ହିସାର-ଚଣ୍ଡିଗଡ଼ ଜାତୀୟ ରାଜପଥରେ ନରୱାନାର ବିଧରଣା ଗ୍ରାମ ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଟାଟାଏସ୍ ଭ୍ୟାନକୁ ଟ୍ରକ୍ ପଛପଟୁ ଧକ୍କା ଦେଇଛି। ଏହି ଦୁର୍ଘଟଣାରେ ଜଣେ ମହିଳା ଓ ଜଣେ ଶିଶୁଙ୍କ ସମେତ ୭ ଜଣ ତୀର୍ଥଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ୯ ଜଣ ଶ୍ରଦ୍ଧାଳୁ ଆହତ ହୋଇଛନ୍ତି। ୭ ଜଣ ତୀର୍ଥଯାତ୍ରୀଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନଙ୍କୁ ହିସାରର ଆଗ୍ରୋହା ମେଡିକାଲ କଲେଜରେ ଭର୍ତ୍ତି କରାଯାଇଛି।
ସୂଚନା ଅନୁଯାୟୀ, କୁରୁକ୍ଷେତ୍ରର ମର୍ଚେଡି ଗ୍ରାମର ପ୍ରାୟ ୧୫ ଜଣ ସୋମବାର ସନ୍ଧ୍ୟାରେ ଟାଟା-ଏସ୍ ଯୋଗେ ଗୋଗାମେଡ଼ି ଅଭିମୁଖେ ବାହାରିଥିଲେ। ରାତି ପ୍ରାୟ ୧ଟା ବେଳେ ହିସାର-ଚଣ୍ଡିଗଡ଼ ୧୫୨ ନମ୍ବର ଜାତୀୟ ରାଜପଥର ନରୱାନାର ବିଧରଣା ଓ ଶିମଲା ଗାଁ ମଧ୍ୟରେ ସେମାନଙ୍କ ଗାଡ଼ି ପହଞ୍ଚିବା ବେଳେ ପଛପଟୁ ଏକ ଟ୍ରକ୍ ସେମାନଙ୍କୁ ଧକ୍କା ଦେଇଥିଲା। ଧକ୍କା ହେବା ପରେ ଟାଟା-ଏସ୍ ରାସ୍ତାରେ ଥିବା ଖାଲରେ ଓଲଟି ପଡ଼ିଥିଲା। ତେବେ ନରୱାନା ପୁଲିସ ୭ଟି ଆମ୍ବୁଲାନ୍ସ ନେଇ ନରୱାନାର ସରକାରୀ ଡାକ୍ତରଖାନାକୁ ଯାଇଥିଲା। ୭ ଜଣଙ୍କୁ ଡାକ୍ତର ମୃତ ଘୋଷଣା କରିଥିଲେ। ଆହତଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଆଗ୍ରୋହାକୁ ସ୍ଥାନାନ୍ତର କରାଯାଇଛି।
Naxatra News is now on Whatsapp
Join and get latest news update delivered to you via whatsapp
Join Now
