆଦିବାସୀ ଭାଷା ନୂତନ ଦୁନିଆରେ ବଞ୍ଚିବା ପାଇଁ ଡିଜିଟାଲ୍ ଭାଷା ହେବା ଜରୁରୀ, ଯେଉଁଥି ପାଇଁ ଗୋଣ୍ଡି ଭାଷା ର ଏକ ଶଦ୍ଧ କୋଷ ଅଭିଧାନ ପ୍ରଚଳନ ଆବଶ୍ୟକ ଅଟେ | ଏଥିପାଇଁ ସମସ୍ତ ରାଜ୍ୟରୁ ଗୋଣ୍ଡି ଶବ୍ଦ ସଂଗ୍ରହ ଚାଲିଛି | ସେଣ୍ଟ୍ରାଲ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆନ୍ ଲାଙ୍ଗୁଏଜ୍ ମହିଶ୍ୱର ଠାରେ ଗୋଣ୍ଡି ଭାଷାରେ ଏକ ବୃହତ ଅଭିଧାନ ପ୍ରସ୍ତୁତି କରିବାରେ ସାହାଯ୍ୟ କରିବ । ତେଣୁ ବିଭିନ୍ନ ରାଜ୍ୟରେ ବସବାସ କରୁଥିବା ଗୋଣ୍ଡି ଓ କୋୟା ଆଦିବାସୀ ମାତୃଭାଷା ର ଶବ୍ଦଗୁଡିକ ସଂଗ୍ରହ କରାଯାଉଛି।
ଏହି କାର୍ଯ୍ୟକ୍ରମ ରେ ଅନ୍ୟାନ୍ୟ ମାନଙ୍କ ମଧ୍ୟରେ ମାଲକାନଗିରି ଜିଲ୍ଲା କୋୟା ସମାଜ ର ସଭାପତି ମୁକୁନ୍ଦ ପଡ଼ିଆମୀ ଓ ଆନନ୍ଦ ମାଡି ଯୋଗ ଦେଇ କହିଛନ୍ତି “ଗୋଣ୍ଡି ଭାଷା ସହିତ କୋୟା ଭାଷା ପାଇଁ ଏକ ମାନକ ସ୍କ୍ରିପ୍ଟ ଦରକାର | ପ୍ରଚାରରେ ଦୁଇଟି ଗୋଣ୍ଡି ସ୍କ୍ରିପ୍ଟ ଅଛି ଏବଂ ଆମେ ଆଲୋଚନା ଆରମ୍ଭ କରିଛୁ କେଉଁ କୋୟା ସ୍କ୍ରିପ୍ଟ ଲେଖା ଗଲେ ଆଗାମୀ ପିଡ଼ି ର ପିଲାମାନେ ଜାଣିପାରିବେ ଭାଷା ଶିଖିବା ସହିତ ସ୍କ୍ରିପ୍ଟ ପଢିପାରିବେ। ଏହିବକର୍ଯ୍ୟକ୍ରମ ରେ ୬ ଟି ରାଜ୍ୟରୁ ଗୋଣ୍ଡି ବିଶେଷଜ୍ଞ ବକ୍ତା ଓ ସ୍ଥାନୀୟ କୋୟା ଗୋଣ୍ଡି ଆଦିବାସୀ ନେତା ଓ ବକ୍ତା ମାନେ କର୍ମଶାଳାରେ ଅଂଶଗ୍ରହଣ କରି ନିଜ ନିଜ ର ମତଉପସ୍ଥାପନ କରିଥିଲେ। ଆଦିବାସୀ ବକ୍ତା ଶିବପ୍ରସାଦ ଧୁରୱେ କହିଛନ୍ତି ସରକାର କୋୟା ଭାଷାକୁ ସମର୍ଥନ କରିବେ , କୋୟା ଭାଷା ସୃଷ୍ଟି କରିବା ପାଇଁ ଏଠାରେ ଆଉ କିଛି କୋୟା ଶବ୍ଦ ଅପଲୋଡ୍ ହୋଇପାରିବ। ମଧ୍ୟପ୍ରଦେଶର
ସୋନୁ ଇଭନେ ନାମକ ଜଣେ ବୃଦ୍ଧ ମଧ୍ୟ କହିଛନ୍ତି, “ମୁଁ ବୃଦ୍ଧ କିନ୍ତୁ ଯେପର୍ଯ୍ୟନ୍ତ ମୋ ଦେହରେ ଶକ୍ତି ଅଛି ମୁଁ ମୋର ଭାଷା ପାଇଁ କାମ କରିବି ତେଣୁ ଏହା ମୋର ଭବିଷ୍ୟତ ପିଡି ପାଇଁ ସଂରକ୍ଷିତ ରହିବ। ଏଠାରେ ଆମକୁ ସାହାଯ୍ୟ କରୁଥିବା ଓଡିଶା ସରକାରଙ୍କୁ ମୁଁ ବହୁତ କୃତଜ୍ଞ। ମୁଁ ଆଶା କରୁଛି ସେମାନେ ସାହାଯ୍ୟ ଜାରି ରଖିବେ ତେଣୁ ଆମେ ଏହି କାର୍ଯ୍ୟକୁ ସଂପୂର୍ଣ୍ଣ କରିପାରିବା। ଏହି ଭାଷା କୋଷ ଦ୍ୱାରା କୋୟା ଭାଷାରେ ଶିକ୍ଷା, ସାମ୍ବାଦିକତା ଏବଂ ପ୍ରଶାସନିକ କାର୍ଯ୍ୟ ହୋଇପାରିବ | ଯଦି ଆମର ପିଲାମାନେ କୋୟାରେ ଅଧ୍ୟୟନ କରିପାରନ୍ତି ତେବେ ସେମାନେ ଶିକ୍ଷାକୁ ଅଧିକ ସହଜରେ ବୁଝିପାରିବେ କାରଣ ଏହା ବିଶ୍ୱ ବ୍ୟାପୀ ଜ୍ଞାନିକ ଭାବରେ ପ୍ରମାଣିତ ହେବ। ବିହାରର ସୁନୀଲ କୁମାର ଯିଏକି ଟେକ୍ନିକାଲ୍ ଦୁଇଟି ମୋବାଇଲ୍ ଆପରେ କୋୟା ଶବ୍ଦ କିପରି ଅପଲୋଡ୍ କରିବେ ତାହା ଶିଖିବାରେ ସାହାଯ୍ୟ କରିବା କହିଛନ୍ତି ଯେ ନୂତନ ଶିକ୍ଷା ନୀତିରେ ମାତୃଭାଷାକୁ ସରକାର ସ୍ୱାଗତ କରୁଛନ୍ତି। ଆମେ ଆଶା କରୁଛୁ ଏକ ଷ୍ଟାଣ୍ଡାର୍ଡ ଗୋଣ୍ଡି ରହିବା ପରେ ଅଧିକ ପିଲା ଗୋଣ୍ଡି ଭାଷାରେ ପ୍ରାଥମିକ ଶିକ୍ଷା ଗ୍ରହଣ କରିବାକୁ ସକ୍ଷମ ହେବେ | “ଓଡ଼ିଶାରେ ପ୍ରବେଶ କରିବା ପୂର୍ବରୁ ଛତିଶଗଡରେ ଗୋଣ୍ଡି ୱାର୍ଡ ସଂଗ୍ରହ ଯାତ୍ରା ୨ ମାସ ,ସଫଳତାର ସହିତ କରିଛନ୍ତି। ଶବ୍ଦ ସଂଗ୍ରହ ପାଇଁ ଆପ୍ ମାଇକ୍ରୋସଫ୍ଟ ରିସର୍ଚ୍ଚ ଏବଂ ଆମେରିକାର ଭକ୍ସ ଲ୍ୟାବ୍ ଦ୍ୱାରା ପ୍ରୋ ବୋନୋ ପ୍ରସ୍ତୁତ କରାଯାଇଛି। ସେମାନେ ଶୀଘ୍ର ୧୦,୦୦୦ ଶବ୍ଦର ଏକ ଗୋଣ୍ଡି / କୋୟା ଅଭିଧାନ ସୃଷ୍ଟି କରିବାକୁ ଲକ୍ଷ୍ୟ ରଖିଥିବାର ଜଣା ପଡ଼ିଛି। ଏହି କର୍ମଶାଳା ଆଜିଠାରୁ ଆରମ୍ଭ ହୋଇ ତିନିଦିନ ଧରି ଚାଲିବ, ଏଥିରେ ମାଲକାନଗିରି ଜିଲ୍ଲାର ବିଭିନ୍ନ ଅଞ୍ଚଳରୁ କୋୟା ଆଦିବାସୀ ସମ୍ପ୍ରଦାୟର ଶିକ୍ଷିତ ଯୁବଗୋଷ୍ଠୀ,ଗାଁ ମୁଖିଆ,ନାୟକ,ପେଦା,ଚାଲାଣ ମାନେ ଯୋଗଦେଇ ଭାଷା ଶଦ୍ଧ ସଂଗ୍ରହ ସହିତ ନିଜ ନିଜର ମତ ଉପସ୍ଥାପନ କରି ପ୍ରଶିକ୍ଷଣ ନେବାର କାର୍ଯ୍ୟକ୍ରମ ରହିଛି।
Naxatra News is now on Whatsapp
Join and get latest news update delivered to you via whatsapp
Join Now
