VIRAL VIDEO

  • ବିବାଦରେ ପଦ୍ମଶ୍ରୀ କମଳା ପୂଜାରୀ

    କୋରାପୁଟ: ସୁସ୍ଥ ହୋଇ ଘରକୁ ଫେରିଲେ ପଦ୍ମଶ୍ରୀ କମଳା ପୂଜାରୀ। ସେ ପୂର୍ବ ଅପକ୍ଷା ସୁସ୍ଥ ଥିବା କହିଛନ୍ତି। ତାଙ୍କ ଚିକିତ୍ସାରେ ନିୟୋଜିତ ହୋଇଥିବା ଡାକ୍ତରଙ୍କୁ ସେ ଧନ୍ୟବାଦ ଜଣାଇଛନ୍ତି।  ଏହାସହ ଜିଲ୍ଲା ପ୍ରଶାସନ ଠାରୁ ଆରମ୍ଭ କରି ରାଜ୍ୟ ସରକାରଙ୍କୁ ସେ ଧନ୍ୟବାଦ ଦେଇଛନ୍ତି। ସେହିପରି ତାଙ୍କ ଚିକିତ୍ସା ସମୟରେ ତାଙ୍କ ସହ କଟକ SCBରେ ଥିବା ସମାଜସେବୀ ମମତା ବେହେରାଙ୍କୁ ମଧ୍ୟ ସେ ପ୍ରଶଂସା କରିଛନ୍ତି। ମମତା ଡାକ୍ତରଖାନାରେ ତାଙ୍କର ସେବା କରିଥିବା ସେ କହିବା ସହ ମମତାଙ୍କୁ ନିଜର ଜଣେ ଭଲ ସାଙ୍ଗ ବୋଲି କହିଛନ୍ତି। ଅପରପଟେ ଉଭୟଙ୍କର ଏକ ନାଚ ଭିଡିଓ ଭାଇରାଲ ହେଉଛି ଯେଉଁଥିରେ ସେ ମେଡିକାଲ ଭିତରେ ନାଚିଥିବାର ନଜର ଆସିଛନ୍ତି, ଯାହାକୁ ନେଇ ବିବାଦ ଚାଲିଛି। ଏନେଇ ପଦ୍ମଶ୍ରୀ କମଳା କହିଛନ୍ତି ଯେ, ଡାକ୍ତରଖାନାରୁ ଡିସଚାର୍ଜ ହେବା ସମୟରେ ଉଭୟେ ଖୁସିରେ ଅଳ୍ପ ସମୟ ଢେମସା ନାଚି ଥିଲେ।

  • ନାବାଳକ ଉପରେ ପରିବାରର ବୋଝ

    ପରିବାରର ବୋଝ ୭ ବର୍ଷର ନାବାଳକ ଉପରେ। ଘରର ଆର୍ଥିକ ଅବସ୍ଥା ଭଲନଥିବା ବେଳେ ଡେଲିଭରି ବୟ ଭାବେ କାମ କରୁଛି ପୁଅ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଆଜିକାଲିର ବ୍ୟସ୍ତବହୁଳ ଜୀବନରେ ହୋମ ଡେଲିଭେରିର ଚାହିଦା ବହୁତ । କେତେବେଳେ କିଏ ବର୍ଷାରେ ଘୋଡାରେ ବସି ଖାଦ୍ୟ ପହଞ୍ଚାଉଛି ତ ଆଉ କିଏ ସାଇକେଲରେ ତ ଆଉ କିଏ ଏହାକୁ ପାର୍ଟ ଟାଇମ ସର୍ଭିସ ଭାବେ ଗ୍ରହଣ କରି କାମ କରୁଛି। ଏଭଳି ଭିଡିଓ ସୋସିଆଲ ମିଡିଆରେ ବହୁତ ଦେଖିବାକୁ ମିଳିଛି।

    ଏହି ଭିଡିଓକୁ ଦେଖିଲେ ଯେ କେହି ବି ଆଶ୍ଚର୍ଯ୍ୟ ହୋଇଯିବେ। ଯେଉଁଥିରେ ମାତ୍ର ୭ ବର୍ଷର ନାବାଳକ ଡେଲିଭରି ବୟ ଭାବେ କାମ କରୁଥିବା ଦେଖିବାକୁ ମିଳିଛି। ପରିବାରକୁ ସାହାର୍ଯ୍ୟ କରିବା ପାଇଁ ବାପାଙ୍କ ସ୍ଥାନରେ ଜୋମାଟୋ ଡେଲିଭରି ବୟ ଭାବରେ କାମ କରୁଛି ଏହି ନାବାଳକ ଜଣକ। ଏକ ସଡକ ଦୁର୍ଘଟଣାରେ ନାବାଳକର ବାପାଙ୍କ ଅବସ୍ଥା ଅତି ଗୁରୁତର ହୋଇଥିଲା। ଯେଉଁଥିରେ ଚଲାବୁଲା କରିବା ତାଙ୍କ ପକ୍ଷରେ ଅସମ୍ଭବ ହୋଇ ପଡିଥିଲା। ସେପଟେ ପରିବାର ଚଳାଇବାକୁ କଷ୍ଟକର ହୋଇପଡିଥିଲା। ଠିକ ସେତିକିବେଳେ ଏହି ପୁଅ ପାଠ ପଢିବା ସହ ଘର ଚଳାଇବାକୁ ନିଷ୍ପତ୍ତି ନେଇଥିଲା। ସକାଳେ ସ୍କୁଲ ଯାଇ ପାଠପଢିବା ସହ ସନ୍ଧ୍ୟାରେ ସାଇକେଲ ଚଲାଇ ଜୋମାଟୋ ଡେଲିଭରି ବୟ ଭାବେ କାମ କରୁଥିବା ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହୋଇଛି। ପିଲାଟି ସାଇକେଲ ଚଲାଇ ହାତରେ ଚକୋଲେଟ ଡବା ଧରିଥିବା ଭିଡିଓରେ ନଜର ଆସିଛି। ଏହି ଭିଡିଓରେ ପୁଅଟିର କାର୍ଯ୍ୟକୁ ଯିଏ ବି ଦେଖୁଛି ତାର କଠିନ ପରିଶ୍ରମ ଓ ନିଷ୍ଠାକୁ ସଲାମ ବୋଲି କହିଛନ୍ତି। ଏପରି ସାହାସୀ ଓ ପରିଶ୍ରମୀ ପିଲା କୋଟିଏରେ ଗୋଟିଏ ଜନ୍ମ ନେଇଥିବା ପ୍ରତିକ୍ରିୟା ଦେଖିବାକୁ ମିଳିଛି।
    – ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ

  • ନବଜାତ ଶିଶୁକୁ ଉର୍ଦ୍ଧାର କଲା ବାପା

    ବନ୍ୟା ସମୟରେ ଜୀବନ ବଞ୍ଚାଇ ଉଦ୍ଧାର ପାଇବା ପାଇଁ ସମସ୍ତ ପ୍ରାଣପ୍ରଣେ ଚେଷ୍ଟା କରନ୍ତି। ବନ୍ୟା ସମୟରେ ଉଦ୍ଧାର ହେବାର ବିକଳ ଦୃଶ୍ୟ ଆଖିରେ ନଦେଖିଲେ ବିଶ୍ବାସ କରି ହେବ ନାହିଁ । କଥାରେ ଅଛି ବାପା ମା ପିଲାମାନଙ୍କୁ ନିଜ ଜୀବନ ଠାରୁ ଅଧିକ ଭଲପାଆନ୍ତି । ପିଲାମାନେ ହେଉଛି ଆଗାମୀ ଭବିଷ୍ୟତ । ଲଗାତ ବର୍ଷ ହେତୁ ଆସାମରେ ବନ୍ୟା ପରିସ୍ଥିତି ଧୀରେ ଧୀରେ ଗମ୍ଭୀର ହେବାରେ ଲାଗିଛି । ୩୨ ରୁ ଅଧିକ ଜିଲ୍ଲା ବନ୍ୟା ପ୍ରଭାବିତ ହୋଇ ଜଳସ୍ତର ବୃଦ୍ଧି ପାଉଛି । ଫଳରେ ଲୋକମାନେ ଘରୁ ବିସ୍ଥାପିତ ହେବେ । ଆସାମ ସିଲଚରର ଜଣେ ପିତା ନବଜାତ ଶିଶୁକୁ ଘରୁ ଆଣିବାର ଏକ ଭିଡିଓ ଇଣ୍ଟରନେଟରେ ଭାଇରାଲ ହେଉଛି । ଶଶାଙ୍କ ଚକ୍ରବର୍ତ୍ତୀ ଏହି ଭିଡିଓକୁ ନିଜ ଟୁଇଟର ଆକାଉଣ୍ଟରେ ସେୟାର କରିଛନ୍ତି । ଅଣ୍ଟାଏ ବନ୍ୟା ଜଳ ଭିତରେ ଜଣେ ବ୍ୟକ୍ତି ନିଜ ନବଜାତ ଶିଶୁକୁ ଟୋକେଇରେ ଧରି ନେଉଛନ୍ତି । ଯାହାଲୋକଙ୍କ ଦୃଷ୍ଟିଆର୍କଷଣ କରିଥିଲା ।

    ସିଲଚରରେ ନବଜାତ ଶିଶୁ ସହତି ବାପାଙ୍କ ପାଣିଘେରରୁ ପାର ହେଉଥିବା ଏହିଭିଡି ଓ ଦ୍ବାପରର ଚିତ୍ର ଉଜ୍ଜିବିତ କରିଛି। ବସୁଦେବ ଯମୁନା ନଦୀପାର ହୋଇ ନବଜାତ ଭଗବାନ କୃଷ୍ଣଙ୍କୁ ତାଙ୍କ ମୁଣ୍ଡ ଉପରେ ନେଇଥିବାର କଥା ଏହି ଦୃଶ୍ୟ ମନେପକାଇ ଦେଇଛି । ଆସାମରେ ୩୨ ଟିଜିଲ୍ଲାରେ ୫୫ ଲକ୍ଷ ଲୋକ ପ୍ରଭାବିତ ହୋଇଛନ୍ତି। ବାପା ଛୁଆର ଜୀବନ ବଞ୍ଚାଇ ସୁରକ୍ଷିତ ସ୍ଥାନକୁ ନେଉଥିବାର ଦୃଶ୍ୟ ବାସ୍ତବରେ ସୁଚାଇ ଦେଉଛି । ପ୍ରତ୍ୟକ ଦିନ ହେଉଛି ବାପାଙ୍କର । ଏଭ୍ରିଡେ ଇଜ୍ ଫାଦରସ ଡେ । ବର୍ତ୍ତମାନ ଯୁବପିଢି ପାଇଁ ଏହିଦୃଶ୍ୟ ଗୋଟିଏ ବାର୍ତ୍ତା ଦେଉଚି ବାପାଙ୍କୁ ଭଲପାଆନ୍ତୁ ସମ୍ମାନ କରନ୍ତୁ । କାରଣ ପିଲାମାନଙ୍କ ପାଇଁ ସମସ୍ତ ବାପା ନିଶ୍ଚିତ ଭାବରେ କଷ୍ଟ କରିଛନ୍ତି, ପିଲାଙ୍କ ଆଦର୍ଶ ।
    ସ୍ମରଜିତ୍ଆର୍ଯ୍ୟଙ୍କ ରିପୋର୍ଟ

Back to top button