ପୁଣି ବିବାଦରେ ‘ଆମ ବସ୍’

କଟକ: ପୁଣି ଦୁର୍ଘଟଣା ଘଟାଇଲା ଆମ ବସ୍‌। ବାଇକ ଚାଳକଙ୍କୁ ଧକ୍କା ଦେଲା ଆମ ବସ । କଟକ ଖାନନଗର ମଲାଚଣ୍ଡିଆ ଛକ ଠାରେ ଧକ୍କା ଦେବା ସହ ବାଇକ ଚାଳକକୁ 20 ଫୁଟ ଘୋସାଡିନେଲା ଆମ ବସ । ବସ ଚକା ତଳୁ ବାଇକ ଚାଳକଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ଏସସିବି ମେଡିକାଲକୁ ପଠାଇଲେ ସ୍ଥାନୀୟ ଲୋକେ । ଯୁବକ ଜଣକ ଓଲଟପୁର ଅଞ୍ଚଳର ହୋଇଥିବା ସୂଚନା । ଦୁର୍ଘଟଣା ପରେ ଘଟଣାସ୍ଥଳରେ ଉତେଜନା ଦେଖାଦେବା ସହ ଆମ ବସକୁ ଅଟକାଇଥିଲେ ସ୍ଥାନୀୟ ଲୋକେ । ସେପଟେ ଘଟଣା ପରେ ବସ୍ ଚାଳକ ଫେରାର ହୋଇଯାଇଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।