ଟଙ୍କା ଦିଅ ଚଳିବ- ହେଲେ ଉଦ୍ଧାରକାରୀ ଦଳ ପଠାଅନି : କାହିଁକି ଏମିତି କହିଲା ନେପାଳ ?

ନେପାଳରେ ପ୍ରଳୟଙ୍କାରୀ ବନ୍ୟାରେ ଭାରତ ଯଥାସମ୍ଭବ ମାନବୀୟ ସହାୟତା ଯୋଗାଇବା ଜାରି ରଖିଛି। ଆବଶ୍ୟକୀୟ ଔଷଧ, ଖାଦ୍ୟ ପୁଡ଼ିଆ ସହ ଅନ୍ୟାନ୍ୟ ଜରୁରୀ ସାମଗ୍ରୀ ପଠାଇଚାଲିଛି। ବିଦେଶ ମନ୍ତ୍ରାଳୟର ମୁଖପାତ୍ର ରଣଧୀର ଜୟସଓ୍ୱାଲ କହିଛନ୍ତି, ଭାରତ ଏପର୍ଯ୍ୟନ୍ତ ୪୭.୫ ଟନର ସାମଗ୍ରୀ ନେପାଳକୁ ପଠାଇସାରିଛି। ଏହା ବ୍ୟତୀତ ବେଲି ବ୍ରିଜ୍ ଓ ପ୍ରୀଫୈବ ଟ୍ରସ ବ୍ରିଜ ଦେବାକୁ ବି ଭାରତ ନିଜ ଆଡ଼ୁ ଆଗଭର ଦେଖାଇଛି। ଭାରତ, ଚୀନ୍,ଆମେରିକା, ବ୍ରିଟେନ, ଜାପାନ, ଦକ୍ଷିଣ କୋରିଆ, ଶ୍ରୀଲଙ୍କା, ବାଂଲାଦେଶ ଭଳି ଦେଶ ନିଜର ବିଶେଷଜ୍ଞ ବିପର୍ଯ୍ୟୟ ପ୍ରଶମନ ଟିମକୁ ନେପାଳ ପଠାଇବାକୁ ପ୍ରସ୍ତାବ ଦେଇଥିଲେ। ଭାରତ ବି ନିଜର ଏନଡିଆରଏଫ ଟିମ ମୁତୟନ କରିବାକୁ ପ୍ରସ୍ତାବ ପଠାଇଥିଲା। ହେଲେ ନେପାଳୀ ସେନା ଓ ପୁଲିସ ସୁପାରିଶରୁ ସରକାର ଏ ସବୁ ପ୍ରସ୍ତାବକୁ ଖାରଜ କରିଦେଇଛନ୍ତି। ସରକାରଙ୍କ କହିବା କଥା, ୨୦୧୫ର ବିନାଶକାରୀ ଭୂକମ୍ପ ବେଳେ ବିପୁଳ ସଂଖ୍ୟାରେ ବିଦେଶୀ ଟିମ୍ ଆସିବାରୁ ସମନ୍ୱୟ ଓ ପ୍ରବନ୍ଧନରେ ଭାରି ସମସ୍ୟାର ସାମ୍ନା କରିବାକୁ ପଡ଼ିଥିଲା। ନେପାଳ ପୁଲିସ ଓ ବିଭିନ୍ନ ଦୂତାବାସର ସୂଚନା ଅନୁସାରେ, ସ୍ଥିତି ଏବେ ବି ଅତ୍ୟନ୍ତ ଗମ୍ଭୀର ଅଛି। ନେପାଳ ଯଦିଓ ବିଦେଶୀ ସେନା ବା ଉଦ୍ଧାରକାରୀ ଦଳକୁ ନେବାକୁ ମନା କରିଦେଇଛି। କିନ୍ତୁ ମାନବୀୟ ଓ ଆର୍ଥିକ ସହାୟତାକୁ ସ୍ୱାଗତ କରିଛି। ଭାରତ ବ୍ୟତୀତ ଆମେରିକା, ବ୍ରିଟେନ ଓ ବିଶ୍ୱବ୍ୟାଙ୍କ ପୂର୍ବରୁ ଆର୍ଥିକ ସହାୟତା ଦେବାକୁ ଘୋଷଣା କରିସାରିଛନ୍ତି। ଏସିଆନ ଡେଭେଲପମେଣ୍ଟ ବ୍ୟାଙ୍କ (ଏଡିବି)ର ଅଧ୍ୟକ୍ଷ ମାସାତୋ କାଣ୍ଡା ନେପାଳ ପ୍ରଧାନମନ୍ତ୍ରୀ ବାଲେନ୍ଦ୍ର ଶାହଙ୍କ ସହ କଥା ହୋଇ ପୁନଃନିର୍ମାଣ ଓ ପୂର୍ବ ଚେତାବନୀ ପ୍ରଣାଳୀ ବା (EARLY WARNING SYSTEM) କୁ ମଝଭୁତ କରିବାରେ ସହଯୋଗ କରିବାକୁ ଆଶ୍ୱାସନା ଦେଇଛି। ନେପାଳ ଦୂତାବାସଙ୍କୁ ନିର୍ଦେଶ ଦିଆଯାଇଛି କି କୌଣସି ପ୍ରକାର ଆର୍ଥିକ ସହାୟତା କେବଳ ପ୍ରଧାନମନ୍ତ୍ରୀ ରିଲିଫ ପାଣ୍ଠି ଜରିଆରେ ଗ୍ରହଣ କରାଯିବ।