Punjab EX DIG Bail :ପଞ୍ଜାବର ନିଲମ୍ବିତ DIG ଭୁଲ୍ଲରଙ୍କ ଦୁର୍ନୀତି ମାମଲା: ଜାମିନ ଆବେଦନ ଖାରଜ

କେନ୍ଦ୍ରୀୟ ଅନ୍ୱେଷଣ ବ୍ୟୁରୋ (CBI) ଦ୍ୱାରା ଦର୍ଜ ଭ୍ରଷ୍ଟାଚାର ମାମଲାରେ ଗିରଫ ପଞ୍ଜାବ ପୁଲିସର ନିଲମ୍ବିତ ଡିଆଇଜି (DIG) ହରଚରଣ ସିଂହ ଭୁଲ୍ଲରଙ୍କୁ ସୁପ୍ରିମକୋର୍ଟରୁ କୌଣସି ଆଶ୍ବସ୍ତି ମିଳିନାହିଁ । ପଞ୍ଜାବ ଓ ହରିୟାଣା ହାଇକୋର୍ଟଙ୍କ ଜାମିନ ନାକଚ ଆଦେଶକୁ ଚ୍ୟାଲେଞ୍ଜ କରି ଭୁଲ୍ଲର କରିଥିବା ଆବେଦନର ଶୁଣାଣି କରି ସୁପ୍ରିମକୋର୍ଟ କଠୋର ଆଭିମୁଖ୍ୟ ଗ୍ରହଣ କରିଛନ୍ତି । ​ପ୍ରଧାନ ବିଚାରପତି (CJI) ସୂର୍ଯ୍ୟ କାନ୍ତ, ଜଷ୍ଟିସ ଜୟମାଲା ବାଗଚୀ ଓ ଜଷ୍ଟିସ ଭି. ମୋହନାଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରୁଥିଲା | ଶୁଣାଣି ସମୟରେ ଯେତେବେଳେ ଭୁଲ୍ଲରଙ୍କ ଓକିଲ ଅଭିଯୋଗକାରୀ ଓ ମୁଖ୍ୟ ସାକ୍ଷ୍ୟ ର ବୟାନ କୁ ନେଇ ତର୍କ କରିଥିଲେ ଓ ଦୁଇଟି ଶ୍ୟଡୋ ସାକ୍ଷୀମାନଙ୍କ ଯାଞ୍ଚ ର ଅନୁମତି ମାଗିବା ସମୟରେ ​ପ୍ରଧାନ ବିଚାରପତି (CJI) ସୂର୍ଯ୍ୟ କାନ୍ତ ,ମୌଖିକ ଭାବେ କହିଛନ୍ତି ଯେ, "ଏହା ୧୦୦% ଖାରଜ ଯୋଗ୍ୟ ମାମଲା! ଆପଣ ଏହାକୁ ଏବେ ଖାରଜ କରିବାକୁ ଚାହୁଁଛନ୍ତି ନା ପରେ?" କୋର୍ଟ ସ୍ପଷ୍ଟ କରିଛନ୍ତି ଯେ, ମୁଖ୍ୟ ସାକ୍ଷୀମାନଙ୍କ ବୟାନ ରେକର୍ଡ ହେବା ପରେ ହିଁ ଜାମିନ ଆବେଦନର ବିଚାର କରାଯିବ ଏବଂ ଶୁଣାଣିକୁ ୪ ସପ୍ତାହ ପାଇଁ ସ୍ଥଗିତ ରଖାଯାଇଛି ।  ​ସୂଚନାଯୋଗ୍ୟ, ସିବିଆଇ (CBI) ୨୦୨୫ ଅକ୍ଟୋବର ୧୬ରେ ଭୁଲ୍ଲରଙ୍କୁ ଗିରଫ କରିଥିଲା । ରୂପନଗର ରେଞ୍ଜ ର ତତ୍କାଳୀନ ଡିଆଇଜି ଜଣେ ବ୍ୟବସାୟୀ ଆକାଶ ବଟ୍ଟାଙ୍କଠାରୁ ସରହୀନ୍ଦ ଥାନାରେ ରୁଜୁ ହୋଇଥିବା ଅଭିଯୋଗ ମାମଲା ରଫାଦଫା କରିବା ପାଇଁ ଏକ ମାଧ୍ୟମ ଜରିଆରେ ଲଞ୍ଚ ଦାବି କରିଥିବା ଅଭିଯୋଗରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା ।