ଭିନେଶ ଫୋଗଟଙ୍କ ବିରୁଦ୍ଧରେ ସୁପ୍ରିମକୋର୍ଟ ଗଲା WFI

ଭିନେଶଙ୍କ ଫୋଗଟଙ୍କ ବିରୁଦ୍ଧରେ ସୁପ୍ରିମକୋର୍ଟ ପହଞ୍ଚିଲା WFI

ଭିନେଶ ଫୋଗଟଙ୍କ ବିରୁଦ୍ଧରେ ସୁପ୍ରିମକୋର୍ଟ ଗଲା ରେସଲିଂ ଫେଡେରେସନ ଅଫ ଇଣ୍ଡିଆ ବା ଭାରତୀୟ କୁସ୍ତି ମହାସଂଘ। ଏସିଆନ ଗେମ୍ସ ୨୦୨୬ ପାଇଁ ସିଲେକ୍ସନ ଟ୍ରାଏଲ ପରୀକ୍ଷାରେ ଭାଗ ନେବାକୁ ଦିଲ୍ଲୀ ହାଇକୋର୍ଟ ଭିନେଶଙ୍କୁ ଅନୁମତି ଦେଇଥିଲେ। ଏହି ରାୟକୁ ଚାଲେଞ୍ଜ କରିଛି ଡବ୍ଲୁଏଫଆଇ। ଭାରତୀୟ କୁସ୍ତି ସଂଘ (WFI) ସୁପ୍ରିମକୋର୍ଟରେ ଭିନେଶ ଫୋଗଟଙ୍କ ବିରୋଧରେ ଆବେଦନ କରିଛି। ମେ ୨୨ ତାରିଖରେ ଦିଲ୍ଲୀ ହାଇକୋର୍ଟ ଭିନେଶ ଫୋଗଟଙ୍କୁ ଏସିଆନ୍ ଗେମ୍ସ ଟ୍ରାଏଲ୍‌ରେ ଭାଗ ନେବାକୁ ଅନୁମତି ଦେଇଥିଲେ। ଭିନେଶ ମାତୃତ୍ୱ ବିରତି (maternity break) ପରେ WFI ତାଙ୍କୁ ଅଯୋଗ୍ୟ ଘୋଷଣା କରିଥିଲା, ଯାହାକୁ ସେ କୋର୍ଟରେ ଚ୍ୟାଲେଞ୍ଜ କରିଥିଲେ। ହାଇକୋର୍ଟ କହିଥିଲେ ଯେ ମାତୃତ୍ୱ ଆଧାରରେ କୌଣସି ମହିଳା ଖେଳାଳିଙ୍କୁ ବାହାର କରାଯାଇପାରିବନି। କୋର୍ଟ ଏହି ନିର୍ଦ୍ଦେଶ ମଧ୍ୟ ଦେଇଥିଲେ ଯେ, ଟ୍ରାଏଲର ଭିଡ଼ିଓ ରେକର୍ଡିଂ କରାଯିବ। SAI ଏବଂ IOA ର ସ୍ୱାଧୀନ ପର୍ଯ୍ୟବେକ୍ଷକ ଉପସ୍ଥିତ ରହିବେ। WFI ଦାବି କରିଛି ଯେ ହାଇକୋର୍ଟଙ୍କ ଆଦେଶ ଭୁଲ୍ ଏବଂ ଏହାକୁ ରଦ୍ଦ କରାଯିବା ଉଚିତ୍। ଏହି ମାମଲାକୁ ସୁପ୍ରିମକୋର୍ଟର ନ୍ୟାୟାଧୀଶ ପି.ଏସ୍. ନରସିଂହା ଓ ଆଲୋକ ଆରାଧେଙ୍କ ବେଞ୍ଚରେ ଶୁଣାଣି ହୋଇପାରେ। ବିବାଦର ପୃଷ୍ଠଭୂମି କିଛି ଏମିତି ଥିଲା। WFI ର ନୂତନ ଯୋଗ୍ୟତା ନିୟମ ଅନୁଯାୟୀ, ଶେଷ କିଛି ସମୟ ଧରି ଖେଳିନଥିବା ଖେଳାଳିମାନେ ଅଯୋଗ୍ୟ ହେବେ। ମାତୃତ୍ୱ ବିରତି ପରେ ଏହା ଭିନେଶ ଫୋଗଟଙ୍କୁ ପ୍ରଭାବିତ କରିଥିଲା। ଏସିଆନ୍ ଗେମ୍ସ ଚୟନ ଟ୍ରାୟାଲ୍‌ ମେ ୩୦–୩୧ ତାରିଖରେ ହେବ। ଏହା ପୂର୍ବରୁ ସୁପ୍ରିମକୋର୍ଟରେ ଶୁଣାଣି ହେବାର ସମ୍ଭାବନା ରହିଛି।