ଗଞ୍ଜାମ: ଗଞ୍ଜାମ ଛତ୍ରପୁର ଥାନା ଅଗସ୍ତିନୂଆ ଗାଁ ନିକଟ ଟାଟା ମୋଟର୍ସ ନିକଟରେ ମର୍ମନ୍ତୁଦ ଦୁର୍ଘଟଣା। ଦୁର୍ଘଟଣାରେ ଜଣେ ମୃତ, ୫ ଗୁରୁତର । ମୃତକ ହେଲେ ଭୁବନେଶ୍ବର ଆଇଟିଆର କଲେଜର ଇଞ୍ଜିନିୟରିଂ ଛାତ୍ର ଦେବରାଜ । ଗୁରୁତରମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ଗତକାଲି ଭୁବନେଶ୍ୱର ଆଇଟିଆର କଲେଜର ୫ ଜଣ ଛାତ୍ର ଗୋପାଳପୁର ବୁଲିବାକୁ ଆସିଥିଲେ। ସକାଳେ ଗୋପାଳପୁରରୁ ଭୁବନେଶ୍ୱର ଫେରୁଥିବା ସମୟରେ ଗଞ୍ଜାମ ଛତ୍ରପୁର ଥାନା ଅଗସ୍ତିନୂଆ ଗାଁ ନିକଟରେ କାରର ବ୍ରେକ ଫେଲ ହୋଇଯାଇଥିଲା। ଫଳରେ କାରଟି ଏକ ଟ୍ରକରେ ପିଟି ହୋଇଥିଲା । ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଡ୍ରାଇଭରଙ୍କ ସମେତ ୫ଜଣ ଆହତ ହୋଇଛନ୍ତି ।
ଘଟଣାସ୍ଥଳରେ ଅଗ୍ନିଶମ ବାହିନୀ ଏବଂ ସ୍ଥାନୀୟ ପୋଲିସ ପହଞ୍ଚି ଆହତଙ୍କୁ ପ୍ରଥମେ ଛତ୍ରପୁର ଏବଂ ପରେ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରିଛି। ।
![](https://naxatranews.com/wp-content/uploads/2024/08/Whatsapp-Logo.png)
Naxatra News is now on Whatsapp
Join and get latest news update delivered to you via whatsapp
Join Now